Српски кошаркарски репрезентативец се онесвести на тренинг, имал мозочен удар

Страшни вести од Грција. Кошаркарот на АЕК и повремен репрезентативец на Србија, Стеван Јеловац (32) е примен во болница во Атина откако во неделата му се слошило на тренинг.

Јеловац колабирал на индивидуален тренинг, а грчките и српските медиуми јавуваат дека причината е мозочен удар.

Грците пишуваат и дека 208 сантиметри високиот кошаркар бил опериран, моментално е стабилен, но се уште е во тешка состојба.

„БК АЕК ја информира јавноста за здравствената состојба на Стеван Јеловац. Нашиот кошаркар доживеа тежок мозочен удар. Неговата состојба е стабилна, но се уште критична“, соопштил АЕК.

Инаку, Јеловац го повредил скочниот зглоб на 30 октомври на мечот на АЕК против Јоникос и му се слошило при индивидуалниот тренинг во теретана.

„Ова е повеќе од кошарка, сите се надеваме дека ќе закрепне, здравјето е најважно. Оваа победа е за него, сите му посакуваме се најдобро и се надеваме дека наскоро повторно ќе биде со нас“, изјавил шпанскиот кошаркар и играч на АЕК Хоакин Колом.

Јеловац ја започнал кариерата во КК Визури, играл за Мега, Црвена звезда, имал неколку авантури во Литванија и Турција, а пред пет години бил член на Далас Маверикс. Набрзо се вратил во Европа, каде потоа играл за Нижни Новгород, Бросе Бамберг и Газиантеп, а член на АЕК стана кон крајот на август годинава.

Пожарот во Охридско ставен под контрола, се работи на целосно гасење

Пожарот што вчера попладне избувна на планината кај охридските села Вапила – Расино – Сирула е ставен под котрола и нема опасност од зафаќање на куќите, информира командирот на Територијалната против пожарна единица – Охрид, Борко Јанкулоски.

Според него, Охридската пожарна е на терен со три возила и 10 пожарникари, а распоредени се и екипи на Национални шуми, Дирекцијата за заштита и спасување, Центарот за управување со кризи и доброволци.

– Пожарот е ставен под котрола. Се надевам дека во текот на денот ќе биде изгаснат. Не постои опасност од зафаќање на куќи, изјави Јанкулоски.

Според јавното претпријатие Национални шуми, зафатена е поголема површина нискостеблеста дабова шума, а направената штета дополнително ќе ја проценуваат.

– Во моментот пожарот е ставен под контрола, но на терен остануваат дежурните екипи до негово целосно локализирање. Вкупната зафатена површина и направената штета дополнително ќе се проценуваат, соопшти Национални шуми.

Градоначалникот на Општина Охрид, Кирил Пецаков информира дека од утрово на терен се и екипи од сите општински јавни претпријатија.

– Дополнително на располагање е доставена и цистерната за вода од ЈП „Охридски комуналец“, додаде Пецаков.

Тајван тврди дека воените вежби на Кина се подготовка за инвазија

Министерот за надворешни работи на Тајван денеска изјави дека Кина ги користи воените вежби предизвикани од посетата на претседателката на Претставничкиот дом на САД, Ненси Пелоси, за подготовка за инвазија на Тајван.

Џозеф Ву, кој не понуди временска рамка за можната инвазија, вели дека Тајван нема да биде заплашен без оглед на континуираните воени маневри и кршењето на неофицијалната линија за одвојување во Тајванскиот теснец.

„Кина користи воени вежби за да се подготви за инвазија на Тајван“, рече Ву, истакнувајќи дека Кина не само што спроведува воени вежби и лансира проектили, туку користи и сајбер напади, дезинформации и економски притисок за да го ослаби јавниот морал во Тајван.

По завршувањето на вежбите, продолжи Ву, Кина би можела рутински да продолжи со своите акции за да го наруши статус квото од другата страна на Тајванскиот теснец. Ву оценува дека овие потези ја загрозуваат регионалната безбедност и покажуваат дека Кина има геостратешки амбиции кои се протегаат и надвор од Тајван.

Кина никогаш не ја отфрли можноста за преземање на Тајван на сила

Кина никогаш не ја отфрли можноста за насилно преземање на Тајван, а портпаролот на Министерството за надворешни работи Ванг Венбин во понеделникот рече дека Кина спроведува нормални воени вежби „во нејзините води“ на отворен, транспарентен и професионален начин, додавајќи дека Тајван е дел од Кина.

Портпаролот на Министерството за одбрана, Ву Чиан, во понеделникот рече дека вежбите се „неопходно предупредување“ за Соединетите држави и Тајван, опишувајќи ги како „целосно разумен и соодветен“ одговор на нивните неодамнешни „провокации“.

Кинеското раководство ги отфрла официјалните контакти на други земји со Тајпеј бидејќи го смета островот за дел од своето копно. Тајван, од друга страна, долго време се смета за независен. Тајван не го признава суверенитетот на Пекинг и вели дека иднината на таа островска држава ќе одлучува исклучиво од тајванскиот народ.

Официјален Пентагон во понеделникот рече дека оценката на Вашингтон е дека Кина нема да се обиде да го нападне Тајван во следните две години, пренесе Индекс.хр.

Од утре до недела променливо време, со дожд и пад на температурите

Под влијание на влажна и нестабилна воздушна маса од утре до недела ќе преовладува променливо облачно време, на повеќе места нестабилно со пороен дожд, грмежи и засилен ветер, најавуваат од Управата за хидрометеоролошки работи.

Локално процесите ќе бидат во форма на краткотрајно невреме со интензивен пороен дожд, силен ветер, електрични празнења и град. Температурите ќе бидат во постепено опаѓање.

Во Скопската Котлина ќе преовладува променливо облачно и нестабилно време со повремен пороен дожд, грмежи и засилен ветер. Во делови од котлината во текот на овој период ќе има појава на краткотрајно невреме со интензивен пороен дожд, силен ветер, електрични празнења и град.

притисни ентер