Македонија

Судење „Штекли“: Презентирани форензички вештачења и ДНК анализи, обвинителството тврди дека групата била строго хиерархиска

Во Основниот кривичен суд Скопје денеска продолжи главната расправа за предметот против Раде Трајковски – Штекли и останатите обвинети за неовластено производство и пуштање во промет на наркотични дроги.

На денешното рочиште беа презентирани материјални докази, вклучувајќи записници за претрес, потврди за привремено одземени предмети и форензички вештачења за пронајдени наркотични супстанци и биолошки траги.

Пред судот беа изведени докази поврзани со претрес на патничко моторно возило „Опел“ со скопски регистарски ознаки, управувано од еден од обвинетите. Според презентираните материјали, при прегледот, под возачкото седиште биле пронајдена цилиндрична кутија и кесичка со бела прашкаста материја.

– Извештај од вештачење од 10.01.2025 година, од кој е утврдено дека белата прашкаста материја пронајдена во количина од 31 грам кај лицето претставува кокаин, беше истакнато од страна на јавната обвинителка Верица Бержетска-Крстевска.

Во продолжение на доказната постапка, јавната обвинителка презентираше и резултати од ДНК анализа на пронајдените предмети.

– Извештај од вештачење на којшто се утврдени траги на крв, од горниот дел од внатрешната површина на една од кесичките, тоа е една прашкаста материја, поврзана со лицето во ДНК-профил од еден од обвинетите, наведе Бержетска-Крстевска.

За истото лице бил извршен увид и во наредби за претрес на дом, при што бил одземен мобилен телефон.

Во однос на комуникацијата меѓу обвинетите, беа презентирани листи од телефонски разговори остварени во август 2024 година. Според доказите, регистрирана е комуникација меѓу дел од обвинетите, при што се лоцирани базните станици во реонот на населбите Керамидница и Дебар Маало.

Меѓу презентираните докази беше и записник од август 2024 година за извршен преглед на лице во Скопје, кај кое, според наводите, била пронајдена кесичка со растителна материја скриена во презерватив. Вештачењето потврдило дека се работи за 16,5 грама марихуана. Дополнително, беше презентиран и доказ за пронајдена бела супстанца во возило „Лексус“, за која вештачењето покажало дека се работи за 4,17 грама кокаин.

Групата, според обвинението, дејствувала во периодот од јануари 2024 до јануари 2025 година и била добро организирана, со јасно дефинирани улоги – од набавка до продажба на кокаин и марихуана. Обвинителството тврди дека првообвинетиот Раде Трајковски – Штекли се јавува како организатор и координатор, кој бил во контакт со лица од странство и домашни посредници за првична набавка на кокаин, давајќи насоки и упатства за проширување на мрежата.

Според доказите на Обвинителството, дрогата се чувала во изнајмени станови, а се продавала по цени од 4.500 до 6.000 денари за грам кокаин и 200 до 300 денари за грам марихуана. Комуникацијата се одвивала преку апликации за заштитена комуникација, како „Снепчет“, а клучни докази биле обезбедени преку систем за анализа на мобилни телефони.

На почетокот на судскиот процес, првообвинетиот Раде Трајковски – Штекли изјави дека не го разбира обвинението, додека останатите обвинети се изјаснија дека не се чувствуваат виновни. Одбраната на Трајковски истакна дека ќе докаже оти тој не формирал, ниту организирал криминална група и дека не постојат докази дека давал инструкции, посочувајќи дека наводите на Обвинителството се базираат на претпоставки.

Обвинението првично опфаќаше 16 лица, од кои дел веќе склучија спогодби и добија затворски казни, а за четворица обвинети постапката беше раздвоена по признавање на вината.

Тагови: штекли

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Баба Дронијак (96) не се откажува од забавите во домот и покрај заканите за исфрлање

Дури и на 96 години, Лилијан Дронијак не се одмара.

Популарната инфлуенсерка, позната како „Баба Дронијак“ на Инстаграм и ТикТок, неодамна сподели детали за инцидент во нејзиниот дом за стари лица во САД, тврдејќи дека менаџментот се заканил дека ќе ја исели поради организирање „диви забави“.

Лилијан стекна милиони следбеници споделувајќи хумористични анегдоти од нејзиниот живот, вклучувајќи ја и нејзината љубов кон дружењето со пријателите.

@grandma_droniak i cant believe this. i have to party #partygirl #nursinghome #drama #grandma ♬ original sound - grandma_droniak

Предупредување за бучава и алкохол

Во видео што го објави, таа покажа писмо што го добила од менаџментот на домот, во кое се наведува дека може да биде иселена поради забави и пиење.

„Ме исфрлаат од домот за стари лица. Го добив ова писмо. Во него пишува дека ќе ме исфрлат ако не престанам да се забавувам“, рече Лилијан. Во писмото се детално опишани правилата на домот: „Ви пишуваме поради бројни поплаки за бучава од вашата соба. Забавите не се дозволени и не ви е дозволено да им служите алкохол на другите жители. Ова е безбедносен ризик. Иако ги охрабруваме жителите да се дружат и да уживаат во активностите во заедницата, не можеме да дозволиме диви забави. Безбедносните снимки покажуваат луѓе како ја напуштаат вашата соба во 1 часот наутро минатиот вторник.“

Во писмото, исто така, се предупредува дека „континуираните инциденти од ваков вид“ може да резултираат со ограничен пристап до заедничките простории и „да доведат до понатамошно преиспитување на вашиот статус на престој во заедницата.“

И покрај предупредувањето, Лилијан не се откажа. Таа им рече на своите следбеници: „Плаќам 12.000 долари месечно за да живеам тука. Претпоставувам дека можам да се забавувам ако сакам.“ Таа додаде: „Моите пријатели доаѓаат вечерва. Ќе пиеме неколку пијалоци и ќе озборуваме. Не е забава, но стануваме гласни.“

Тагови: дом за стари лица Баба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николовски: Маратонот и достоинството се субјективна работа

„Бугарија си го фатила местото, без разлика дали е правилно или не е правилно. Јас сум сега на оваа маса викнат и без разлика какво мислење имам и без разлика што ќе ми кажат. Но, тој што не е на оваа маса, може да си зборува дома колку сака“

Треба да седиш на масата, треба и ние на Бугарите да им ставиме некогаш вето за нешто. Ако ние останеме маратонски вечно, не знам колку трае маратонот дали додека е Мицкоски Премиер или додека сме ние живи, или додека е Богдан жив или додека е внук ми жив. Колку е тој маратон и колку тоа достоинство трае? Колкумина ќе останат во Македонија, колку патриоти ќе живеат во оваа земја? Тој маратон и достоинство се субјективна работа.

Ајде нека направат референдум, да видиме точно колку се за ЕУ, колку не, за да не се караме. Која е стратегијата, освен што одат во Брисел да ги убедат. Бугарското министерство сега вели дека се 250 илјади пасоши, а нека се и 100 илјади, дали ним достоинството им падна? Тие се „за“ бугарите ви устав или не? Си правиме дневна политика, браниме едни напаѓаме други. Сигналите се едно, тие може да имаат резултат, колку е моќта на тие Европјани да сменат знаејќи каква е надворешната политика на Бугарија изминатите 1000 години, вели Љубиша Николовски во „Само вистини со Видиновски“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тешки трговски разговори меѓу ЕУ и Кина, Брисел постави рок за договор

Еврокомесарот за трговија Марош Шефчович се сретна со кинескиот министер за трговија Ванг Вентао во Брисел, велејќи дека сака опипливи резултати од трговските разговори до октомври.

Разговорите беа „интензивни, фокусирани и конструктивни“, изјави Шефчович за новинарите во понеделник, додавајќи дека двете национални делегации ќе продолжат со разговорите во текот на вечерта.

„Сметаме дека до октомври нашите тимови имаат доволно време да постигнат опипливи резултати“, рече тој. Ванг го покани да го посети Пекинг во октомври.

Спротивни ставови

Шефчович инсистираше дека ЕУ сака разговорите да се фокусираат на растечкиот трговски јаз. „Кинескиот извоз во ЕУ продолжува да расте, додека нашиот пазарен удел во Кина продолжува да се намалува. Овој тренд не е одржлив и статус кво не е опција“, рече тој.

Шефчович рече дека двете страни формирале групи за да разговараат за трговскиот баланс, контролата на извозот, интелектуалната сопственост и реформата на СТО.

Кина ја уверува ЕУ дека контролата на извозот на ретки метали нема да ги наруши синџирите на снабдување на ЕУ, рече тој.

Лидерите на Европската унија побараа од Комисијата, задолжена за трговските односи на блокот, да ги оствари резултатите од дијалогот со Кина, бидејќи нејзиниот трговски суфицит со ЕУ достигна 360,6 милијарди евра во 2025 година, што претставува зголемување од 15 проценти во споредба со 2024 година. Суфицитот се зголеми за 10 проценти во првите четири месеци од оваа година.

Извор: Индекс.хр

Тагови: ЕУ Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.