Судење за обвинетиот сериски убиец - вештачењето покажува дека Бојковски е целосно пресметлив - Канал 5

Македонија

Судење за обвинетиот сериски убиец - вештачењето покажува дека Бојковски е целосно пресметлив

Обвинетиот за серијата убиства, Трајко Бојковски, кому му се суди за четири убиства и два обида за убиство, денеска пред Основниот суд во Куманово призна дека извршил три од четирите убиства за кои се товари.

Судење за обвинетиот сериски убиец - вештачењето покажува дека Бојковски е целосно пресметлив

На рочиштето прв сведочеше психијатарот и форензички психијатар проф. д-р Стојан Бајрактаров, кој извршил вештачење на психичката состојба на обвинетиот.

Според вештиот наод, Бојковски го разбира македонскиот јазик и нема потреба од толкувач, но има ограничен фонд на зборови како последица на емоционална запоставеност. Неговите интелектуални способности, според вештакот, се на границата меѓу лесно намалени и нормални интелектуални капацитети.

Бајрактаров посочи дека Бојковски во почетокот одговарал кратко, но подоцна можел да опише и конкретни настани.

По исказот на вештакот, судот оцени дека на Бојковски не му е потребна дополнителна стручна помош во текот на постапката, по што обвинетиот почна да одговара на прашањата на обвинителството и одбраната.

Токму тогаш следуваше и најнејасниот дел од неговиот исказ. Бојковски потврди дека извршил три убиства, но на вкрстените прашања не можеше прецизно да каже кои три жени признава дека ги убил, а кое дело го негира.

Во еден момент се заколна во Алах дека ја кажува вистината, но на прашањето дали е од православна вероисповед не даде конкретен одговор.

Обвинителот Љубомир Лапе му читаше делови од неговиот претходен исказ даден во Обвинителството. Бојковски повторно одговараше главно со „да“ и „не“, поради што, според обвинителот, останало нејасно кое конкретно кривично дело се обидува да го негира.

„Мислам дека самиот не знаеше кое конкретно кривично дело го негира, а на сите вкрстени прашања фактички одговори потврдно. Анализа на ваквата одбрана ќе дадам во завршните зборови. Кривичните дела тој ги призна пред јавен обвинител, а за сите дела постојат и други материјални докази со кои се поткрепува обвинението.“ – Љубомир Лапе, јавен обвинител

Според Лапе, ваквиот начин на одбрана може да биде обид на обвинетиот да си ја олесни сопствената положба, што било наведено и во психијатриската анализа.

Бојковски се товари за четири убиства и два обида за убиство. Доколку биде прогласен за виновен за најтешкиот облик на кривичното дело убиство, за кој обвинението тврди дека со умисла лишил од живот повеќе лица, законот предвидува казна затвор од најмалку десет години или доживотен затвор.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер