СТЕК СО ЗЕЛЕНЧУК ВО СОЈА СОС НА КИНЕСКИ НАЧИН

РЕЦЕПТ НА: ДРАГИЦА МИРОНОВСКА

Потребни состојки : 1 кг.стек, 1 чаша ориз, 2 тиквички, 2 црвени пиперки, 2 лути пиперчиња, 2 моркова, 3 лажици соја сос, 1 круша, малку маслиново масло, малку сол, малку кари и малку зачин од сув зеленчук.

Постапка:

Оризот се става во тенџере со 3 чаши вода да се свари и се зачинува со малку сол и кари.

Додека се вари оризот, на ленти се сечат: тиквичките, пиперките, обарените моркови и стекот.

Откако ќе се свари оризот се додава соја сос.

Во тенџере со малку маслиново масло се пропржува стекот.

Откако ќе се пропржи стекот се префрла во чинија.

Во истото тенџере се пропржува зеленчукот околу 5 минути.

При крај се додаваат лутите пиперчиња и стекот.

Се зачинува со зачин од сув зеленчук и се продолжува уште малку со пржење на сите состојки.

Стекот и зеленчукот се сервираат во чинија и како прилог се додава варениот ориз.

На крај, одозгора се става рендана круша.

СДСМ и ДУИ денеска ги продолжија преговорите со претставници на пониско ниво

СДСМ и ДУИ на чекор од конечен договор за формирање Влада. 

Генералните секретари на СДСМ и ДУИ, како и работни групи на различни нивоа денеска ги продолжија разговорите за формирање нова коалиција. Љупчо Николовски и Артан Груби треба да ги договорат деталите за идната соработката меѓу двете партии откако вчера лидерот, Заев и Ахмети постигнале исчекор кон договор.

Во заедничкото соопштение од партиите велат дека принципите на кои ќе се темели идната влада се потврдени.

„Се подготвуваме за следните чекори како што е изработката на детална програма за работа и дефинирање предлози за соодветни подготвени чесни и способни кадри. Веруваме дека ваквиот пристап ќе доведе до конечен договор и до Влада со полн четиригодишен мандат која ќе биде изгласана во Собранието“, се вели во соопштението од СДСМ – ДУИ.

Но, не се открива дали има напредок и околу клучниот „камен на сопнување“ во преговорите – барањето на ДУИ за Албанец премиер. Пред вчерашната средба на лидерите, Ахмети порача дека тие не се откажуваат од главното предизборно ветување, а Заев побара поголема флексибилност од ДУИ и приоритет да им се даде на државните интереси.

По средбата Заев – Гаши во средбата остана нејасно дали и коалицијата Алијанса за Албанците и Алтернатива влегуваат во преговорите за новата влада. Од коалицијата предводена од Села и Гаши децидни дека нема преговори и ќе се нема се додека ДУИ е дел од тие преговори.

„Иако не се сме легитимни победници на изборите на 15 Јули во албанскиот политички камп, ние нема да влеземе во преговори, се додека ДУИ не го исполнува предизборното ветување за Премиер да биде Насер Зибери. Но, ако ДУИ не успее да го реализира ова ветување, зашто има легалитет, таа партиа нема право да биде дел од идната влада и нејзиното место е во опозиција“, вели Скендер Реџепи, генерален секретар на Алтернатива.

Реџепи вели ако дојде предлог во Собрание за Зибери премиер тие ќе го поддржат. Од ВМРО ДПМНЕ, велат дека ќе чекаат резултатот од преговорите меѓу Заев и Ахмети, но дека и понатаму сите опции се отворени.

Попладнево протести во 6 градови во Македонија против покачувањето на струјата

Скопје, Тетово, Гостивар, Струга, Дебар и Кичево денеска излегуваат на протест против поскапувањето на струјата. 

Се бара поништување на одлуката за повисоки сметки, поевтинување на струјата за 46%, распуштање на Регулаторната комисија за енергетика, намалување на ДДВ-то од 18 на 5%....

Претходно, првиот човек на Регулаторна, Марко Бислимовски истакна дека поскапување ќе има, бидејќи во спротивно енергетските компании би работеле со загуба, а доколку тие се откажат од предлогот за покачување на сметките и работат со повисоки трошоци, одлуката ќе се поништи. Таква најава нема. Тој предложи и Владата да амортизира дел од ударот, а неговиот став денеска го поддржаа и од Секретаријатот на Енергетската заедница.

„Интерес и обврска на Владата е да обезбеди заштита на потрошувачите и да ги разгледа можностите да се намали ударот од зголемената цена на електрична енергија за граѓаните кои се директно погодени од корона кризата. Треба да се разгледа можност да се воведе привремена мерка која ќе значи проширување на опфатот на лица кои ќе влезат во групата за субвенционирање на сметки со вклучување на граѓани кои се директно економски погодени од здравствената криза, на пример оние граѓани кои имаат останато без примања.“– Јанез Копач – директор на Секретаријатот на Енергетска заедница.

Копач додаде и дека поскапата струја нема да влијае на покачувањето на цените на производите.

Со ваквиот став не се согласуваат синдикатите. Од ССМ неодамна соопштија дека товарот ќе падне врз обичните граѓани и побараа од Економско-социјалниот совет да ги покачи линеарно платите и пензиите исто така за 7,4%. Нивните барања до моментов не се исполнети, а в понеделник ќе се сретнат со Бислимовски, каде неофицијално, ќе побараат замрзнување на одлуката до крај на епидемијата.

Од ЕЛЕМ и ЕВН нема најави за повлекување на барањето за поскапа струја, а токму пред подружниците на ЕВН се очекува да завршат дел од протестните маршеви. Две возила на компанијата вчеравечер во Тетово беа запалени, полицијата експресно го пронајде сторителот, а од ЕВН велат дека ќе преземат мерки за заштита на вработените и имотот.

Пензионерите и корисниците на социјална помош најзаинтересирани што по пропаста на банката

И денеска дворовите на Еуростандард банка ги посетуваат дел од нејзините коминтенти. 

Претежно пензионери и корисници на некои од социјалните трансфери со низа прашалници за тоа каде од идниот месец и на кој начин ќе ги добиваат своите средства.

Повеќе за ова од Катерина Капкоска. Што треба да направат овие луѓе за да немаат застој во исплатата?

Низа нејаснотии лебдат во воздух по затворањето на Еуростандард банка за граѓаните кои ги користеа нејзините услуги.

Се жалат дека не можат да се префрлат во друга банка бидејќи им бараат исписница од ЕУРОСТАНДАРД.

Канал 5 и денеска пред вратите на Еуростандард можеше да забележи граѓани кои доаѓаа по одговори. Повеќето не сакаа да зборуваат, но се жалат дека останале затечени и не знаат каде да се обратат. Меѓунив и овој пензионер.

Од Народната банка потврдија дека граѓаните се соочиле со проблем, но уверуваат дека тој е веќе надминат, и нема повеќепотреба да приложуваат дополнителни документи.

Директорот на Фондот за пензиско Шаип Зинели, за Канал 5 вели дека пензионерите кои своите пензии ги земале од Еуростандард, немаат обврска да одат во ПИОМ или да поднесуваат дополнителни документи. Објаснува дека единствено треба да си отворат сметка во друга банка, и самата таа ќе го извести Фондот.

Пензионерите имаат рок до 21-ви месецов, да одберат друга банка.

Додека пак корисниците на социјална помош, детска заштита и згрижувачките семејства, најдоцна до 25ти месецов треба да користат, односно отворат трансакциска сметка во друга банка, но немаат потреба да одат во центрите за социјална работа за да земат социјален број, но задолжително треба да гоизвестатвработеното лице во банката дека добиваат прилив по овој основ.

притисни ентер