Фудбал

Србија доби нов селектор

Фудбалскиот сојуз на Србија потврди дека Вељко Пауновиќ ќе биде нов тренер на А селекцијата за следните два натпревари, а за понатамошниот ангажман ќе се преговара по крајот на квалификациите.

Вељко Пауновиќ ќе ја предводи фудбалската репрезентација на Србија во борбата за пласман на Светското првенство во 2026 година, а на таа позиција ќе го замени Драган Стојковиќ Пикси,објавија денеска српските медиуми.

Шансите за пласман на Светското првенство сè уште постојат, и токму затоа Вељко Пауновиќ, заедно со својот тренерски штаб, прифати да ја предводи репрезентацијата на натпреварите против Англија и Латвија.

Генералниот секретар на Фудбалскиот сојуз на Србија, Бранко Радујко, истакна дека Пауновиќ ја прифатил поканата со максимална посветеност и желба да ѝ помогне на репрезентацијата во време кога шансите за пласман на Светското првенство сè уште постојат.

„Вељко Пауновиќ од првиот ден покажа дека интересот на националната фудбалска репрезентација е на прво место. Негов приоритет не беше договор или финансиски услови, туку веднаш да се стави на располагање на Фудбалскиот сојуз на Србија и да го преземе тимот во толку важен момент. Тој нагласи дека сака целата своја енергија да ја насочи кон претстојните натпревари против Англија и Латвија, решен да се бори сè додека има барем најмала шанса за успех“, рече Радујко.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Си Џинпинг следната недела ќе ја посети Северна Кореја

Кинескиот претседател Си Џинпинг ќе го посети Пјонгјанг на почетокот од следната недела, на покана на севернокорејскиот лидер Ким Јонг Ун, објавија денес севернокорејските државни медиуми.

Кина, исто така, ја потврди посетата на Си Џинпинг на Пјонгјанг во понеделник и вторник, 8 и 9 јуни, објави Јонхап.

Ова ќе биде прва посета на Си Џинпинг на Северна Кореја по речиси седум години.

Кинескиот претседател последен пат беше во официјална посета на Пјонгјанг на 20 и 21 јуни 2019 година, што беше негова прва државна посета на Северна Кореја откако ја презеде функцијата кон крајот на 2012 година.

Претседателите на двете земји последен пат се сретнаа во септември минатата година, кога Ким Јонг Ун го посети Пекинг по повод 80-годишнината од Денот на победата на Кина, каде што присуствуваше на воена парада.

Ким Јонг Ун го посети Пекинг пет пати откако ја презеде власта по смртта на неговиот татко, Ким Јонг Ил, во декември 2011 година.

Тагови: Кина Северна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предлог-законот за правична застапеност, кој треба да го замени балансерот во собраниска процедура

Во собранието вчера почна расправата за предлог-законот за правична застапеност, кој треба да го замени укинатиот балансер..

Пратениците уште на почетокот се судрија за начинот како да се гласа за предлогот, но надвладеа мнозинството тој да се носи со мал, а не со голем Бадентер.

Тоа, значи дека предлог – законот треба да се носи со мнозинство гласови од присутните пратеници и мнозинство гласови од припадниците на немнозинските заедници.

На расправата во Комисијата за политички систем и односни меѓу заедниците, пратениците на европскиот фронт обвинуваа дека законот се коси со рамковниот договор, додека влен, дека ги штити правата на етничките заедници.. Седницата заврши со гласање на кое беше одлучено за предлог законот да се одржи јавна расправа..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Тиват се одржува Самитот ЕУ – Западен Балкан под мотото „Заеднички просперитет и стабилност на ЕУ и Западен Балкан“

Во Тиват денеска се одржува Самитот ЕУ – Западен Балкан под мотото „Заеднички просперитет и стабилност на Европската унија и Западен Балкан“, при што главен акцент ќе биде ставен на процесот на проширување на унијата.

Инаку Германија и Франција испратија нон-пејпер во кој предлагаат постепена интеграција на земјите од Западен Балкан со самитот ќе претседава Антонио Кошта, кој во изминатиот период ги посети земјите од регионот.

Домаќин на настанот е претседателот на Црна Гора Јаков Милатовиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.