Спасовски: Законот за Кочани беше можност да покажеме единство, солидарност и промена - Канал 5

Македонија

Спасовски: Законот за Кочани беше можност да покажеме единство, солидарност и промена

Изјава за медиуми, Оливер Спасовски, координатор на пратеничката група на СДСМ и коалицијата.

Спасовски: Законот за Кочани беше можност да покажеме единство, солидарност и промена

Денеска, на почетокот на седницата при усвојувањето на дневниот ред, како пратеничка група на СДСМ и коалицијата побаравме да се дополни дневниот ред со предлог-закон за поддршка и рехабилитација на настраданите во несреќата во дискотеката во Кочани, на членовите на нивните семејства. Сметаме дека денес требаше да се предложи ваков еден закон којшто не е обичен законски текст, туку е морална, институционална и човечка обврска.

И овој предлог-закон произлезе од најголемата трагедија во поновата историја на нашата држава, а тоа е пожарот во дискотеката „Пулс“ во Кочани. Трагичниот настан којшто се случи на 16 март, кој однесе 62 човечки животи, а имаме и над 200 повредени во оваа несреќа и остави трајни психолошки и социјални последици врз настраданите лица и нивните семејства.

И овој настан ги истакна системските пропусти во доменот на безбедносните стандарди и инспекцискиот надзор, како и институционалната подготвеност за справување со вакви катастрофи.

И затоа предложивме да со овој закон ја преземеме нашата должност како народни избраници, но и како држава да не дозволиме страдањата на граѓаните да бидат игнорирани или да бидат потиснати. Со ова конечно институциите да застанат зад народот, не само во моментот на трагедијата туку во сите денови што следат, во процесот на закрепнување со солидарност, одговорност, но и системска поддршка и конкретни мерки.

Овој закон во целина опфаќа финансиска поддршка за жртвите и нивните семејства. Здравствена и психолошка помош за повредените и преживеаните, поддршка во образованието, трудова и социјална поддршка и што е најважно – има јасна институционална рамка преку формирањето на комисија за проценка и за следење на поддршката на лицата, членовите на нивните семејства, со што ќе се обезбеди координација, проценка и следење на спроведувањето на мерките.

По однос на финансиската поддршка, предлог е семејствата на секое лице кое го загубило животот како директна последица од несреќата да имаат право на еднократен паричен надоместок за претрпена нематеријална штета – душевна болка, во висина од 80.000 евра во денарска противвредност. Додека, пак, зависно од степенот на инвалидитет, за сите лица коишто ќе имаат инвалидитет се предвидена финансиска поддршка, односно надомест.

За 100% инвалидитет – 5 милиони денари,за 90% инвалидитет – 4,1 милиони денари,за 80% – 3,7 милиони денари,за 70% инвалидитет – 3,1 милиони денари,за 60% – 2,8 милиони денари,за 50% инвалидитет – 2,5 милиони денари,за 40% инвалидитет – 2,2 милиони денари,за 30% – 1,5 милиони денарии за 20% инвалидитет – 1,2 милион денари.

Исто така спомнав дека со овој закон се овозможува практично олеснување на постапките за добивање на здравствената поддршка, а тоа ќе значи и дома и во странство, за лечење и за рехабилитација. Образовна поддршка, трудова поддршка, а тоа е за родителите на лицата коишто се со повреди да можат да бидат одреден временски период на платено отсуство, поволности за родителите на настраданите итн.

Меѓутоа, денеска иако на дневниот ред се најдоа законски решенија коишто беа поднесени по скратена постапка и доставени во Собранието во истиот ден, вчера едниот од законите – закон за работни односи беше ставен на дневен ред само на претседателот на Собранието, додека ова законско решение, кое требаше да биде решение за обединување на сите политички субјекти, апсолутно не беше ставено на дневен ред и од тие причини го предложивме.

И за нас навистина е чудно и неприфатливо како ВМРО-ДПМНЕ и владиното мнозинство одбиваат воопшто да се дискутира за предлог-закон којшто е поднесен од СДСМ и коалицијата, којшто овозможува секаква можна поддршка на семејствата на настраданите во Кочани.

Но, на оние од другите трагедии и мислам дека крајно неодговорно и неразбирливо е зошто се одбива ваквото законско решение кога постои можност, постои и пракса за носење на вакви законски решенија. Мислам дека треба да имаме сите малку поголем дигнитет, да имаме и образ да излеземе пред луѓето и да кажеме зошто сметаме дека требаше секој еден од нас да го поддржи законското решение. Мислам дека, покрај тоа што ќе се помогне на овие семејства, многу ќе беше важна пораката којашто ќе ја испратиме, а тоа е порака на единство, на солидарност и на сплотеност околу ваквите работи. Овде е и листингот в

о којшто детално се гледа кој гласал, а кој одбил воопшто да гласа во законодавниот дом, така што сметам дека за ова треба сите заедно и повторно и повторно да се бориме ако сакаме да направиме исчекор кон промени во системот.


YouTube video

Тагови: Спасовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Девет жени пронајдени мртви во близина на Јоханесбург, полицијата истражува дали има сериски убиец?

Девет жени се пронајдени мртви во близина на Јоханесбург. Постои страв од сериски убиец.

Девет жени пронајдени мртви во близина на Јоханесбург, полицијата истражува дали има сериски убиец?

За помалку од два месеца, во областа Екурхулени, источно од Јоханесбург во Јужна Африка, пронајдени се телата на девет жени. Полицијата истражува дали некои од случаите се поврзани, додека во јужноафриканските медиуми се засилуваат шпекулациите за можен сериски убиец. Полицијата досега ниту го потврди, ниту го демантираше ова.

Последната жртва била пронајдена во четвртокот во Дон Парк. Се претпоставува дека таа имала околу 30 години. Телото било откриено на отворен простор покрај патот; локалните медиуми известуваат дека жената била делумно облечена и имала смртоносна повреда на вратот.

Полицијата формирала мултидисциплинарен тим за истражување на смртните случаи на жените.

Вршителот на должноста комесар на полицијата во Гаутенг, Фред Кекана, изјави дека истражителите откриле можни поврзаности меѓу некои од случаите, но дека се потребни дополнителни форензички и криминалистички наоди пред да се донесат какви било заклучоци.

Веќе е уапсен маж во врска со едно од убиствата; полицијата проверува дали тој може да се поврзе и со другите случаи, а истовремено истражува и друго лице.

Пет од деветте жртви сè уште не се идентификувани. Страв меѓу жителите Меѓу идентификуваните жртви е 38-годишната Динео Мотапане, чие тело беше пронајдено покрај патот во КваТема. Нејзиното семејство ја идентификуваше откако претходно пријави нејзино исчезнување во полицијата. Серијата смртни случаи предизвика страв кај жителите на Екурхулени и поттикна протести против насилството врз жените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжуваат истражувањата на праисториската наколна населба во Дојран

Дојран продолжува да го открива своето богато археолошко наследство.

Продолжуваат истражувањата на праисториската наколна населба во Дојран

Праисториската наколна населба кај Мрдаја, во Стар Дојран ќе се истражува и оваа година. Според информациите од Националната установа „Завод и музеј - Струмица", археолошките истражувања се реализираат со учество на археолошки тим од оваа институција, предводен од м-р Зоран Рујак, археолог советник кустос, а се поддржани од Министерството за култура и туризам.

Годинашната кампања е насочена кон истражување на праисториската наколна населба на брегот на Дојранското Езеро, со посебно внимание на содржините и просторните габарити на населбата, како и на временската рамка во која се одвивал животот во неа.

- Уште на самиот почеток, истражувањата дадоа непроценливи сознанија со кои животот во населбата започнал многу порано отколку што досега се мислеше. Досегашните сознанија зборуваа дека наколната населба е од доцното бронзено време и преодниот период помеѓу бронзеното и железното време. Со новите истражувања, се појавија докази, за почетоците на животот во населбата, уште во текот на средното бронзено време. Со ова, почетокот на животот во населбата се враќа во првата половина на вториот милениум пред н.е. - се вели во објавата на НУ „Завод и музеј - Струмица".

Според археолошкиот тим, одредени наоди укажале на широка трговска активност со далечните региони, па дури и со бронзанодобската населба на локалитетот Цареви Кули, Струмица. Заедно со неолитската населба на локалитетот Споменикот-Атици, кај Црничани, праисториската наколна населба Мрдаја -Дојран продолжува да биде место каде што археологијата се среќава со богатото културно наследство на Дојран и Југоисточниот Регион на земјава, велат тие.

Покрај археолошките истражувања на праисториската наколна населба Мрдаја -Дојран, во тек е и изработка на Основен проект за Музеј на вода, во водите на Дојранското Езеро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Поранешниот англиски фудбалски репрезенативец Андрос Таунсенд (35), кој настапуваше за Тотенхем, Њукасл, Кристал Палас и Евертон, доживеа неверојатен инцидент додека се загреваше во Тајланд. 

Видео: Валјак за трева прегази поранешен англиски репрезентативец, но, фудбалерот потоа продолжи да игра.

Таунсенд се загреваше за време на полувремето од натпреварот меѓу неговиот тим, Прачуап, и Патани. Додека се обидуваше да ја удри топката, тој излезе од просторот предвиден за загревање.

Во тој момент, кон него се движеше валјак за рамнење на теренот, а возачот не го забележа навреме.

-Валјакот го удри Таунсенд во нозете, го собори на земја, а потоа продолжи да се движи преку неговото тело, стигнувајќи сè до половината. Возачот потоа ја запре машината, а соиграчите на Таунсенд веднаш притрчаа да му помогнат. За среќа, Таунсенд помина без сериозни повреди. По инцидентот, тој го продолжи загревањето, па дури и влезе во игра. Тој ја одигра последната минута од натпреварот, во кој неговиот тим, Прачуап, победи со 3–0.

По бизарниот настан, Таунсенд очигледно одлучи сè да претвори во шега. Тој објави видео од инцидентот на социјалните мрежи и се пошегува на сметка на својот поранешен клуб Стоук Сити, познат по својот физички напорен фудбал. „Стоук не беше толку лош“, рече Таунсенд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер