Македонија

Стопанската комора на трговци со реакција на владините одлуки за ограничување на маржите

Стопанската комора на трговците на големо и мало изразува загриженост од вчерашната одлука да ги ограничи маржите, односно заработката на трговците за 5, 10 и 15% на прехранбени и непрехранбени производи и браат итна нова средба со премиерот.

Стопанската комора на трговците на големо и мало изразува загриженост од вчерашната одлука да ги ограничи маржите, односно заработката на трговците за 5, 10 и 15% на прехранбени и непрехранбени производи и браат итна нова средба со премиерот Христијан Мицкоски

Тие се жалат дека со ова им се нанесува значителна штета на стопанските субјекти, а целта нема да биде постигната.. Велат дека иако Владата најави дека оваа мерка ќе опфати 1000 производи, во реалноста се работи за многу поширока листа од 3000-4000 производи, вклучувајќи ги сите видови млеко со различни маслености, како и производи како што се детергенти и сапуни.

-Од една страна, се наведува дека основните производи се маржираат од 20-25%, што е причината за ограничувањето на маржата на 5%, но од друга страна се тврди дека нема да има значително намалување на цените. Логично е, цените да се намалат за 15-20%, доколку се намали маржата на овој начин. Дополнително, овие одлуки не ги заштитуваат социјално загрозените граѓани, туку најголемата финансиска корист ќе ја имаат потрошувачите со повисоки приходи. На пример, во групата на месни производи ќе треба да се намалат цените и на луксузни производи, што значи дека не се води сметка за приоритетите на граѓаните со пониски примања. – Стопанска комора на трговци на големо и мало.

Сепак, овој пат тешко дека ќе има премислување за одлуката, бидејќи од министерството за економија за Канал 5 потврдуваат дека набргу истата ќе заврши во службен весник, по што и официјално ќе стапи на сила. А, трговците со одлуката се задолжени и да имаат најмалку 70% од предвидените производи на полиците...

Дел од граѓаните сметаат дека е добро што се направило нешто во оваа насока, но сепак ќе почекаат да видат како реален ефект ќе има оваа одлука врз нивниот џеб..

Со одлуката, со 5% се ограничуваат 8 производи, белиот и полубелиот леб, брашната тип 400 и 500, киселото млеко, јогуртот, јајцата, маслото за јадење. На 10% се ограничуваат 37 производи, меѓу кои оризот, пекарските производи, месото од разно животинско потекло, рибата, млечни производи и уште многу други. Со 15% пак се ограничени поголем дел од овошјата и зеленчукот, пелени, бебешка и детска храна, хемикалии како и дел од алкохолните и безалкохолни пијалаци.

Одлуката ќе трае до 30 април со што во овој период ќе бидат опфатени и два од најголемите верски празници кај христијаните и муслиманите, Велигден и Рамазан Бајрам на кои традиционално се полнат трпезите, а се празнат маркетите.

Свет

„Гласот на Америка“ ги раскина договорите со агенциите Асошиетед прес, Ројтерс и Франс прес

Американската владина агенција која го води „Гласот на Америка“ денеска одлучи да ги раскине повеќедецениските договори со агенциите Асошиетед прес, Ројтерс и Франс прес и им порача на своите новинари да престанат да ги користат нивните материјали.

Кари Лејк, поранешна радио новинарка која стана републиканска политичарка, која беше избрана од претседателот Доналд Трамп да го води „Гласот на Америка“, процени дека на тој начин ќе се заштедат 53 милиони долари.

Новата американска администрација брзо го потврди својот авторитет во „Гласот на Америка“, кој доставуваше вести од американска перспектива до земјите ширум светот. Додека го чекаше официјалното одобрение за преземање, Лејк беше именувана за специјален советник во американската Глобална медиумска агенција која го надгледува „Гласот на Америка“ и сестринските организации како што е „Радио Слободна Европа“.

Таа пред два дена преку социјалните мрежи објави дека ги раскинува „скапите и непотребни договори“ со новинските агенции.

-Не треба да им плаќаме на други новински организации да ни кажуваат какви се вестите, рече Лејк, која неуспешно се кандидираше за гувернерка на Аризона. „Со буџет од речиси милијарда долари, ние треба да произведуваме свои вести. И ако тоа не е можно, американските даночни обврзници треба да бараат зошто е тоа така“, рече таа.

На денешниот состанок, на вработените во Гласот на Америка им било кажано да престанат да ги користат материјалите на агенцијата за нивните извештаи, рекоа новинарите кои сакаа да останат анонимни.

Во многу новински организации, аудио, видео и текстуални извештаи од агенции се користат за дополнување на извештаите од нивните сопствени известувачи.

АП, Ројтерс и АФП одбија да коментираат.

Потегот на „Гласот на Америка“ доаѓа во време на затегнати односи меѓу печатот и Белата куќа. Асошиетед прес ја тужеше Белата куќа за забрана за доаѓање на нејзините новинари, Пентагон отстрани неколку новинари од нивните долгогодишни позиции, а новинските агенции беа цел на тужби и истраги. /МИА

Автомобилизам

Речиси 600 казни добија автономните такси возила за непрописно паркирање!

Во Сан Франциско компанијата „Waymo“ превезува патници со своите автономни такси возила, без возачи.

На пат ги има 300, а со толкав возен парк доаѓаат и сообраќајните прекршоци, бидејќи никој не е имун на зло - дури ни вештачката интелигенција.

„Вашингтон пост“ објави дека автономните такси возила добиле 589 пријави во вкупна вредност од 65.065 долари за непрописно паркирање минатата година.

Наводните прекршувања се движат од блокирање на сообраќајот до ограничување на пристапот до услугите за чистење улици и паркирање во забранети области.

Портпаролот на „Waymo“ рече дека компанијата работи на решавање на проблемот. Ова, сепак, не е толку голема бројка, бидејќи минатата година Сан Франциско издаде дури 1,2 милиони билети за непрописно паркирање.

Сепак, интересно е затоа што покажува дека и автономните автомобили - грешат!

Извор: Б92

Регион

Во Белград се одржа масовен протест „на 15-ти за 15-те“, според МВР имало 107.000 луѓе

Голем протестен собир под слоганот „15 за 15“ се одржа денеска во Белград на повик на студентите, кои бараат одговорност за уривањето на настрешница во нови сад и смртта на петнаесет лица.

Централниот настан се одржа на плоштадот Славија, каде студентите им се обратија на граѓаните, ги читаа нивните барања и ги пееја песните кои станаа симбол на протестите. српското мвр официјално соопшти дека според проценките на полицијата на сите локации во белград бројот на учесници бил околу 107.000.

Првично беше најавено дека митингот ќе се одржи на платото пред собранието на Србија, каде се собраа голем број граѓани, но потоа студентските редари ги повикаа граѓаните да се упатат кон Славија, за да се избегнат евентуални провокации и инциденти со групата луѓе кои кампуваат во пионерскиот парк. Вечерва имаше информации за инциденти таму, но студентите соопштија дека официјално нивниот протест е завршен и се оградија од евентуални провокатори.