Статистиката покажа : Жените се подобри возачи од мажите - Канал 5

Автомобилизам

Статистиката покажа : Жените се подобри возачи од мажите

Статистиката ја поддржува оваа теза, а истото мислење го делат и осигурителните компании.

Статистиката покажа : Жените се подобри возачи од мажите

Мажите не само што не се подобри возачи од жените, туку резултатот не е ниту изедначен. Најновите бројки покажуваат дека жените се подобри возачи, а статистиката го потврдила тоа. Тоа е истражување базирано само врз статистиката во Велика Британија.

Значи, тезата е направена врз податоците за вкупниот број на луѓе кои имаат возачка дозвола. Има 49 милиони од нив во Британија, со мала предност кај машките возачи со 53%.

Почетокот е автошколата , каде што учествувале 1,6 милиони ученици во 2018 година. Процентот на жени кои го положиле испитот е поголем, 53%, иако се со помал број. Не звучи добро, но сепак секоја понатамошна статистика оди во прилог на жените како возачи.

Во истата година, имало 539.000 прекршители во сообраќајот и односот бил скоро 1: 4, или 79% од сторителите биле мажи. И најдрастичните разлики се кај најчестите престапи како што се брзото возење (1: 3) или возењето под дејство на алкохол (1: 5).

Во текот на истата година, поднесени биле 1,4 милиони побарувања за осигурување. Машките возачи имале двојно поголема веројатност да бидат таму, а нивните барања исто така биле поскапи. Тезата дека машките возачи се повеќе на пат, не одговара со податоци во кои се вели дека машки и женски возачи во Велика Британија ја прават истата километража годишно, околу 11.000 км. И, конечно, жените плаќаат малку пониска полиса за осигурување од мажите, што е конечна потврда дека се побезбедни возачи, пишува британски The Sun.

Според друга студија, возачите кои најчесто постигнуваат негативни поени се оние кои возат Форд. Сепак, возачите на БМВ најчесто го кршат законот кога станува збор за брзо и безгрижно возење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Карагер: „Чаби Алонсо беше избркан од Реал Мадрид поради Винисиус“

Чаби Алонсо имаше победнички старт на чело на Челси, со победа од 3:2 над Фулам.

Карагер: „Чаби Алонсо беше избркан од Реал Мадрид поради Винисиус“

Интересно е што и Фулам ја започна новата сезона со нов тренер, Алваро Арбелоа – токму тој го наследи Алонсо на клупата на Реал Мадрид во јануари оваа година, што му даде нова димензија на односот меѓу двајцата поранешни соиграчи.

Заминувањето на Алонсо од Мадрид уследи по бурен период. Во тоа време, медиумите пишуваа за неговите несогласувања со одредени клучни играчи, меѓу кои особено се спомнуваше Винисиус Жуниор.

Легендата на Ливерпул и поранешен соиграч на Алонсо, Џејми Карагер, смета дека проблемите во Реал Мадрид првенствено не се должеле на работата на Алонсо, туку на односот со играчите.

„Чаби Алонсо ја загуби работата поради Винисиус Жуниор. Тој не беше задоволен од ситуацијата. Отиде да се пожали кај сопственикот, а се зборуваше и дека нема да потпише нов договор“, изјави Карагер.

На крајот, Реал Мадрид, како и секогаш, застана на страната на играчот, го смени тренерот, а потоа го доведе неговиот пријател, Алваро Арбелоа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Стејт департментот итно соопшти: „Нудиме 10 милиони долари...“

САД понудија награда до 10 милиони долари за информации за клучните лидери на Корпусот на гардата на исламската револуција, како дел од пошироката акција против воените активности на Иран.

Стејт департментот итно соопшти: „Нудиме 10 милиони долари...“

САД понудија награда до 10 милиони долари за информации за клучните лидери на Корпусот на гардата на исламската револуција, како дел од пошироката акција против воените активности на Иран, набавките и мрежите за шверц на нафта и петрохемиски производи.

Стејт департментот и Министерството за финансии воведоа санкции за речиси 60 поединци, компании и бродови, за кои Вашингтон тврди дека овозможуваат ирански воени набавки, сајбер-операции и остварување приходи од извоз на нафта и петрохемиски производи.

Меѓу санкционираните се високи ирански воени претставници, вклучувајќи ги Ахмад Вахиди, Али Абдулахи, Сајад Хосеин Маџид Мусави Ефтехари, Сејед Махди Фарахи и Амир Хатами, како и портпаролот на иранското Министерство за одбрана, Реза Талаеи-Ник.

САД ги обвинуваат за учество во воени активности и набавка на оружје, вклучувајќи ракети и беспилотни летала.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Голем пожар избувна на депонијата „Мелци“, апел до граѓаните да не се приближуваат до местото

Голем пожар избувна на депонијата „Мелци“, каде што во моментов се интервенира со ангажман на поголем број екипи од ТППЕ Кавадарци.

Јанчев: Голем пожар избувна на депонијата „Мелци“, апел до граѓаните да не се приближуваат до местото

Според првичните информации од терен, постојат индиции дека пожарот е предизвикан од човечки фактор. Надлежните служби ќе ги утврдуваат околностите за неговото настанување.

Противпожарните екипи се на терен и активно работат на ставање на пожарот под контрола и спречување на неговото понатамошно ширење. Општина Кавадарци ја следи состојбата, а екипите ќе останат ангажирани до целосно локализирање на пожарот.

Апел до граѓаните да не се приближуваат до местото на пожарот и да ги почитуваат упатствата на надлежните служби, објави на ФБ градоначалникот Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер