Студија: Европа треба годишно да инвестира околу 250 милијарди евра во одбраната - Канал 5

Свет

Студија: Европа треба годишно да инвестира околу 250 милијарди евра во одбраната

Европа треба годишно да инвестира околу 250 милијарди евра во одбраната за да може да ја осигура безбедноста без поддршка од САД.

Студија: Европа треба годишно да инвестира околу 250 милијарди евра во одбраната

Европа треба годишно да инвестира околу 250 милијарди евра во одбраната за да може да ја осигура својата безбедност без поддршка од САД, сума што Европската унија би можела да ја обезбеди, со оглед на нејзината економска сила, се вели во денеска објавена студија.

Во студијата на Истражувачкиот институт Бругел и германскиот Институт за светска економија Киел се наведува дека овие издвојувања, што се еквивалентни на 1,5 отсто од бруто домашниот производ, ќе и овозможат на Европа да мобилизира околу 300.000 војници.

Студијата повика на поблиска координација и заеднички набавки од страна на земјите-членки, истакнувајќи дека и покрај финансиските средства од ЕУ, координацијата на одбраната во рамките на континентот останува главен предизвик меѓу националните вооружени сили. Повеќето европски земји се под зголемен притисок од американскиот претседател Доналд Трамп да ги зголемат воените капацитети, додека неговиот секретар за одбрана Пит Хегсет минатата недела ја предупреди Европа да не ја третира Америка како „наивна“ со тоа што ќе ја направи одговорна за сопствената одбрана.

Лидерот на Христијанско-демократската унија (ЦДУ), Фридрих Мерц, кој е фаворит за германски канцелар на парламентарните избори што ќе се одржат на 23 февруари, вчера предупреди дека постои сомнеж за идното присуство на Вашингтон во НАТО, додека американскиот советник за национална безбедност Мајк Волц им даде рок на сите членки на НАТО до јуни оваа година целосно да ја исполнат целта на трошоците за одбрана од два отсто од домашниот производ.

Студијата на Бругел и Киел сугерираше дека половина од зголемувањето на европските трошоци за одбрана на четири проценти од БДП годишно може да се финансира од заедничкиот европски долг и да се користи за заеднички набавки, додека остатокот може да се покрие на ниво на секоја земја-членка.

Во студијата се наведува дека Москва значително ги зголемила своите воени капацитети од почетокот на војната во Украина, вклучително и значително зголемување на производството на тенкови и оклопни возила. Се покажа дека на Европа ќе и бидат потребни 1.400 нови тенкови и 2.000 борбени возила за 50 дополнителни бригади, бројка што ќе ги надмине сегашните залихи на целокупните германски, француски, италијански и британски копнени сили. „Во економска смисла, ова е изводливо... Ова е многу помалку отколку кога имаше мобилизација за надминување на кризата за време на пандемијата Ковид“, рече коавторот на студијата Гунтрам Волф. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Луис Хамилтон на пол-позицијата на Гран прито во Мексико

Седумкратниот светски шампион во Формула 1, возачот на Ферари, Луис Хамилтон ја освои пол-позицијата  на трката за Големата награда на Мексико, трка по која може да се промовира новиот шампион во најбрзиот циркус.  

Луис Хамилтон на пол-позицијата на Гран прито во Мексико

Хамилтон, седумкратниот светски шампион кој вози за Ферари, беше најбрз, пред Џорџ Расел во Мерцедес и својот тимски колега Шарл Леклер во квалицфикациите пред Гран прито во Мексико.

Макс Верстапен е четврти, додека лидерот во генералниот пласман, Кими Антонели, заврши на петтото место, пред Ландо Норис.

Трката во Мексико е на програмата во недела во 21:00 часот во европско време, а се очекува дваесетгодишниот Италијанец токму во Мексико да ја потврди титулата.

Тој беше блиску до премиерната титула уште минатиот викенд, но сега е навистина тешко да се замисли сценарио во кое тој нема да ја заврши работата.

Антонели не зависи од никого. Доколку заврши на едно од првите девет места, ќе ја обезбеди титулата.

Дури и ако не освои ниту еден бод, сепак може да стане шампион, под услов Расел и Хамилтон да не остварат добар резултат.

До крајот од сезоната се очекува голема борба за местата на подиумот, бидејќи зад Антонели се наоѓаат Џорџ Расел со 242 бода, Луис Хамилтон со 241, Макс Верстапен со 236, Шарл Леклер со 233, па дури и Ландо Норис, кој има 211 бода.

Тагови: Луис Хамилтон Формула 1

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повозрасен скопјанец во својот дом нападнат и ограбен од двајца познаници

76-годишен скопјанец во својот дом бил нападнат и ограбен од двајца познаници. 

Повозрасен скопјанец во својот дом нападнат и ограбен од двајца познаници

-Денеска (01.11.2026) во 05:30 часот во СВР Скопје, К.П.(76) од скопско, пријавил дека на 31.10.2026 околу 21:15 часот во неговиот дом бил физички нападнат од две лица кои ги познавал. Притоа, едно од лицата го удрило со кундак од огнено оружје, по што двајцата му одзеле пари. информираат од МВР.

Се преземаат мерки за расчистување на случајот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Војна на улиците во Франција: 320.000 демонстранти предизвикаа хаос, судири со полицијата...

Во Франција синоќа, за време на протестите низ целата земја, приведени се 296 лица, соопшти Министерството за внатрешни работи.

Видео: Војна на улиците во Франција: 320.000 демонстранти предизвикаа хаос, судири со полицијата...

Според Министерството, на демонстрациите учествувале околу 320.000 луѓе, додека организаторите проценуваат дека бројката достигнала речиси 500.000.

Според податоците на француското Министерство за внатрешни работи, во Париз се собрале околу 70.000 демонстранти, додека младинските синдикати тврдат дека во главниот град протестирале околу 200.000 луѓе, пренесува телевизијата БФМ (BFM TV).

Демонстрациите, кои претставуваат трет бран на социјална мобилизација во последните три недели, првично беа мирни, но доцна попладнето дошло до судири меѓу демонстрантите и полицијата во неколку градови, меѓу кои Париз, Лион, Марсеј, Бордо, Лил и Нант.

Француското Министерство за внатрешни работи соопшти дека радикални групи во неколку градови се обиделе да навлезат во градските центри за да предизвикаат немири, вандализам и грабежи, но полициските сили ги спречиле во тоа.

Во Париз во близина на Порт де Шарантон, дошло до судири при што маскирани демонстранти фрлале предмети кон полицијата, а биле забележани и запаливи направи.

Полицијата одговорила со солзавец, а интервенирала и единицита за разбивање демонстрации.

Во Марсеј, според проценките на префектурата, се собрале до 10.000 луѓе, а откако демонстрантите почнале да фрлаат предмети кон полицијата, безбедносните сили употребиле сила за да ги растераат групите што предизвикуваа немири.

Во Лион, според податоците на префектурата, протестирале 19.000 луѓе, додека во Бордо полицијата изброила 11.000 демонстранти. Сепак, според проценките на синдикатите, во Бордо на улиците излегле околу 70.000 луѓе. Во Тулон, во протестот учествуваа околу 1.000 луѓе, при што осум лица биле приведени, додека во Ница, демонстрациите со околу 4.200 учесници завршиле без посериозни инциденти.

Француските власти го оцениле синоќешните собир како настан со висок безбедносен ризик, поради што низ целата земја беа распоредени околу 70.000 полицајци и жандарми.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер