Средба Николоски - Бутковиќ: Соработка во железничкиот транспорт и изнаоѓање соодветно решение на проблемот со транспортерите - Канал 5

Македонија

Средба Николоски - Бутковиќ: Соработка во железничкиот транспорт и изнаоѓање соодветно решение на проблемот со транспортерите

Вицепремиерот и министер за транспорт Александар Николоски денеска оствари средба со потпретседателот на владата на Хрватска и министер за поморски работи, транспорт и инфраструктура, Олег Бутковиќ.

Средба Николоски - Бутковиќ: Соработка во железничкиот транспорт и изнаоѓање соодветно решение на проблемот со транспортерите

Вицепремиерот и министер за транспорт Александар Николоски денеска оствари средба со потпретседателот на владата на Хрватска и министер за поморски работи, транспорт и инфраструктура, Олег Бутковиќ, на која се разговараше за проблемот во транспортниот сектор и унапредување на билатералната соработка.

- Проблемот со транспортерите и новиот систем за електронска евиденција во земјите од шенген-зоната е суштински и се однесува за транспортниот сектор од целиот регион од Западен Балкан, но и за компаниите од ЕУ што инвестирале во Западен Балкан, а кои се извозно ориентирани кон европските пазари. Побарав силна поддршка од владата на Хрватска во изнаоѓање соодветно решение на ниво на Европската Унија, со кое ќе се олесни работењето и на македонските и на регионалните превозници - се вели во објавата на Николоски на „Фејсбук“.

Николоски наведува дека на средбата разговарале за интензивна соработка во делот на транспортниот сектор, особено во железничкиот сектор.

- Зборувавме и за зголемување на економската и на трговската соработка меѓу двете земји ставајќи фокус на инфраструктурните проекти. Хрватска ѝ дава силна поддршка на Македонија во евроинтегративните процеси! - стои во објавата на Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Вашингтон на средби со американски конгресмени: Фокус на стратешкото партнерство

Со средби со конгресмени, премиерот Мицкоски ја почна посетата на Соединетите Американски Држави..

Мицкоски во Вашингтон на средби со американски конгресмени: Фокус на стратешкото партнерство

Мицкоски прво оствари средба со претседателот на Поткомитетот за Европа во комитетот за надворешни работи на претставничкиот дом на САД, Кит Селф, а на средбата како што информира Мицкоски на фејсбук, разговарале за значењето на стратешкото партнерство меѓу Македонија и САД, за заедничките интереси и за можностите за понатамошно продлабочување на соработката.

На средбата со конгресменката Клаудија Тени, инаку копретседавач на македонската група за пријателство во конгресот на САД, се разговарало за традиционално силните и пријателски односи меѓу двете земји, како и за значењето на парламентарната соработка и размената на искуства меѓу двете земји..

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес според Управата за хидрометеролошки работи ќе биде сончево со мала до умерена локална облачност.

Сончево со мала до умерена локална облачност

Ќе дува слаб до умерен ветер претежно од југоисточен правец. Минималната температура ќе биде во интервал од 8 до 16, а максималната ќе достигне од 25 до 32 степена.

Во Скопје, сончево со мала облачност. Ќе дува слаб ветер од променлив правец. Минималната температура ќе се спушти до 13, а максималната ќе достигне до 31 степен.

УХМР најавува дека до сабота ќе се задржи стабилно време. Во недела ќе има повремени врнежи од дожд и наместа услови за нестабилност со пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Нема активни пожари, по контрола се двата во Јасен и Новаци

Во изминатото деноноќие во земјава се регистрирани вкупно 16 пожари на отворен простор, од кои два се под контрола, а 14 се целосно изгаснати. 

ЦУК: Нема активни пожари, по контрола се двата во Јасен и Новаци

Во моментов нема активни пожари, соопшти Центарот за управување со кризи (ЦУК).

Под контрола се пожарите кај селата Белица и Јасен, како и кај Рапеш и Маково во Општина Новаци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер