Шоу биз

Судењето на Ендрју Тејт во Британија поради сексуално злоставување е одложено за 2026 година

Судењето на британскиот инфлуенсер Ендрју Тејт во Велика Британија поради сексуално и физичко злоставување на четири жени е поместено за јуни следната година, откако денеска се одржа подготвително рочиште.

Судењето е преместено за јуни 2026 година, иако првично требаше да започне на почетокот на 2027 година. Тејт не присуствуваше на краткото рочиште и не беше должен да го стори тоа, пренесе Ројтерс.

Ендрју Тејт, интернет личност и самопрогласен мизогинист, ќе се соочи со судење во Британија следната година поради граѓански тужби од четири жени за наводно физичко и сексуално насилство, откако случајот беше придвижен напред во средата.

Можеби ќе ве интересира: Ендру Тејт објави бизарно видео по излегувањето од затвор: „Имам вистински планови“

Четирите тужителки, чии идентитети се заштитени, тврдат дека Тејт ги подложил на физичко или сексуално насилство во периодот од 2013 до 2015 година. Две од нив велат дека биле во интимна врска со Тејт, додека другите две работеле за неговиот онлајн бизнис со веб-камери.

Можаби ќе ве интересира: Браќата Тејт од Британија ги чека доживотен затвор во нивната земја, сакаат да останат во Романија

Адвокатите на жените наведуваат во судските поднесоци дека една жена била заканувана со пиштол додека Тејт ѝ рекол: „Ќе правиш како што ти велам или ќе платиш жестоко“, а друга тврди дека ја давел сè додека не изгубила свест за време на сексуален однос.

Тејт (38) ги негира обвинувањата, а неговите адвокати во писмената одбрана тврдат дека обвиненијата се лажни и дека сета сексуална активност била со взаемна согласност.

Можеби ќе ве интересира: Ендру Тејт се потсмева со патниците кои загинаа во несреќа на подморница?

За време на подготвително рочиште во Високиот суд во Лондон во средата, судењето беше преместено за јуни 2026 година, откако претходно било закажано за почетокот на 2027 година.

„Не е во ничиј интерес овој случај да се одложува до 2027 година,“ изјави судијката Кристина Ламберт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нова инвестиција во спортската и рекреативната инфраструктура на Кавадарци

Градоначалникот на Кавадарци, Митко Јанчев најави нова инвестиција во спортската и рекреативната инфраструктура на Кавадарци.

[🏁] Нова инвестиција во спортската и рекреативната инфраструктура на Кавадарци.

По најавата за вовед во работа и поставувањето на камен-темелникот, продолжуваме со реализација на Картинг центарот, инвестиција обезбедена преку вториот повик на Владата. Центарот ќе се простира на 2.700 м², со современа картинг патека и придружни објекти, а вредноста на инвестицијата изнесува 35.247.407 денари.

Нова содржина за младите, љубителите на автомобилизмот и спортот, но и дополнување на туристичката понуда на Кавадарци, стои во објавата на Фејсбук на првиот човек на Кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МФ: 2,9 милиони евра нова подршка за инвестиции на домашните компании

2,9 милиони евра нова подршка за инвестиции на домашните компании – парите од унгарскиот заем силен поттик за економијата.

Министерството за финансии префрли нов трансфер во износ од 176,5 милиони денари или 2,9 милиони евра од централниот Буџет кон Развојната банка за поддршка на инвестициски проекти во домашните комании.

Со овој трансфер вкупната поддршката на Владата кон домашните компании достигна 14,7 милијарди денари или 239 милиони евра, што е значителен поттик за реализација на приватни инвестиции и поттик за економијата. Во Буџетот за оваа намена се планирани вкупно 250 милиони евра.

Средствата коишто се обезбедени во Буџетот, а се пласираат преку Развојната банка и мрежата на домашни деловни банки до крајните корисници – домашни компании ги обезбеди Владата од унгарската Експорт-импорт банка со цел да поттикне инвестициски циклус во приватниот сектор. Средствата на компаниите се пласираат по поволни услови со каматна стапка од 1,95% и рок на отплата до 15 години со грејс период до 3 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џенифер Лопез го покажува своето тело во бикини и на 57 години

Светската ѕвезда, актерката и пејачка Џенифер Лопез немаше проблем и на 57 годишна возраст да се соблече во секси ретро бикини.

Погледнете го изгледот на Џеј Ло што го освои интернетот.

Џенифер Лопез повторно привлече големо внимание кај своите следбеници, овојпат со серија фотографии на кои позираше во ретро бикини и ја покажа својата завидна фигура.

Латино дивата, која во јули го прослави својот 57-ти роденден, на фотографиите блесна во стилот на стариот Холивуд. Таа позираше во бикини во нијанса на скршено бело, кое го искомбинира со чевли со украсни детали и чипкаста марама на главата.

Посебен акцент стави на својот затегнат стомак, а целиот изглед го заокружи со тркалезни очила за сонце и елегантна бела чанта со четвртаст облик.

Лопез објави и полароид-фотографија на која позира во бел фустан со длабоко деколте и заводливи шлицови, што дополнително ја истакна нејзината фигура.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.