Судар од 3,5 милиони евра, уништени Бугати и Порше (ВИДЕО)

Пет возила учествувале во тешката сообраќајна несреќа во Швајцарија.

Несреќата се случила на пат со многу кривини на преминот Санкт Готхард во Швајцарија кога возачите на „Бугати“ и „Порше“ решиле да се претекнуваат. Информацијата вели дека Бугати и Порше влетале во две побавни возила, Мерцедес Ц-класа и камперот пред него. Возачот на Бугати решил да ги престигне побавните возила и Порше 911 пред него, па преминал во левата лента и нагазил ,,до даска”.

Во исто време, Порше бил исфрлен во левата лента и се случи контакт. Се разбира, тогаш започнува низата на судири. За среќа, карпите покрај патот спречија некое возило да слета од патот.

Според достапните фотографии, најлошо во однос на оштетувањето поминал Порше 911, најверојатно како резултат на удирање во бетонската преграда од другата страна на патот. На „Бугати Хирон“ му е оштетен предниот дел , браникот, предниот капак и маската.

Локалните медиуми јавуваат дека во несреќата возачот на Мерцедесот бил сериозно повреден и бил однесен во блиската болница.

Во Албанија 131 новозаразени, тројца починати од коронавирус

Во Албанија во последните 24 часа се потврдени нови 131 случаи на коронавирус, а три лица починале.

Според „ Worldometers “, во таа земја во моментов има 5.257 активни случаи.

Од почетокот на епидемијата, во Албанија се заразени вкупно 12.666 лица, од кои 367 починале.

Ванеса Брајант го тужи шерифот поради објавените фотографии од местото на несреќата на Коби

Ванеса Брајант покрена тужба против полицискиот оддел и шерифот Алекс Вилануева за фотографиите од местото на несреќата во кој загинаа нејзиниот сопруг и нивната ќерка.

Тужбата, која се однесува на душевна болка, нарушување на приватноста и небрежност, е поднесена пред Врховниот суд во Калифорнија.

Портпарол на обвинетиот изјавил дека засега немаат коментар, пренесува Вашингтон пост.

Од друга страна, во тужбата се наведува дека „непростливите постапки на одделот на шерифот и предизвикале на г-ѓа Брајант душевна болка и траума поради загубата на Коби и Џана“.

Да потсетиме, во март беше објавено дека членовите на полицискиот оддел во Лос Анџелес се обвинети за споделување фотографии од местото на несреќата, како и дека едниот се пофалил со фотографиите. Медиумите објавија дека им било наредено да ги избришат фотографиите, но не била покрената официјална истрага.

Им било кажано дека нема да претрпат никакви последици доколку ги избришат фотографиите.

Во Франција повторно над 10.000 новозаболени

Во Франција, во изминатите 24 часа се пријавени повеќе од 10.000 нови случаи на коронавирус, шести пат за 12 дена.

Според податоците на Министерството за здравство на таа земја, во изминатите 24 часа биле регистрирани 10.008 случаи, скоро двојно повеќе отколку вчера, кога биле евидентирани 5.298 пациенти.

Ројтерс, сепак, забележува дека бројот на заразени лица пријавени во понеделник е често пати помал поради доцнењето на податоците за време на викендот, и дека во саботата бил забележан рекорден број на заразени лица, 13.498.

Во Франција досега се пријавени вкупно 468.069 случаи на коронавирус.

Земјата денеска пријави уште 78 жртви на корона, со што вкупниот број на починати достигна 31.416.

притисни ентер