Стејт департмент: Најсериозните проблеми на Косово се владината корупција, заканите.... - Канал 5

Балкан

Стејт департмент: Најсериозните проблеми на Косово се владината корупција, заканите....

 Најсериозните проблеми на Косово се владината корупција, родовото насилство и заканите за малцинствата.

Стејт департмент: Најсериозните проблеми на Косово се владината корупција, заканите....

Сериозната корупција во Владата, недостиг на истрага и одговорност за родово засновано насилство и насилство или закани врз етничките малцинства и други маргинализирани групи се едни од најсериозните проблеми во Косово, се наведува во извештајот на американскиот Стејт департмент за човекови права.

Во извештајот за 2022 година во делот за Косово се споменува дека законот предвидува кривични казни за функционери вмешани во корупција, но дека владата не го спроведува во целост.

„Имаше неколку пријавени случаи на корупција на владино ниво. Службениците понекогаш се впуштаа во коруптивни практики неказнето. Недостигот на ефективен судски надзор и кревкоста на спроведувањето на законот доведоа до овој проблем“, се наведува во извештајот. Беше оценето дека некои случаи на корупција биле постојано обжалувани и дека судскиот систем повремено дозволувал застареност, пренесе Бета.

Антикорупциската и Државната ревизорска служба беа спомнати и во извештајот како одговорни за борбата против корупцијата во владата. Во извештајот се забележува дека невладините организации во Косово, како и меѓународните организации, постојано укажуваат на неуспехот на правосудниот систем да ги казни случаите на корупција, така што многу малку случаи на високи функционери, вклучително и овие прекршоци, завршиле со казни.

Беа спомнати и две големи истраги за корупција на границата меѓу Косово и Албанија.

„Истрагата резултираше со апсење на 74 косовски полицајци, двајца косовски цариници и 34 албански полицајци“, се вели во извештајот.

Во дел од извештајот се споменува дека процесот започнат во 2019 година против поранешниот министер за земјоделство Ненад Рикал се уште нема епилог. Тој и уште осум функционери во министерството беа обвинети за злоупотреба на службената положба, бидејќи наводно манипулирале со пари наменети за проекти.

Во делот за недостигот на истраги за родово засновано насилство, извештајот споменува дека жртвите често не пријавуваат такви случаи, вклучително и сексуално и друго насилство, поради социјална стигма и недоверба во властите. До септември 2022 година, обвинителите истражија 160 случаи на силување и поднесоа 30 тужби.

Во извештајот се споменува силување на 11-годишно девојче во Приштина, за кое се осомничени еден возрасен и четворица малолетници.

Извештајот, исто така, заклучува дека помалку жени имаат лидерски позиции во бизнисите, полицијата или владата.

Институцијата Народен адвокат извести дека жените често се изложени на дискриминаторски практики за вработување, како и на форми на дискриминација, вклучително и сексуално вознемирување на работното место во јавниот и приватниот сектор.

Според наодите од извештајот, жените во Косово „не се доволно застапени на пазарот на трудот, бидејќи само една од пет жени е активен дел од формалниот пазар на трудот“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Бела Хадид позира топлес во сауна (ФОТО)

Една од најпознатите манекенки, Бела Хадид (30), повторно го привлече вниманието со своите објави на социјалните мрежи.

Бела Хадид позира топлес во сауна (ФОТО)

Овој пат, таа сподели фотографии од луксузен велнес-центар, при што особено се издвојува една на која се гледа како вежба во сауна, без горниот дел од облеката.

На Инстаграм, манекенката даде увид во својата рутина за вежбање и релаксација. На една од фотографиите, таа е свртена со грб кон камерата, облечена само во црни шорцеви, додека изведува вежба со тег. Нејзината руса коса е собрана нагоре, подалеку од лицето.

Вежбање, сауна и масажа

Бела престојуваше во велнес-центар управуван од спортскиот бренд „Alo“, со кој таа соработува. За време на посетата, таа испроба неколку видови тренинзи, вклучувајќи пилатес на реформер, вежби со тегови и кардио вежби.

На други фотографии, таа ги покажа спортските комбинации што ги носеше за време на тренингот, вклучувајќи розов комплет составен од спортски градник и шорцеви.

По физичката активност, денот продолжи во порелаксиран ритам. Манекенката позираше во бордо бикини без прерамки додека беше во сауна, а подоцна направи „селфи“ пред огледало, завиткана во голем бел пешкир. Својот велнес-ден го заокружи со масажа.

Неодамна го прослави својот 30-ти роденден

Овие нови фотографии доаѓаат само неколку дена откако Бела го прослави својот 30-ти роденден на 9 октомври. По тој повод, таа исто така привлече внимание со објава на Инстаграм на која позираше во црвено бикини, изработено специјално за неа. На горниот дел од костимот за капење стоеше бројот 30, додека долниот дел беше украсен со нејзиното име. Изгледот го надополни со розево-бел фустан и каубојски чизми.

Покрај фотографиите од роденденот, таа наведе дека наполнила 30 години, а нејзините следбеници – како и бројни пријатели од светот на славните – ѝ упатија честитки во коментарите.

Ново поглавје во животот

Во последните месеци, Бела повторно се најде во центарот на вниманието, делумно поради нејзиниот приватен живот. По разделбата со професионалниот јавач Адан Бануелос – со кого беше во врска од 2024 година – медиумите почнаа да ја поврзуваат со Нејтан Лејси од Колорадо. Таа јавно не ја потврди оваа нова врска.

Покрај приватниот живот, таа привлекува внимание и со своите професионални ангажмани. Минатата година, таа ја замени својата препознатлива кафеава коса со платинесто-руса нијанса, а се испроба и во актерството, појавувајќи се во хорор-серијата „The Beauty“.

Извор: Индекс.хр

Тагови: Бела Хадид топлес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР: Вонредните локални избори во Општина Брвеница завршија без проблеми

Министерството за внатрешни работи ја информира јавноста дека изборниот процес во општина Брвеница заврши во најдобар ред, без нарушување на јавниот ред и мир и без ниту еден инцидент.

МВР: Вонредните локални избори во Општина Брвеница завршија без проблеми

МВР во текот на целиот ден презеде мерки и активности во рамки на своите надлежности со цел непречено и безбедно спроведување на изборниот процес, како и гарантирање на безбедноста на граѓаните и одржување на поволна безбедносна состојба.

Тагови: Брвеница

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Католички свештеник почина во црква во Еквадор откако врз него падна крст закачен на ѕидот, за време на миса која се пренесуваше во живо преку интернет, објави денеска порталот „InfoVaticana“.

Крст падна врз свештеник за време на миса и го усмрти (ВОЗНЕМИРУВАЧКО ВИДЕО)

Надбискупијата во Гвајакил истиот ден објави соопштение, во кое се наведува дека отец Санчез Молинари – кој служел како парохиски свештеник во црквата „Богородица од Постојана Помош“ – „заминал во домот на Отецот за да ужива во Неговото присуство и слава“.

Од Надбискупијата упатија молитви за покој на неговата душа и изразија солидарност и сочувство до заедницата, неговото семејство и пријателите.

Во соопштението на Надбискупијата не беа наведени околностите под кои свештеникот починал.

Според мексиканскиот весник „El Heraldo de Mexico“, свештеникот служел секојдневна миса – која се пренесувала во живо преку неговиот профил на социјалните мрежи – кога, околу 27-мата минута од преносот, крст закачен на ѕидот зад него се откачил и паднал врз него. Од истиот медиум на социјалните мрежи наведоа дека на снимката се слушаат извиците на верниците кои присуствувале на мисата.

ПРЕДУПРЕДУВАЊЕ: ВИДЕОТО Е СО ВОЗНЕМИРУВАЧКА СОДРЖИНА

Тагови: свештеник Крст

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер