Македонија

Сточарите се жалат за проблематичен откуп на јагнињата за велигденскиот шпиц

Сточарите се жалат дека годинава се многу ниски откупните цени за јегнето.

Според досега понудените цени кои се движат до 210 до 230 денари за килограм жва мера велат дека се во целосна загуба и сметаат дека на ваков начин се претворени во робови кои без пари произведуваат месо.

Заради ниските цени кои се нудат бараат државата годинава да го укине условот за субвенциите да биде 50% од јагнињата да мора да се продадат на откупувачите, бидејќи тоа ги става во подредена положба.

Ако продолжи ваквиот тренд на ниски откупни цени се повеќе од сточарите најавуваат дека ќе почнат како во соседна Грција да оставаат само мал дел од јагнињата за заеман во стадото и овците наместо за јагне ќе ги чуваат за млеко.

Ова доаѓа од таму што едно јагне за 3 месеци време што му е потребно да направи 25 до 30 килограми од мајката ќе исцица 90 литра млеко кое долколку би се продало има пазарна вредност од близу 100 евра или колку што по овие цени е вредноста на едно такво јагне жива мера.

Ова значи дека сите други трошоци околу коцентрати за јагнето кои се околу 30 евра, смртноста од 20% и платите за овчарите кои се движати по 1200 евра месечно се само трошок и зијан за сточарите.

Тие бараат по завршувањето на откупот да се седна на заедничка маса и да се договори дали за во иднина се планира пораст на цените за да произведуваат јагне или да го намалат бројот на овци и да ги чуваат само за млеко и сирење.

Живот

Серена Вилијамс: Доколку јас бев на местото на Синер ќе ме казнеа 20 години

„Го сакам тој човек, ја сакам оваа игра“, изјави за магазинот Тајм легендарната Вилијамс.

Легендарната американска тенисерка Серена Вилијамс рече дека сигурно би добила 20 годишна суспензија и одземање на сите освоени грен слем титули доколку би била позитивна на допинг тест како во случајот со светскиот рекет број еден Јаник Синер минатата година.

Синер прифати тримесечна забрана во февруари по договорот со Светската антидопинг агенција, која ја оспори одлуката на независен суд да го ослободи од вината по двата позитивни теста за анаболниот агенс клостебол.

„Го сакам тој човек, ја сакам оваа игра“, изјави за магазинот Тајм легендарната Вилијамс, која се пензионираше во 2022 година откако освои 23 грен слем трофеи.

„Синер е одличен за овој спорт, потребен му е на машкиот тенис. Но, да го направев тоа јас, ќе добиев 20-годишна казна“, додаде таа.

Синер, чија забрана истекува на 4 мај, отсекогаш тврди дека е виновен, иако неговиот случај иницира прашања за тоа дали добил повластен третман од спортските федерации./МИА

Тагови: Серена Вилијамс

Фудбал

Медиуми: Анчелоти го напушта Реал, ќе биде селектор на Бразил

Се очекува тренерот на Реал Мадрид, Карло Анчелоти да ја напушти клупата на шпанскиот гигант по финалето на Купот на кралот, што ќе се одигра на 26 април против Барселона во Севиља, дознава „Скај Спорт“.

Анчелоти дополнително ги подгреа сомнежите околу неговата иднина во Реал вчерашната елиминација од Арсенал во четвртфиналето во Лигата на шампиони.

Според „Скај Спорт“, 65-годишниот италијански стратег ќе остане на клупата на Реал до финалето на домашниот Куп, но се очекува потоа да го напушти клубот.

Анчелоти сè почесто се споменува и како најсериозен кандидат за нов селектор на Бразил, а оваа вест би можела и официјално да биде потврдена пред крајот на сезоната.

Фото: ЕПА

Тагови: Бразил Карло Анчелоти Реал Мадрид

Свет

Нетанјаху: Израел нема да дозволи Иран да развие нуклеарно оружје

Израелскиот премиер Бенјамин Нетанјаху денеска изјави дека Израел нема да дозволи Иран да развие нуклеарно оружје, прецизирајќи дека извршил безброј „отворени и прикриени“ акции кои ја уназадиле иранската нуклеарна програма за „речиси една деценија“.

Ова е прва изјава на Нетанјаху за Иран откако администрацијата на американскиот претседател Доналд Трамп ги почна преговорите со Техеран во обид да склучи нов ирански нуклеарен договор.

- Како што многупати изјави премиерот – Израел нема да дозволи Иран да се здобие со нуклеарно оружје, се вели во соопштението од кабинетот на Нетанјаху.

- Премиерот предводеше безброј акции, отворени и прикриени, во борбата против иранската нуклеарна програма, без која Иран денес би имал нуклеарен арсенал. Тие акции ја вратија иранската нуклеарна програма речиси една деценија назад, се додава во соопштението.

Западните земји, предводени од САД, се сомневаат дека Иран сака да се здобие со нуклеарно оружје. Техеран ги отфрла тие обвинувања и го брани правото на нуклеарна енергија за цивилни цели, особено за енергија.

Иран и САД, кои немаат дипломатски односи од 1980 година, минатата сабота ги одржаа првите разговори, со посредство на властите во Оман, за иранската нуклеарна програма.

Втората средба на официјалните претставници на двете земји е закажана за в сабота во Рим./МИА

Тагови: Бенјамин Нетанјаху Иран