Балкан

Средба Фон дер Лајен-Вучиќ во Брисел посветена на европската иднина на Србија

Претседателката на Европската комисија, Урсула фон дер Лајен денеска има средба со српскиот претседател Александар Вучиќ посветена на реформите неопходни за напредокот на Србија на европскиот пат.

Претседателката на Европската комисија, Урсула фон дер Лајен денеска има средба со српскиот претседател Александар Вучиќ посветена на реформите неопходни за напредокот на Србија на европскиот пат, соопшти главната портпаролка на ЕК, Паула Пињо.

- Многу внимателно ја следиме ситуацијата во Србија и навистина ги охрабруваме сите засегнати страни, вклучително и граѓанското општество, да најдат начин да ги унапредат реформите кои се неопходни за европската иднина на Србија и ова е дел од она што ќе се разговара и на средбата, истакна Пињо.

Изјавата на Пињо беше одговор на прашање за писмо упатено до Европската комисија од неколку проевропски опозициски парти во Србија, во кое се оценува дека со оваа средба ЕК „го поддржува режимот, наместо на граѓаните“.

Пињо потврди дека Еврокомисијата добила и писмо потпишано од 31 европратеник во кое тие бараат откажување на средбата Фон дер Лајен-Вучиќ, како реакција на случувањата во Србија.

- Ова писмо е примено и на оваа средба се гледа токму како можност да се разговара за прашањата кои се наведени во писмото на членовите на Европскиот парламент, додаде Пињо.

Инаку, претпладнево Фон дер Лајен имала средби и со хрватскиот премиер Андреј Пленковиќ, која, според Пињо, е во контекст на нејзините билатерални разговори со лидерите учесници на вчерашниот Европски совет и на нив се разговара за темите кои беа на дневен ред на Самитот, како и за заедничките предизвици.

За разговорот со Пленковиќ, Фон дер Лајен информираше преку објава на Икс, посочувајќи дека тоа било „добра средба“.

- Разговаравме за нашата поддршка за Украина, енергетската безбедност и напредокот во проширувањето на ЕУ со Западниот Балкан, наведе Фон дер Лајен во објавата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судењето за дискотеката „Пулс“

Денеска продолжува судењето за дискотеката „Пулс“.

Судскиот процес го води судијката Дијана Груевска-Илиевска, а обвинението го застапува тим од 15 јавни обвинители.

Пожарот во дискотеката „Пулс“ во Кочани се случи на 16 март 2025 година за време на концерт на групата ДНК. Во трагедијата загинаа 63 лица, а над 200 беа повредени, што претставува една од најтешките несреќи во поновата историја на државата,

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

МНТ: Награда за режија за Нела Витошевиќ и три признанија за „Змеј“ на меѓународната сцена

Претставата „Змеј“, во режија на Нела Витошевиќ и продукција на Младинско гледалишче од Љубљана (МГЛ), освои три награди на Меѓународниот фестивал „Театар на раскрсница“.

Жирито, предводено од Ирфан Менсур, ѝ ја додели наградата за најдобра режија на Нела Витошевиќ. Признанието за најдобра сценографија му припадна на Игор Васиљев, а за најдобра костимографија беше наградена Јелена Проковиќ.

Витошевиќ ја истакна важноста на заедничкиот придонес на сите учесници во создавањето на претставата, упатувајќи благодарност до директорката на МГЛ, членовите на жирито, актерскиот ансамбл, како и до авторскиот и техничкиот тим. Таа нагласи дека успехот е резултат на посветеноста и соработката на целата екипа.

Најновата режија на Витошевиќ во нејзиниот матичен театар, Македонскиот народен театар, е претставата „Три сестри“ - современо сценско читање инспирирано од истоименото дело на Чехов, кое наиде на одличен прием кај публиката.

Интересот за претставата го потврдува и исполнетата сала на секоја изведба, позиционирајќи ја како едно од најактуелните остварувања на репертоарот на МНТ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба Николоски - Акташ: Македонија и Турција имаат одлична соработка, економијата, туризмот и поврзувањето се областите од интерес на двете земји

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ.

Заменик претседателот на Владата и министер за транспорт Александар Николоски оствари средба со новоименуваниот амбасадор на Република Турција, Алпер Акташ, на која беа разгледани билатералните односи меѓу двете земји, како и можностите за унапредување на меѓусебната соработка.

Посебен акцент беше ставен на трговската размена и економската соработка, особено во областа на транспортната политика и инфраструктурното поврзување.

На средбата, министерот ги претстави развојните политики на Владата и плановите за подобрување на инфраструктурната поврзаност во регионот.

Николоски нагласи дека Македонија претставува поволна дестинација за инвестиции и претставува порта за поврзувањето со Централна Европа.

Во таа насока, беше истакнато дека присуството на голем број турски компании кои инвестираат во земјава претставува потврда за развиените пријателски односи меѓу двете држави, како и за потенцијалот за натамошно унапредување на економското партнерство.

Соговорниците ја потврдија важноста на продолжувањето на соработката меѓу Македонија и Турција во повеќе области, со посебен акцент на економијата, поврзувањето на граѓаните и развојот на туризмот.

Во делот на туризмот, беше нагласено дека постојат огромни потенцијали за поврзување меѓу двете земји, со цел поттикнување на туристичките посети и продлабочување на меѓусебните врски.

Средбата претставува можност за зајакнување на партнерството меѓу Македонија и Турција, во интерес на економскиот развој, новите инвестиции и унапредувањето на севкупните билатерални односи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.