Станала чудовиште: Лажен пластичен хирург и вбризгал цемент во усните, градите, задникот... - Канал 5

Станала чудовиште: Лажен пластичен хирург и вбризгал цемент во усните, градите, задникот...

Раји Наринесинг (46) вели дека изгледа како чудовиште по операцијата кај лажен пластичен хирург. Долго време Раји не сакала да го покаже своето лице во јавноста. Таа била жртва на Онил Рон Морис, лажен пластичен хирург кој на жените им вбризгувал илегален опасен коктел за обликување на телото.

Станала чудовиште: Лажен пластичен хирург и вбризгал цемент во усните, градите, задникот...
Морис моментално ја издржува едногодишната казна затвор поради бавење со медицина без дозвола. Тој исто така се соочува и со обвинувања за убиство од небрежност на Шатарка Нуби која платила најмалку 2 илјади долари за средување на задникот, колковите, бутините и градите. Судењето за овој случај се уште е во тек. Во меѓувреме, Раји и натаму се соочува со последиците од работата на Морис на нејзиното тело.



Таа на Морис му платила 3 илјади долари во период од 10 месеци во 2005 година. За жал, цемент филерите кои се вбризгани во нејзините образи, усни, гради и задник довеле до тоа да изгледа како чудовиште.
„По интервенцијата се чувствував добро, но потоа почна кошмарот. Прво ми се појави голем чир на лицето кој стануваше се поголем како што минуваа деновите. Беше многу болно и одеднаш гној со зелена боја експлодираше на моето лице. Беше зелено и жолто, измешано со крв. Изгледаше страшно“, раскажува жената.




Таа сега се чувствува подобро, а чиревите на нејзиното лице се намалени благодрение на инјекции и на ласерска терапија која ја добива во специјализирана ординација за пластична хирургија.


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мицкоски: Честит 22 Ноември - Денот на албанската азбука!

По повод 22 Ноември - Денот на албанската азбука, упатувам искрени честитки до сите припадници на албанската заедница, напиша на својот профил на фејсбук, премиерот Христијан Мицкоски. 

Мицкоски: Честит 22 Ноември - Денот на албанската азбука!

Јазикот, писмото и културното наследство се темелни вредности на секој народ и важен дел од неговиот идентитет. Нивното почитување не нè разделува, туку нè зближува и нè прави побогати како општество.

Нашата заедничка одговорност е да градиме држава во која различностите ќе бидат вредност, еднаквоста принцип, а меѓусебната почит темел на заедништвото.

Да градиме општество во кое единството нема да ги негира, туку ќе ги почитува различностите. Општество во кое секој граѓанин ќе се чувствува еднакво почитуван, прифатен и вреднуван.

Честит 22 Ноември - Денот на албанската азбука!- стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Со сезонска ски-карта може да скијате во четири земји, важи за три дена уживање на снегот

Се приближува скијачката сезона, а новиот договор овозможува користење на ски-билети во неколку ски-центри во регионот. Уживајте во скијањето на Јахорина, Копаоник и на други дестинации.

Со сезонска ски-карта може да скијате во четири земји, важи за три дена уживање на снегот

Вистинската зима сè уште не пристигнала, а љубителите на скијањето веќе се подготвуваат за својот омилен дел од годината и за активностите на снегот. Покрај опремата и изборот на ски-центри, скијачите водат сметка и за ски-билетите, чии цени се разликуваат од едно до друго скијалиште.

Затоа, претставници на ски-центри од Босна и Херцеговина, Србија, Црна Гора и Словенија одлучија да им овозможат полесно уживање во зимските чари. Имено, на Јахорина беше потпишан договор за регионална соработка, наречен „SKI REGION“, кој предвидува заемно признавање на сезонските ски-билети и можност за нивно користење во траење од три дена во партнерските ски-центри.

Договорот е потпишан со цел поврзување на регионалните ски-центри, подобрување на туристичката понуда и заедничка промоција на зимскиот туризам.

Генералниот директор на Олимпискиот центар „Јахорина“, Игор Жиљак, изјави дека сопствениците на сезонски ски-билети за Јахорина ќе можат да скијаат три дена на Бјелашница, како и по три дена во партнерските ски-центри во Словенија, Србија и Црна Гора.

„Сите ски-центри во регионот се согласија нашите сезонски билети да важат во центрите со кои имаме потпишано договор, за три дена скијање. Се надевам дека на овој начин на туристите ќе им овозможиме подобро скијање и поубава атмосфера“, рече Жиљак.

Тој изрази очекување дека договорот ќе придонесе за промоција на зимскиот туризам и за зголемување на интересот за регионалните ски-дестинации, вклучувајќи ги Јахорина, Бјелашница и Копаоник, пренесува сараевскиот портал „Кликс“ (Klix).

Почетокот на зимската скијачка сезона се разликува од планина до планина, а на Копаоник е планиран за 3 декември, кога ќе се одржи настанот „Ski Opening“. Првиот ден, скијањето ќе биде бесплатно. Се разбира, почетокот може да се промени во зависност од условите на теренот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Се запали фабрика во Индонезија, најмалку седум загинати

Бројот на загинати во пожар во фабрика за слатки на островот Јава во Индонезија се зголеми на најмалку седум лица, додека бројот на исчезнати се зголеми на околу 50, соопшти денеска индонезиската полиција.

Се запали фабрика во Индонезија, најмалку седум загинати

Пожарот избувнал синоќа, а пожарникарите продолжија да ги гаснат преостанатите жаришта повеќе од 24 часа по неговото избувнување, пренесува Ројтерс.

Според надлежните, поради силината на пожарот, визуелна идентификација на жртвите не е можна, поради што се земаат ДНК-примероци од членовите на семејствата, како и лични предмети на исчезнатите работници.

Полицискиот службеник задолжен за идентификација на жртвите од несреќата, Вахју Хидајати, изјави дека процесот на идентификација би можел да трае две до три недели.

Сопственикот на фабриката на прес-конференцијата изјави дека во фабриката имало околу 300 луѓе за време на смената кога синоќа избувна пожарот. Надлежните соопштија дека истрагата за причините за пожарот е во тек.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер