Фудбал

Судиите во Шпанија водат војна против Реал Мадрид: Анчелоти остар по поразот од Еспањол

Поразот на Реал Мадрид на гостувањето кај Еспањол дојде како резултат на добрата игра на каталонскиот тим, но за ваквиот расплет придонесоа и судиските одлуки, вели тренерот на европскиот шампион, Карло Анчелоти.

Искусниот италијански стручњак смета дека судиите во Ла Лига водат своевидна војна против неговиот тим и го крена гласот ваквите работи итно да се променат.

-Дали судиите водат војна против Реал Мадрид? Не знам, не би сакал да зборувам за тоа, но некои работи се очигледни. Мислам дека целиот свет можеше да види дека Килијан Мбапе беше фаулиран одзади и дека тоа беше чист црвен картон. Тоа мора да се промени, изјави Анчелоти.

Што се однесува до самата игра, тренерот на Мадрид и не е толку незадоволен, бидејќи смета дека неговите избраници одиграле сосема фер натпревар во Барселона и покрај поразот.

-Од наша страна не беше толку лошо како што покажува резултатот. Игравме добар фудбал, а нашиот ривал очекувано беше фокусиран на одбраната и брзите контранапади. Го знаевме тоа, но не успеавме да триумфираме. Не е важно, продолжуваме понатаму и продолжуваме да се бориме, но Реал Мадрид е клуб кој мора да се почитува, изјави Анчелоти. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Капитенот на Тотенхем заминува во Мадрид

Капитенот на Тотенхем го најавува заминувањето, оди кај Симеоне во Мадрид за 40 милиони евра .

Кристијан Ромеро синоќа потврди дека го напушта англискиот премиерлигаш Тотенхем по пет сезони поминати во лондонскиот клуб.

Аргентинскиот централен дефанзивец го објави своето заминување преку проштална порака, а неговиот трансфер во Атлетико Мадрид сега чека само официјална потврда.

Тотенхем и Атлетико постигнаа договор вреден приближно 40 милиони евра, при што англискиот клуб ќе добие и 15 проценти од евентуална идна продажба. Ромеро имаше договор со Тотенхем до 2029 година, но гласините за неговото заминување кружеа во текот на целото лето, а Атлетико беше неговата посакувана дестинација. Аргентинскиот интернационалец одигра 124 натпревари и постигна 12 гола за Тотенхем во текот на пет сезони.

Минатата сезона ја носеше капитенската лента, а сега заминува за да соработува со својот сонародник, Диего Симеоне. Интерес за него покажаа и Интер и Арсенал, но Атлетико беше клубот што на крајот го реализираше трансферот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Маж извлечен од урнатите четири дена по земјотресот во Колумбија

Во Колумбија маж е извлечен од урнатите четири дена по силниот земјотрес.

Мажот бил пронајден под урнатините на хотел во градот Переј-Ра, што претставува редок зрак надеж по потресот од 7,4 степени кој ја погоди земјата и однесе најмалку 280 животи..

Околу 400 луѓе и натаму се водат како исчезнати. Земјотресот што ја погоди колумбија во понеделникот наутро, со епицентар во Сан Хозе Дел Палмар во покраината Чоко, урна повеќе станбени блокови и оштети куќи, училишта и болници низ западот на земјата..

Тагови: земјотрес Колумбија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Најголемиот пожар во историјата регистриран во Белгија, ЕУ испраќа помош

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата.

Земјите-членки на ЕУ испратија три хеликоптери и два авиона за гаснење пожари за да ѝ помогнат на Белгија во справувањето со пожар во источниот дел на земјата, изјави европскиот комесар за управување со кризи, откако белгиските власти побараа итни засилувања за да го стават под контрола најголемиот пожар што ја погодил земјата во последните неколку децении.

Огнот го зафати „От Фан“ (Hautes Fagnes), најголемиот белгиски природен резерват, каде што пожарот беснее уште од петокот. Локалните пожарникари, земјоделците и ангажираните воени сили се обидуваат да го спречат ширењето на пожарот.

Според извештаите на локалните медиуми, кои се повикуваат на податоци од гувернерот на провинцијата Лиеж, до денес попладне изгореле околу 1.600 хектари.

Ова е најголемиот пожар регистриран во Белгија досега – кој го надминува дури и пожарот од 2011 година, кога изгореа речиси 1.400 хектари – според податоците на Европскиот информативен систем за шумски пожари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.