Фасцинантниот проект Серо Доминадор во најсушната пустина на светот, вреден 1,4 милијарди американски долари, најавен уште во 2013 година, ќе користи технологија за соларно складирање на топлина за производство на електрична енергија со часови, па дури и ноќе, за разлика од традиционалните фотоволтаични соларни централи или ветерници кои произведуваат електрична енергија само додека сонцето сјае или ветерот дува.
Чилеанскиот претседател Себастијан Пињера во својот говор пред огромната централа рече дека овој проект е неверојатен придонес за развојот на нивната земја и квалитетот на животот на луѓето.
- Богат со сонце и ветер, Чиле има обврска да ја искористи предноста на обновливите извори за да го елиминира јагленот од секторот електрична енергија до 2040 година и да постигне јаглеродна неутралност. Порано бевме сиромашни со енергија, имавме малку нафта, јаглен и гас, но неизмерно сме богати кога станува збор за енергијата на иднината. Имаме пустини со највисоко сончево зрачење на светот, гордо рече Пињера.
Целта на проектот „Серо Доминадор“ е да се надмине јазот по отстранувањето на електраните на јаглен и да се помогне во снабдување на чилеанската мрежа со електрична енергија од ветер и сонце.
Извршниот директор на Серо Доминадора, Фернандо Гонзалес, за Ројтерс изјави дека компанијата ќе ги исполни своите цели.
Ќе произведе вкупно 210 MW чиста енергија, што е доволно за снабдување на 380.000 домаќинства во Чиле.
Покрај кулата, електраната ќе има можност да складира и топлинска енергија со употреба на растворливи соли со вкупен капацитет од 17,5 часа.
Серо Доминадор изградиле конзорциум на шпанските енергетски компании „Абенго“ и „Акциона“, со финансирање од програмата „Лаиф“ на Европската унија и „КфВ“ од Германија и чилеанската агенција за развој „Крфо“ и други.