Свет

Столтенберг: Украина може да се приклучи кон НАТО без одлагање

Самитот на НАТО во Вашингтон ја одбележа и историската одлука на алијансата да и помогне на Украина со воена помош вредна неверојатни 43 милијарди долари.

Русија останува најзначајна и директна закана за безбедноста на сојузниците, стои во заедничката декларација од Самитот во Вашингтон, во која сe вели дека Москва носи исклучива одговорност за војната во Украина. Доцна синоќа беше потврден пакетот тежок 43 милијарди долари помош за Киев. Земјата добива и околу педесет авиони Ф-16, повеќе системи за протввоздушна одбрана, вклучително и пет од системите „Патриот“. За членство во НАТО, Украина ќе треба да почека согласност од сите лидери и исполнување на сите реформи.

-Ова ќе биде добар знак и шанса да се продолжи поддршката, испраќајќи му порака на Путин дека не може да ја надживее војната, a исто така, да им испратиме порака на нашите украински пријатели дека можат да сметаат на нас. , изјави Олаф Шолц, канцелар на Германија

Дека воената поддршка е единствен пат Украина да обезбеди мир, вели и шефот на Европската Унија за безбедносна политика, Жосеп Борел, кој престојува во Вашингтон.

-Ако ја запреме поддршката за Украина, војната сигурно ќе заврши. Ќе заврши брзо, но како? Со тоа што Украина ќе се предаде, ќе добие марионетска влада во Киев со украински народ столчен од агресорот. Дали е ова патот со кој сакаме крај на војната? Не. , вели Жосеп Борел, шеф на европската дипломатија.

Во завршната декларација на Самитот се најде и улогата на Кина, која Столтенберг ја посочи дека игра клучна улога во нелегалната војна на Русија против Украина. Кина е означена дека и пружа воено-техничка помош на Москва „како микро-електронски компоненти за двојна намена, што официјален Пекинг категорично го отфрли нарекувајќи го документот полн со лаги, клевети и со менталитет од Студената војна.

-Пораката испратена од НАТО самитот е многу силна и јасна. Ние прецизно ја одредивме одговорноста на Кина во однос на нејзината улога во овозможувањето на руската воена агресија во Украина. , додаде Столтенберг.

Денешниот завршен ден од Самитот ќе биде заокружен со средба на Советот НАТО - Украина на ниво на шефови на држави и влади. Синоќа во Белата куќа, американскиот претседател ја организираше традицоналната вечера за лидерите на алијансата каде домаќинот порача дека клучно е единството меѓу сојузниците.

-За на НАТО и за нашето соседство на нации. Да продолжиме да растеме посилни и поблиски во годините пред нас. , изјави Џо Бајден, претседател на САД

Бајден кој две недели се бори за политички опстанок по бројните барања да се повлече од претседателската трква, вечерва е пред нов, можеби најсериозен тест. Тој ќе одржи прес-конференција на која ќе треба да се соочи со низа незгодни прашања.

Свет

Израел ги продолжи нападите во Газа, има мртви

Израелската армија денеска, по истекот на рокот за почеток на примирјето во Газа, гаѓа цели во северниот и јужниот дел на палестинската енклава, потврдија нејзините жители за Ројтерс.

Израелската армија денеска, по истекот на рокот за почеток на примирјето во Газа, гаѓа цели во северниот и јужниот дел на палестинската енклава, потврдија нејзините жители за Ројтерс, а израелските сили потврдија дека нападнале „терористички цели „ во северните и централните делови на Газа со тенкови.

Новинар на АФП во Сдерот, израелски град на северниот раб на палестинската територија, видел неколку експлозии и облаци од црн чад што се издигале во областа Беит Ханун по осум часот наутро.

Тројца Палестинци утрово се убиени во израелски напад врз источниот дел на Газа во, според медицински извори.

Израелската армија утринава соопшти дека прекинот на огнот не стапил во сила во 7:30 часот бидејќи Хамас не доставил список на израелски заложници кои требало да бидат ослободени според договорот за прекин на огнот.

Портпаролот на израелската армија Даниел Хагари изјави дека нападите на израелската армија ќе продолжат се додека палестинската исламистичка организација не ги исполни своите обврски.

Тој додаде дека армијата е подготвена да го спроведе договорот за прекин на огнот, но е подготвена и да одговори доколку Хамас ги прекрши неговите одредби.

Израелскиот премиер Бенјамин Нетанјаху, во последниот час пред првично договорениот прекин на огнот да стапи на сила во 7:30 часот, рече дека прекинот на огнот со Хамас нема да започне додека палестинското исламистичко движење не ја предаде листата на заложници, а Хамас цитираше технички проблеми на теренот.

Нетанјаху „синоќа изврши безбедносна проценка во врска со одложувањето на добивањето на списокот со заложници што треба да бидат ослободени“, се вели во соопштението од кабинетот на премиерот.

„Тој ја информираше израелската војска дека прекинот на огнот што требаше да стапи на сила во 7:30 нема да започне додека Израел не добие список на заложници што треба да бидат ослободени, што Хамас се обврза да го обезбеди“, се додава во текстот.

Прекинот на огнот за кој Катар преговараше со помош на САД и Египет треба да стапи на сила во 7:30 часот.

Хамас во соопштението рече дека има намера да го испочитува договорот, но призна дека доцнело со обезбедувањето на имињата на заложниците кои треба да бидат ослободени, „поради технички причини на теренот“.

Свет

Израел потврди дека ја добил листата на заложници

Израелската влада потврди дека добила список на заложници кои треба да бидат ослободени во текот на денот.

Хамас претходно објави дека денеска им ги предал на посредниците имињата на тројцата израелски заложници кои групата ќе ги ослободи во Газа.

-Бригадите Ал-Касам одлучија денеска, недела, 19 јануари 2025 година, да ги ослободат следните израелски затвореници, објави вооруженото крило на Хамас, објавувајќи ги имињата на трите млади жени киднапирани на 7 октомври 2023 година.

Регион

Камион натоварен со јаглен направи хаос во село во БиХ- урнати бандери, огради, куќи (ВИДЕО)

Невообичаена сообраќајна несреќа се случи денеска во Масловаре кај Котор Варош во БиХ, кога камион натоварен со јаглен изгубил контрола и оштетил делови од дворови на неколку куќи.

Како што може да се види на снимките, урнати се огради во неколку дворови, во еден од нив настрешница, а срушена е и бандера, што им направи дополнителни проблеми на мештаните, објави Независне.

Според локалните жители, се чини дека камионот превезувал руда од локалниот рудник, кој бил затворен со години, но неодамна повторно започнал со работа.

Во оваа несреќа за среќа нема повредени, а полицијата извршила истрага за утврдување на околностите на несреќата.