Австралиската полиција прекина ланец на организиран криминал, најголем до сега во историјата. Во акцијата во која што учествувале и полицајци од Европа, САД Нов Зеланд, биле дешифрирани илјадници кодирани пораки меѓу фигури на криминалниот свет за време од три години.
„Врската што можевме да ја поврземе особено со ФБИ но и со другите агенции ширум светот, доведе до најзначајната операција во историјата на полицијата, тука во Австралија.“- Карен Ендрјус, Министерка за внатрешни работи на Австралија.
За време на операцијата само во Австралија беа одземени околу 3,7 тони дрога, повеќе од 100 парчиња огнено оружје и речиси 45 милиони австралиски долари. Уапсени се 224 лица, против кои беа покренати 525 обвиненија.
Во Нов Зеланд над 300 полицајци биле вклучени во операцијата во која што беа обвинети 900 лица и запленети 2,6 милиони американски долари.
Новозеландската полиција дозволи на истражители од 16 земји да ги следат членовите на мафијата, азиските криминални синдикати и банди на моторизирани криминалци.
Според австралиските медиуми, полицајци биле вклучени во делењето на овие телефони на озлогласени криминалци. Пораките се следеле преку апликацијата АНОМ, која ја користеле светските криминалци за кодирана комуникација, но која била тајно контролирана од ФБИ. Информациите меѓу криминалците се однесувале на планови за убиства, трговија со дрога и оружје.