Македонија

Средбите во Виена во фокусот на грчките медиуми

Вчерашната билатерална средба на шефовите на дипломатиите на Грција и Македонија, како и денешната заедно со медијаторот Нимиц се најдоа во фокусот на грчките медиуми, а прашањето со името, повторно, се искачи високо на агендата на новинарите кај јужниот сосед. Медиумите, за средбите во Виена велат дека се „ненадејни“ и за “интензивирање на разговорите за името“.

Како што јавува дописникот на МИА од Атина, дел од медиумите во Грција коментираат дека нацрт спогодбата од грчката страна е подготвена и ќе биде презентирана во Виена, а дел, како што вчера објави МИА, дека сѐ уште се работи на неа, а Коѕијас на Димитров ќе му ја претстави во Скопје при патувањето со директен лет од Атина, веднаш штом и во пракса се промени името на скопскиот аеродром.

Коѕијас, говорејќи за државната ТВ ЕРТ пред две седмици, рече дека нацрт спогодбата ќе биде готова кон средината на февруари.

- Еден ден по ненадејната средба на двајцата министри за надворешни работи, интересот се префрла на контактите што ќе ги имаат со Нимиц. Останува непознато како ќе се движи грчката страна во однос на спогодбата што ја подготвува владата за комплетно решавање на прашањето. Односно, дали ќе му претстави на Нимиц некаков прелиминарна драфт верзија или ќе ја достави кога ќе биде завршена, објави „То Вима“.

„Катимерини“ пишува дека контактите го потврдуваат интензивирањето на преговорите, а според дипломатски извори на весникот, во следните седмици дополнително ќе се згуснат овие контакти и средби.

- Денеска се испитуваат следните чекори во преговорите меѓу Грција и ПЈРМ, на состанок на двајцата министри за надворешни работи, Никос Коѕијас и Никола Димитров, со посредство на специјалниот претставник на ОН, Метју Нимиц. Вчера, двајцата министри имаа билатерална средба во Виена, која што беше ненадејно најавена синоќа и од три страни (Атина, Скопје, ОН), без да се знае нешто друго, пишува „Катимерини“ и додава дека веројатно е двајцата министри да се сретнат во Софија во четврток и петок.

На 15 и 16 февруари во Софија ќе се одржи неформалниот состанок на министрите за надворешни работи на ЕУ (ГИМНИХ) на кој ќе присуствуваат и двајцата министри за надворешни работи. И покрај тоа што грчките медиуми во изминатите денови најавуваа дека Димитров и Коѕијас ќе се сретнат во бугарската престолнина, сепак, за тоа не постои официјална потврда. Веројатно е дека во зависност од тоа како ќе се движат разговорите во Виена, ќе се одредат и следните чекори.

Грчките медиуми, во нивните текстови, јавува дописникот на МИА од Атина, ја споменуваат и посетата на Зоран Заев на Турција и средбите што македонскиот премиер ги имаше со турскиот државен врв.

- Поддршка од Турција во напорите на Скопје да се интегрира во НАТО, побара и како што беше целосно очекувано, доби, премиерот на ПЈРМ Зоран Заев при неговата дводневна посета на Анкара, пишува „Катимерини“. /МИА

Живот

Параглајдерист преживеал пад од 30 метри- камерата го снимила ужасот (ВИДЕО)

Јутјуберот Ентони Вела го тестирал леталото над државниот парк во Аризона кога доживеал несреќа.

Тој објави видео од инцидентот на популарната платформа, откако падна на земја од околу триесетина метри, врескајќи и плачејќи.

Ентони некако повикал помош.

„Тој звучеше очајно, го повика диспечерот и рече дека се урнал со својата летечка машина“, беше објавено.

Неговиот пријател пристигнал за неколку минути, а властите „во живо“ ги следеле драматичните моменти, пренесува Дејли Стар.

Диспечерот го прашал пријателот дали жртвата имала повреди или крвари, а Ентони тврдел дека е добро. За жал згрешил, бидејќи подоцна било откриено дека има неколку скршеници.

На пат кон болница ѝ се јавил на сопругата и ѝ рекол: „Колабирав, ми се скрши раката. Ќе бидам добро, љубов, не грижи се“.

Исплашената жена одговорила: „Што сакаш да кажеш, не грижи се?“.

Се верува дека инцидентот бил предизвикан од дефект на моторот, а Јутјуберот ги предупредил луѓето тројно да го проверат секој дел пред да полетаат.

Живот

Доктор имал интимни односи со жени во ординацијата, додека пациенти чекаат на ред

На лекарот кој се снимал себеси за време на интимните односи во ординација, додека пациентите го чекале својот ред, му се заканува крај на кариерата.

Том Плимер (40) се појави во ТВ шоуто „Први средби“ уште во 2018 година, а снимката наводно ѝ ја покажал на својата колешка од Свиндон. Потоа ѝ испратил на медицинска сестра 197 експлицитни фотографии откако таа била „принудена во врска со него“.

Трибуналот кој се занимава со жалби против лекарите откри дека способноста на д-р Плимер за професионална работа била нарушена поради недолично однесување, пишува Дејли Меил.

Членовите на трибуналот слушнале дека тој наводно поканил две жени на лекар, кои ги запознал преку Интернет, а потоа водел љубов со нив во работното време.

Се тврди дека имал интимни односи со најмалку шест жени во канцеларијата, а на поранешните љубовници им испраќал контроверзни фотографии додека пациентите го чекале својот ред.

За време на неговото појавување пред трибуналот, д-р Плимер се извинил за неговото „одвратно однесување“.

Тој претходно беше прогласен за виновен по повеќе обвиненија, меѓу кои и шетање по извршена операција со откопчани панталони, испраќање експлицитни видеа, како и ставање рака на колешка на гениталиите.

Против него е поднесена дополнителна пријава за полови дејствија во ординација.

Медицинската сестра тврди дека започнала „пријателство“ со докторот по „двосмислените пораки за чоколадното зајаче“. Тој наводно ѝ се доверил дека е зависник од секс и разменил 5.000 пораки со неа.

Една порака наводно гласела: „Можам ли да ти дозволам да влезеш во некоја тајна? Ти си мојата омилена“.

Плимер ѝ покажал 197 фотографии и видеа на кои тој има односи со други жени, било кажано на Трибуналот.

Лекарот минатата недела изјави дека „се опоравува од зависноста“ со поддршка од пријатели и зема лекови. Тој признава дека испраќал експлицитни видеа на жени, но тврди дека сѐ било со согласност.

Трибуналот допрва треба да донесе конечна одлука за овој случај.

Свет

Полицијата ги растера студентите пред елитната Сорбона на пропалестински протести (ВИДЕО)

Полицијата растера десетици демонстранти кои денеска кампуваа во дворот на Универзитетот Сорбона во Париз за да протестираат против војната во Газа, изјави тамошен студент.

Протестите се случија три дена по протестите на елитниот универзитет Сајнс По во главниот град и следеа антиконфликтни собири во кампусите низ Соединетите држави, објави Франс24..

„Имаме секаква причина, како на Јеил, Колумбија, Сајнсс По... да го осудиме она што го гледаме дека се случува“, рече студент, кој се претставил само како Леонард, на друг митинг пред влезот на Сорбона.

Универзитетот, еден од најстарите во светот, ги затвори своите згради за време на мирните протести. Студентите извикуваа „Слободна Палестина“ и ја повикаа институцијата да го осуди Израел. Вкупно 253 заложници беа заробени во напад на Хамас врз јужен Израел на 7 октомври. Според израелските податоци, членовите на Хамас во нападот убиле околу 1.200 Израелци.

Израел возврати со наметнување опсада на Газа и воздушен и копнен напад. Според здравствените власти во Газа, израелската војска убила најмалку 34.488 Палестинци во тие напади.

Неколку француски политичари, меѓу кои и Матилд Пано, која ја предводи левичарската група пратеници на ЛФИ во Националното собрание, ги повикаа поддржувачите на социјалните мрежи да се приклучат на протестите во Сорбона.

притисни ентер