Свет

Ставен е под контрола големиот пожар на Кипар, во кој што загинаа четири лица (ВИДЕО)

Огромниот пожар, кој што ги опустоши шумите на планинскиот масив Троодос на Кипар и во кој што загинаа четири лица, е „целосно под контрола“, објавија властите, скоро 48 часа по избувнувањето.

Пожарот, најтешкиот досега забележан на тој медитерански остров, е денеска целосно ставен под контрола, објави Министерството за шуми.

Пожарот избувнал во саботата попладне во близина на селото Аракапас близу Лимасол и добил на интензитет од топлината и ветровите, па се проширил на уште шест места.

Иако пожарот е под контрола, голем број пожарникари се уште се на терен во случај повторно да се разгори, додава изворот.

Четворица египетски работници загинале, зафатени со пламен, обидувајќи се да избегаат од селото Одос.

Уништени се десетици куќи и приватни имоти.

Приведен е 67-годишен маж осомничен дека несакајќи предизвикал пожар кај селото Аракапас.

Канадерите што пристигнале од Израел и Грција, како и британските сили стационирани во двете бази на островот, помогнале во гаснењето на пожарот.

Фудбал

Роналдо ја игра својата најпродуктивна сезона на клупско ниво од 2016 година

 Напаѓачот на Саудиска Арабија на Ал Наср, Кристијано Роналдо ја бележи својата најефикасна сезона во последните осум години.

Португалецот сега има 45 гола по натпреварот од 30. коло на фудбалскиот шампионат на Саудиска Арабија. Тој во саботата постигна хет-трик против Ал-Вахда (6:0).

Триесет и деветгодишниот Роналдо Имаше повеќе голови во сезоната 2015/16. Тогаш Португалецот, кој настапуваше за Реал Мадрид, постигна 51 гол.

Кристијано потпиша договор со Ал-Наср во јануари 2023 година. Порталот Трансфермаркт ја проценува пазарната вредност на играчот на 15 милиони евра.

По победата над Ал-Вахда, избраниците на Роналдо се на второто место во поредокот во првенството на Саудиска Арабија. До крајот на шампионатот Ал-Наср треба да одигра уште четири натпревари.

Македонија

Пожари во Скопје и Битола, 1.588 повици за 24 часа до ЦУК

 Два пожара на отворено се регистрирани изминатото деноноќие. Еден пожар во Скопје, друг во Битола, информираат денеска од Центарот за управување со кризи (ЦУК).

Пожарникарите на Град Скопје од вчера во 14:10 до 15:10 часот гаснеле запалено ѓубре на улицата „Скупи“ во општина Карпош, на површина од 500 метри квадратни. Интервенцијата ја извршиле со едно противпожарно возило и двајца пожарникари.

Битолските пожарникари вчера од 14:11 до 15:15 часот со едно противпожарно возило интервенирале на запалена дива депонија во населбата „Баир“.

- Вкупно 1.588 повици се регистрирани на Единствениот повикувачки број за итни случаи - 112 во ЦУК во последното деноноќие, од коишто „реални“ - 54,85 отсто, а 45,15 проценти - за други потреби на граѓаните, што не биле итни. Кон полицијата биле упатени 61,03 проценти, кон Итната медицинска помош - 35,66 отсто, кон пожарникарите - 1,84 проценти, а кон АМСМ - 0,37 отсто од реалните повици кон 112 во ЦУК, се наведува во денешното соопштение.

Свет

Борел: Во Газа се оствари најстрашното сценарио со гладот

Досега неисполнетите барања на меѓународната заедница мора да се исполнат: Резолуцијата 2728 мора да се спроведе целосно и веднаш. 

Според шефицата на Светската програма за храна (ВФП), Синди Мекејн, во Газа се оствари сценариото од кое најмногу стравуваме - има целосен глад на северот и тој се шири кон југот, соопшти денеска високиот претставник на ЕУ за надворешна политика и безбедност Жозеп Борел.

- Досега неисполнетите барања на меѓународната заедница мора да се исполнат: Резолуцијата 2728 мора да се спроведе целосно и веднаш. Итно е потребен прекин на огнот, за да се ослободат заложниците и да им се олесни состојбата на оние кои гладуваат, наведе Борел на Икс.

Тој нагласи дека недвосмислено го осудува лансирањето ракети од страна на Хамас и Исламски џихад кон израелската област Керем Шалом.

- Израел се уште има целосна обврска да одобри целосен, безбеден, брз и непречен пристап до хуманитарна помош на оние на кои им е потребна. Заедно со комесарот (за управување со кризи) Јанез Ленарчич ја поздравуваме незаменливата работа спроведена од страна на УНРВА и сите агенции на ОН, додаде Борел во објавата.

притисни ентер