Шоу биз

Ендру Тејт објави бизарно видео по излегувањето од затвор: „Имам вистински планови“

Откако Ендру Тејт и неговиот брат Тристан беа пуштени од затвор во домашен притвор, контроверзниот инфлуенсер веднаш се огласи на Твитер.

Тој објави бизарно видео, на кое може да се види како пуши цигара и се шета низ куќата облечен само во долниот дел од панталоните.

„Од минатата година сум во 24-часовен затвор, дури и не сум бил во дворот. Шетам по триметарска ќелија без никаква електроника или надворешен контакт. Целосна јасност на умот. Вистински мисли. Вистински планови. Еден час дома и не можам да го поднесам својот телефонот. Некои навики тешко умираат. Мора да го победиме Сатаната“, напиша тој во описот на објавата.

Да потсетиме, Тејт, неговиот брат и двете осомничени Романки, Џорџиана Нагел и Луана Раду, беа уапсени на 29 декември минатата година во Романија под обвинение дека основале криминална група која сексуално експлоатирала шест жени. Сепак, сè уште не е покренато обвинение против браќата и нивните соработници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тешка сообраќајка во близина кај скопскиот аеродром

Тешка сообраќајна несреќа на надвозникот кај влезот на скопскиот аеродром..

Автомобил се преврте од надвозникот во правец на аеродромот.

Според првичните податоци на МВР повредени се повеќе луѓе. На местото на несреќата се врши увид, а засега не се познати причините за несреќата.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Македонија во топлотен бран: Од вторник променливо облачно со повремени врнежи од дожд

Топлото време продолжува и денеска, со температури до 39 степени. Времето ќе биде сончево со мала до умерена локална облачност и слаб до умерен ветер од источен правец.

Температурата ќе се движи од 14 до 39 Целзиусови степени.

Во Скопје се очекуваат температури од 21 до 38 степени.

Од утре попладне, под влијание на циклонска активност, се најавува промена на времето со повремени врнежи од дожд, грмежи и засилен ветер. Локално се можни невреме, пороен дожд, град и силни електрични празнења. Од четврток ќе дува засилен северен ветер, особено долж Повардарието, каде повремено ќе достигнува над 50 километри на час.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Регистриран земјотрес во епицентралното подрачје Тетово-Гостивар

Според досегашните податоци со кои располага опсерваторијата, земјотресот е почувствуван од жителите на градовите Гостивар, Тетово и околината.

Според податоците со кои располага Сеизмолошката опсерваторија при Природно-математичкиот факултет во Скопје, во 00 часот и 06 минути беше почувствуван земјотрес чиј епицентар потекнува од епицентралното подрачје Тетово-Гостивар, со Рихтерова локална магнитуда, ML3.0.

Според досегашните податоци со кои располага опсерваторијата, земјотресот е почувствуван од жителите на градовите Гостивар, Тетово и околината, со интензитет од III степени според Европската макросеизмичка скала.

Европско-медитеранскиот сеизмолошки центар (ЕМСЦ) јавува дека земјотресот бил со јачина од 2,9 степени според Рихтеровата скала на длабочина од пет километри, додека епицентарот е лоциран на 10 километри северозападно од Гостивар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.