Стоилковски: Власта да каже кои странски агентури влијаат на односите со Бугарија

Власта да не ги крие и да ги посочи со име кои се тие странски агентури кои влијаат на односите со Бугарија, да каже и кој ги финансира бугарските здруженија во Македонија.

Ако власта излегува со тврдење дека агентурни мрежи и странски пари се вклучени во креирањето тензии со Бугарија, бараме да не ги кријат и да ги посочат со име и презиме кои се тие агентурни мрежи и какво влијание прават. Бараме да се знаат и јавно да се идентификуваат за да граѓаните не подлегнуваат под нивно влијание, изјави Наум Стоилковски, портпарол на ВМРО-ДПМНЕ одговарајќи на новинарско прашање на денешната прес конференција.

Како второ, Стоилковски посочи дека се бара финансиските институции да го следат текот на парите и да објават како се финансираат бугарските здруженија во Македонија.

- Трето и многу важно за владата во Македонија е да побара од Бугарија доследно почитување на одлуките на Судот за човекови права во Стразбур. Четврто, власта да реагира на омаловажувачките и негаторски политики и изјави од бугарска страна, истакна Стоилковски.

Стоилковски потенцира дека наместо измеќар и поданички однос, владата да има достоинствени позиции и однесување.

Стоилковски: СДС и ДУИ ја втурнаа државата во енергетска, економско-инфлаторна криза, па се фалат со невидливи автопати и железници

Нема да бидеме злобни како СДС и нема да кажеме дека власта организира Панаѓур, како што тоа власта го оценуваше првиот дводневниот политички Саем на промените што носат иднина, вели портпаролот на ВМРО-ДПМНЕ, Наум Стоилковски запрашан за став за тоа што Владата одржува дводневна конференција, на која премиерот Димитар Ковачевски на отворањето посочи дека главна тема била континуитетот кон подобар стандард и услови за живеење на граѓаните.

За разлика од владата, посочи Стоилковски, ВМРО-ДПМНЕ и градоначалниците имаа со што да се пофалат реализирајќи крупни капитални и инфраструктурни проекти во сите полиња на општественото живеење, кои го олеснуваат и го подобруваат животниот стандард на македонските граѓани.

„Со таа разлика што ВМРО-ДПМНЕ и нејзините градоначалниците имаа со што да се пофалат во само една година, со 120 милиони евра реализирани проекти, 36 милиони евра за нови булевари и улици; 20 милиони евра во водоводна и одводна инфраструктура; проекти во градинки, училишта, спортот, културата“, истакна Стоилковски.

Потенцираше дека од друга страна владата на СДСМ и ДУИ немаат со што да се пофалат, се фалат со невидливи и непостоечки автопати и железнички, а единствено ако за нив за фалење тоа што Македонија ја втурнаа во енергетска, економска и инфлаторна криза.

„За разлика, СДС и ДУИ нема со што да се пофалат, освен ако е за фалење дека ја втурнаа државата во енергетска, економска, инфлаторна криза како и со невидливи автопати и железници и дека би продолжиле во стилот "како и до сега"“, рече Стоилковски.

Центар за комуникации на ВМРО-ДПМНЕ

Вучиќ со благодарност до сите што гласаа и за и против резолуцијата: Ни ги отворивте очите

Генералното собрание на Обединетите нации денеска со 84 гласа „за“, 19 „против“ и 68 воздржани ја усвои резолуцијата за Сребреница.

Против резолуцијата гласаа Русија, Унгарија, Белорусија, Кина, Коморите, Антигва, Сирија, Куба, Конго, Јужна Кореја, Доминика, Еритреја, Есватини, Гренада, Мали, Науру, Никарагва, Сао Томе и Принципе и Србија.

Претседателот Александар Вучиќ даде изјава по гласањето:

- Само да напоменам дека бевме во право кога зборувавме за поделбите што ќе ги донесе оваа резолуција во регионот од каде што доаѓам. Во собранието на ОН никогаш не се случило гласањето да не биде едногласно. Ова се случи за прв пат, бидејќи сакаа да ја покажат својата политичка големина, ги предупредивме да вклучат инклузивност, не нè слушаа. Во која било друга институција таков акт не би се признал, овде денес се признава. Ќе го споменеме прашањето за правна одговорност, се инсистираше дека тоа не е против ниту еден народ, ниту против кој било народ, сите луѓе кои беа обвинети за масакрот во геноцидот се осудени и издржуваа затворски казни. Единствената цел и една намера на оваа резолуција е да се префрли политичка и морална вина само на едната страна, на еден народ. Кога станува збор за легитимитет, тоа не успеа, кога станува збор за победата на тие што гласаа... Не би имал што да додадам... Тие што сакаа да го жигосаат српскиот народ и да ни стават белег на челото, не успеаја и никогаш нема да успеат. Среќен сум што имав можност да ја бранам нашата држава, нашата мала држава и да им застанам на патот на сите и да им кажам колку грешат без никого да навредат. Поминавме низ најтешките војни во историјата, но можам да ве уверам, од утре ќе започнеме дијалог со нашите сонародници Бошњаци, ќе ги подобриме нашите односи и ќе се бориме за мир. Голема благодарност до сите што не гласаа за оваа резолуција и благодарност до сите што гласаа за неа - ни ги отворивте очите. Ви благодариме на сите што имавме можност да ја претставуваме земјата на храбрите - рече претседателот Александар Вучиќ, пренесе Телеграф.

Ужасна снимка од израелски заложнички во рацете на Хамас: За да не останат бремени (ВИДЕО)

Семејствата на израелските заложници кои ги држи Хамас објавија шокантно видео на кое е прикажана бруталноста на палестинските терористи кон девојките кои ги држеле како нивни заробеници.

„Ова е реалноста што ја трпат“, се вели во описот на видеото, на кое се гледа како на пет девојки им се заканува оружје од Хамас.

Како што пренесува Jerusalem Post, видеото ја прикажува ситуацијата снимена на 7 октомври 2023 година, при апсењето во воената база Нахал Оз на југот на Израел.

Сите видеа се многу шокантни, а две девојки имаат крв на лицето и облеката.

„Нашите браќа беа убиени поради вас, ние ќе ве убиеме“, наводно им рекле терористите на заробените девојки.

„Тоа се девојки кои можат да забременат“, вели вториот терорист, а потоа, држејќи ги под пиштол, ги внесува во џипот.

Ова видео наводно било снимено од камери што ги носеле терористите во текот на денот кога ја напаѓале границата со Газа.

За наводното силување на заробените девојки зборуваше и таткото на трагично почината Шани Лук, кој рече дека „многу млади жени биле оставени бремени, бидејќи биле силувани“.

„На 7 октомври дојдоа терористите со камери на телото и снимаа сѐ, тоа го пренесуваа во живо. Да, силуваа многу жени, многу девојки, 12 годишни, 5 годишни, трудници... Лудост. - изјави Нисим Лук по објавата дека е пронајдено телото на неговата ќерка.

Да потсетиме, Шани Лук беше киднапирана од Хамас на 7 октомври за време на инвазијата на Израел, а нејзиното тело беше пронајдено на 17 мај, пренесува Тајмс оф Израел.

Најмалку 11 работници загинаа во експлозија во фабрика за шеќер во Танзанија

Во несреќа во фабрика за шеќер во Танзанија денеска загинаа 11 лица, меѓу кои тројца странски државјани, а две лица се повредени, соопшти полицијата.

Инцидентот се случил пред зори додека техничарите во приватната фабрика за шеќер Мтибва во источна Танзанија се подготвувале да го рестартираат производството по пауза, изјави за Ројтерс Алекс Мкама, полициски командант за регионот Морогоро.

Тој не соопштил детали, но локалните медиуми јавија дека до несреќата дошло откако експлодирала цевка за пареа.

Мкама рече дека полицијата пронашла тела на 11 мажи, а две повредени лица се згрижени во болница во административната престолнина Додома.

Тој додаде дека меѓу жртвите има државјани на Кенија, Индија и Бразил.

Мкама истакна дека се очекува тим од експерти да ги истражи причините за несреќата и да соопшти детали за несреќата.

Шеќераната Мтибва е една од најважните мелници за шеќер во источноафриканската нација, која произведува просечно 70.000 метрички тони шеќер годишно, според владините бројки.

Танзанија произведе повеќе од 460.000 тони шеќер во текот на 2022-2023 година во услови на зголемена побарувачка за домашна и индустриска употреба.

притисни ентер