Судирот меѓу Индија и Пакистан предизвика големи проблеми во воздушниот сообраќај - Канал 5

Свет

Судирот меѓу Индија и Пакистан предизвика големи проблеми во воздушниот сообраќај

Најновиот воен конфликт меѓу Индија и Пакистан, кој ескалираше по индиските воздушни напади врз цели во Пакистан, доведе до сериозни прекини во глобалниот и регионалниот воздушен сообраќај.

Судирот меѓу Индија и Пакистан предизвика големи проблеми во воздушниот сообраќај

Оваа криза, најинтензивна во последните три децении, има далекусежни последици за авиоиндустријата, како во Азија, така и низ целиот свет.

Затворање на воздушниот простор и забрани за прелетување

Индија затвори најмалку 24 аеродроми во северните и западните региони на земјата, вклучувајќи важни локации како што се Амритсар и Сринагар, предизвикувајќи масовни откажувања и пренасочувања на летови. Во исто време, Пакистан привремено го затвори својот воздушен простор, но наскоро ги продолжи летовите на повеќето правци, со ограничувања во северните делови на земјата. Двете земји им забранија на меѓусебните авиокомпании да летаат една над друга, што дополнително ја комплицира ситуацијата за меѓународните превозници.

Глобално влијание: Подолги рути и повисоки трошоци

Затворањето на пакистанскиот воздушен простор ги принуди многу глобални авиокомпании, вклучувајќи ги „Луфтханза“, „Ер Франс“, „Бритиш ервејс“ и „Сингапур ерлајнс“, да ги пренасочат своите летови преку Иран, Оман и Обединетите Арапски Емирати. Овие промени го продолжија времето на летот за 30 до 90 минути, ја зголемија потрошувачката на гориво и оперативните трошоци, а ги намалија и приходите на Пакистан и Индија од надоместоци за прелети.

Индиските авиокомпании, како што се „Ер Индија“ и „ИндиГо“, се соочуваат со значителни финансиски загуби. „Ер Индија“ проценува дополнителни трошоци од околу 600 милиони долари годишно поради подолгите рути. За да ги ублажи последиците, индиската влада одобри привремени продолжувања на работното време и периодите за одмор за екипажите на летови на долги релации.

Регионално влијание: Пренасочени летови и откажувања

На регионално ниво, земјите од Централна Азија, кои одржуваат интензивни воздушни врски со Индија, се најпогодени. Казахстанската авиокомпанија „Ер Астана“ мораше да ги пренасочи летовите меѓу Алмати и Делхи, со што летот траеше речиси седум часа, наместо вообичаените три часа. Слична судбина ја снајде и узбекистанската авиокомпанија „Узбекистан ервејс“, која ги промени своите летови до Делхи и Бангкок, продолжувајќи го времето на летови за неколку часа. На пример, летот Ташкент-Делхи сега трае повеќе од шест часа, наместо два, додека летот Ташкент-Бангкок сега трае осум часа наместо шест.

Од друга страна, киргистанската компанија „Аеро Номад“ ги откажа сите летови меѓу Бишкек и Делхи, бидејќи нејзината флота од авиони А320 нема доволен дострел за заобиколните рути. Се очекува линијата да биде обновена дури по 22 мај 2025 година.

Влијание врз товарниот сообраќај

Покрај патничките летови, затворањето на пакистанскиот воздушен простор има значително влијание врз товарниот сообраќај. Компании како што се DHL и FedEx, кои често користат рути преку Пакистан за летови меѓу Европа и Југоисточна Азија, сега се принудени да користат алтернативни рути преку Иран и Оман. Овие промени доведуваат до доцнења во испораката, зголемени логистички трошоци и дополнителни слетувања за полнење гориво.

На пример, карго летовите од Франкфурт до Бангкок сега користат подолга рута над јужен Иран и Арапското Море, со што времето на летот се продолжува за повеќе од еден час. Слично на тоа, летовите со карго центри во Доха и Дубаи до Југоисточна Азија исто така користат подолги јужни коридори. Покрај доцнењата, зголемените трошоци за гориво би можеле да имаат долгорочни последици врз цените на транспортот и ефикасноста на глобалните логистички синџири.

Влијание врз Блискиот Исток и Југоисточна Азија

Авиокомпаниите од Блискиот Исток, исто така, беа погодени од овој конфликт. „Катар ервејс“ и „Емирати“ мораа да ги прошират своите рути кон Индија и Југоисточна Азија. Летовите од Доха и Дубаи до Делхи сега користат повеќе јужни рути преку Иран, што го зголемува времето на летот и трошоците за гориво.

Југоисточна Азија, исто така, ги чувствува последиците, особено Сингапур ерлајнс и Малезија ерлајнс, кои сега користат рути над Арапското Море и Оман за да го избегнат затворениот воздушен простор на Пакистан. На пример, летот Сингапур-Ташкент трае речиси два часа подолго.

Безбедносни предизвици и меѓународни реакции

Покрај логистичките предизвици, безбедносните ризици се значајни. Регистрирани се случаи на попречување на GPS сигналот над конфликтната зона, што претставува сериозна закана за цивилните летови. Меѓународните организации, вклучително и Меѓународната организација за цивилно воздухопловство (ICAO), изразија загриженост за потенцијалните опасности за цивилното воздухопловство и повикаа на итна деескалација на конфликтот.

Тагови: Индија Пакистан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Трагнал да вози Ферари, па се заглавил во тесна уличка- сите му се смеат (ВИДЕО)

Тесните улици на историскиот центар на Севиља станаа „стапица“ за црвен луксузен автомобил со португалски регистарски таблички.

Трагнал да вози Ферари, па се заглавил во тесна уличка- сите му се смеат (ВИДЕО)

Возачот на скапиот автомобил се нашол во незавидна ситуација откако се обидел да сврти, а потоа се соочил со сериозни тешкотии при маневрирањето низ тесен премин, објавува „Ел Дебет“.

Во видео кое се појави на мрежите, снимено од очевидец, можете да видите како Ферарито се заглавило откако се обидело да сврти на улицата Бамберг, на аголот со улицата Арготе де Молина.

Минувачите се обиделе да го насочат возачот за да избегне оштетување на каросеријата.

Од друга страна, корисниците на социјалните мрежи биле помалку љубезни кон возачот на Ферари. Многумина потсетиле на ризиците од возење низ најтесните и најпрометните делови на Севиља.

„Кој би возел автомобил вреден 250.000 евра низ стариот центар на градот?“, прашал еден од нив.

Медиумите известуваат дека пристапот до овој дел од градот е ограничен на станари, сопственици на гаражни простори и возила на јавниот сервис, токму поради тесните улици и недостатокот на простор за непречено движење.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Полицајци во САД пукале во автомобил и убиле едногодишно бебе, обвинителката смета дека било оправдано (ВИДЕО)

Главниот обвинител на американската држава Мисисипи пресуди дека полицијата оправдано употребила сила кога пукала во автомобил за време на истрага за кражба во која загина едногодишно момче. 

Полицајци во САД пукале во автомобил и убиле едногодишно бебе, обвинителката смета дека било оправдано (ВИДЕО)

Коен Вајли беше убиен во јуни додека седел во скутот на неговата мајка. Полицијата тврди дека возачот го возел автомобилот кон полицајците, пишува Би-Би-Си.

Пукање по пријава за кражба

На 14 јуни, полицијата била повикана во продавницата „Волмарт“ во Сенатобија за пријава за кражба на пелени и детска облека. Според Бирото за истраги на Мисисипи, полицајците пронашле две жени и едно бебе како се приближуваат кон автомобил на паркингот. Тие се обиделе да го запрат возилото, но според официјалната верзија, тоа тргнало кон еден од полицајците и речиси го погодило.

Потоа еден полицаец отворил оган. Куршумот го уби момчето и сериозно ја повреди жената-возач, Латоја Ферел.

Мајката на Коен, Велесија Вајли, која седела на совозачкото седиште со своето дете во скутот, негира дека таа или Ферел украле нешто. Таа рече дека го држела својот син кренат за полицајците да можат да го видат непосредно пред да биде застрелан. Не се поднесени кривични пријави против ниту една жена.

Спорна одлука на обвинителството

Државната обвинителка Лин Фич го објави заклучокот од истрагата во кратка изјава во понеделник. „Во овој инцидент, канцеларијата на државниот обвинител утврди дека употребата на сила била оправдана“, напиша таа. Полицијата не ги објави снимките од пукањето, ниту оние од камерите што ги носеле полицајците на нивните униформи, ниту снимките од камерите за надзор од паркингот. Сепак, некои беа протечени на интернет, според кои се гледа дека полицајците пукаат во автомобил што бега од нив.

Адвокатот на семејството Вајли, Бенџамин Крамп, се спротивстави на одлуката на обвинителот. „Како некој може да прифати таков заклучок додека на семејството на Коен и на јавноста сè уште не им е дозволено да ги видат снимките од полициските камери?“, рече Крамп. „Ако видеата ја потврдат одлуката на државата, објавете ги. Нема да се откажеме од борбата додека ова семејство не ја дознае вистината“, рече тој.

Мартин Зумах, адвокатот на полицаецот што пукаше, за Асошиејтед прес изјави дека возачот „се обидел да го убие“ неговиот клиент. „Тој немаше друг избор освен да пука“, рече Зумах.

Смртта на момчето се случи на американскиот празник Џунтинти, кој го означува крајот на ропството, што предизвика протести во Сенатобија. Демонстрантите тврдат дека расата играла улога во полициските акции. Коен и двете жени во автомобилот се црнци, додека полицаецот кој пукал наводно е бел, како и државниот обвинител. Минатиот месец, градот го отпушти својот началник на полицијата, кој е бел, откако еден весник откри негови СМС-пораки во кои тој постојано користел расни навреди.

Тагови: бебе полицајци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Тринаесетгодишната ќерка на Ким кардашијан и Канје Вест шокира со новиот изглед (ВИДЕО)

Норт Вест објави ново видео на TikTok во понеделник во кое покажа уште една промена во својот изглед. 

Тринаесетгодишната ќерка на Ким кардашијан и Канје Вест шокира со новиот изглед (ВИДЕО)

Тринаесетгодишната ќерка на Ким Кардашијан и Канје Вест се појави со нов детаљ на вратот што личеше на пирсинг, а видеото набрзо предизвика бројни реакции. Норт експериментираше со изгледи и претходно, особено со шарени перики, драматична шминка и лажен накит.

@northwest ♬ original sound - North West

Во новото видео, таа покажа многу изразена шминка, долга светло сина перика и екстремно долги црни вештачки нокти. Ги нагласи очите со темна шминка, ги обои усните во црно и покажа црни украси на забите. Сепак, детаљот во средината на вратот што личеше на пирсинг привлече најголемо внимание.

Норт ја движеше камерата навнатре и нанадвор за да го покаже својот нов изглед додека во позадина се слушаше „The Reason“ од Hoobastank. Неколку часа претходно, таа објави уште едно слично видео, во кое носеше розова маска за очи, а околу вратот можеше да се види и накит.

@northwest ♬ original sound - North West

Ким Кардашијан не се појави во ниту една од тие објави.

Следбениците изненадени од нејзиниот изглед

Трансформацијата на Норт предизвика бројни реакции од корисниците на социјалните мрежи. „Пирсинг на грло?!“ напиша едно лице. „Ова е толку тажно...“ коментираше друг корисник, додека трет напиша: „Нема шанси да има 13 години“.

Норт претходно објасни дека пирсингот е лажен

Порано овој месец, Норт разговараше во живо со својата мајка за нејзиниот накит, а потоа разјасни дека пирсингот што го носи не е вистински. „Луѓе, овие пирсинг не се вистински“, рече таа. „Ги менувам толку често што мислите дека се вистински“. Ким се согласи со својата ќерка, додавајќи: „Да, како луѓето некогаш можат да помислат дека се вистински? Тие секогаш се различни“.

Сепак, Норт не крие дека еден ден би сакала вистински „мост“ пирсинг на мостот на носот. Нејзините родители засега не се за идејата. „Можеби ќе ризикувам кога ќе бидам постара“, рече Норт, додека Ким ја затресе главата во позадина. Како компромис, таа предложи: „Засега, можеме само да ги залепиме“.

Нејзиниот изглед веќе предизвикуваше контроверзии

Норт претходно беше критикувана поради начинот на кој експериментира со својот изглед. Следбениците реагираа на нејзините објави со лажни пирсинзи на образите и бутовите, како и со фотографија од неа со тетоважи на лицето.

Канје Вест, исто така, реагираше на нејзиниот изглед претходно, кој ја критикуваше својата поранешна сопруга за тоа што, според него, ѝ дозволува на нивната ќерка да се облекува и дотерува посоодветно за нејзината постара возраст.

Ким и Канје имаат четири деца - 13-годишната Норт, осумгодишниот Чикаго и синовите Сеинт (10) и Псалм (7). Поранешните сопружници го делат законското и физичкото старателство над децата.

Тагови: Канје Вест Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер