Македонија

Спасовски: СВР Скопје со 100 % ефикасност во расчистување на кривични дела поврзани со дрога

СВР Скопје со 100 отсто ефикасност во расчистување на кривични дела поврзани со дрога, ефективност од 59 проценти на дела од насилниот криминал, а откривањето на бесправна сеча на дрва е зголемено за 150 отсто.

СВР Скопје со 100 отсто ефикасност во расчистување на кривични дела поврзани со дрога, ефективност од 59 проценти на дела од насилниот криминал, а откривањето на бесправна сеча на дрва е зголемено за 150 отсто, изјави министерот за внатрешни работи Оливер Спасовски, кој денеска беше во посета на Секторот за внатрешни работи Скопје.

Целта на работната посета на Спасовски и средбата со раководството на овој сектор, е во сумирање на резултатите од годината што изминува, во која полициските служби постапувале по над 80.000 пријавени настани, кривични дела, прекршоци, асистенции, обезбедувања на јавни собири, манифестации и натпревари, во единицата на МВР, која покрива територија од околу 1.800 km2 на која се протегаат 17 општини.

Според податоците кои беа презентирани пред министерот Спасовски, безбедносната состојба на подрачјето на СВР Скопје е на задоволително ниво, а во споредба со истиот период минатата година евидентно е намалувањето на бројот на регистрирани кривични дела и зголемена ефикасност на полицијата во нивно расчистување.

-Посебно би споменал дека во 2023 година, СВР Скопје бележи значајни резултати во борбата со недозволената трговија со дрога, при што ефикасноста во расчистувањето на кривичните дела изнесува 100 отсто, а кај делата од областа на насилниот криминал евидентирана е ефективност од високи 59 проценти. Имено, на ова подрачје во изминатиот период откриени се три нелегални лаборатории за производство на марихуана и синтетички дроги, поточно амфетамин, и тоа во март, октомври и ноември годинава, рече Спасовски.

Тој посочи дека при извршени 129 претреси во дом и други простории, лишени од слобода се 612 лица, вкупно се поднесени 125 кривични пријави, а за одбележување е зголемената заплена на сите видови наркотични дроги и тоа: 164 кг марихуана, 325 стебла марихуана, околу 3.500 МДМА таблети, 400 г кокаин, 1.2 кг хероин и 8,8 кг амфетамин.

- Во делот на шверцот со оружје, како уште еден стратешки приоритет на МВР, СВР Скопје, исто така, бележи солидни резултати со поднесени 39 кривични пријави со кои се опфатени 43 лица, истакна Спасовски.

Според него, ефективноста во реализацијата на делата од класичниот криминалитет изнесува 11 проценти, кај економскиот криминал 51 отсто, додека кај делата од организираниот криминал е 40 проценти. За одбележување, вели Спасовски, е и бројката од 345 приведени лица од страна на Тимот Потраги при СВР Скопје кои биле барани по распишани потерници, за издржување или доиздржување на затворски казни, но и за истражни дејства на барање на обвинителствата.

- Во периодот јануари-октомври 2023 година во споредба со истиот период лани евидентирано е намалување на регистрираните кривични дела од економски криминал за 28 отсто, за „Разбојништво“ за 33 проценти, а зголемена е ефикасноста за 46 отсто во откривање на сторители на кривични дела од имотен криминал. Годинава зголемена е откривачката функција за ’бесправна сеча и кражба на огревно дрво за 150 отсто. Покрај ова, постапувајќи по стратешките приоритети, заклучно со октомври 2023 евидентирано е намалување за 23 проценти на кривичните дела „насилство“. За одбележување се и 388 активности од Одделението за превенција при СВР Скопје кои во изминатиот период спроведоа значајни кампањи, проекти и активности за заштита од повеќе области на криминал, рече Спасовски

Тој се осврна и на неколкуте оперативни планови на подрачјето на СВР Скопје со цел одржување на поволен јавен ред и мир и стабилна безбедносна состојба, меѓу кои „Безбедно лето“, „Безбеден град“, како и акциски контроли по разни основи. За илустрација, само во рамки на планот „Безбедно лето“ 894 кривични дела се комплетно расчистени со поднесени кривични пријави против 824 сторители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Словенија доби нова влада, по четврти пат Јанша е премиер

Словенечкиот парламент на вонредна седница го потврди министерскиот тим на премиерот Јанез Јанша, со што ја избра новата словенечка влада.

Дебатата, која започна во 9 часот наутро, требаше да трае осум часа.

Сепак, на самиот почеток на седницата се случи пресврт: движењето Свобода побара претседателот на Парламентот Зоран Стевановиќ да се извини, што тој го одби. После тоа, седницата беше накратко прекината, објавува 24ur.com.

Од присутните 79 пратеници, 49 гласаа „за“, а 30 „против“, објавува Дело.

Новиот владин тим, предложен од лидерот на Словенечката демократска партија (СДС) Јанез Јанша, вклучува 15 министри. Меѓу коалициските партнери, најмногу министерски позиции, седум, доби СДС, четири Нова Словенија (НСи), три Демократите, една Фокус, додека Словенечката народна партија (СЛС) остана без својот министерски кандидат.

На првата седница на владата се очекуваат и првите потези на новата извршна власт. Судејќи според практиката од претходните години, може да се очекува дека на седницата ќе се случат и одредени кадровски промени, на пример на позицијата директор на Словенечката разузнавачка и безбедносна агенција (СОВА), на владината служба за комуникации, а можеби и на директорот на полицијата. Се очекува Јанез Стушек да се врати на чело на СОВА, додека Себастјан Јеретич ќе ја преземе владината комуникација. Според медиумските извештаи, Дамир Иванчиќ се споменува како наследник на Дамјан Петрич на врвот на полицијата.

Тагови: Јанез Јанша

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДКСК отвори предмет за ревизорските наоди за злоупотреби на државни пари во ИЈЗ

Државната комисија за спречување на корупцијата по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Државната комисија за спречување на корупцијата денес, на колегиум, постапувајќи согласно своите надлежности утврдени со Законот за спречување на корупцијата и судирот на интереси, по сопствена иницијатива отвори предмет во врска со наодите содржани во ревизорскиот извештај на Државниот завод за ревизија, а кои се однесуваат на Институтот за јавно здравје.

Предметот е отворен поради потребата од проверка на наводите изнесени во јавноста и медиумите, како и согледување на евентуални ризици од корупција, судир на интереси, злоупотреба на службена положба или други неправилности во работењето, во рамките на надлежностите на ДКСК.

ДКСК ќе ги преземе сите потребни дејствија за прибирање и анализа на релевантната документација и информации од надлежните институции, со цел утврдување на фактичката состојба.

За понатамошниот тек на постапувањето, јавноста ќе биде навремено информирана.

Државна комисија за спречување на корупцијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Малото градско Рено чини 4.900 евра- електричното Твизи го собира секаде(ФОТО)

Гужвите, скапото гориво и вечната потрага по паркинг ги тераат многу возачи да размислуваат за алтернативи на класичните автомобили.

Ако барате возило кое е направено за градско возење, тешко ќе најдете нешто помало и попрактично од Renault Twizy.

Овој електричен двосед привлекува внимание со својот необичен изглед, но неговата најголема предност е во секојдневната употреба. Поради своите компактни димензии, може да се паркира речиси насекаде, дури и на места каде што повеќето автомобили би имале потешкотии да најдат простор.

Идеален за град и пократки растојанија

Рено Твизи достигнува максимална брзина од 85 км/ч, што го прави погоден не само за градско возење, туку и за пократки приградски рути. Може да помине до 70 километри со едно полнење, а батеријата е заменета пред три години.

Полнењето е едноставно и не бара посебна инфраструктура. Батеријата може да се полни за приближно два и пол часа со помош на домашен Schuko приклучок, а може да се полни и на градски станици за полнење од тип 2.

Опремен за секојдневно возење

Копијата што се продава е правилно сервисирана и е во многу добра состојба. Опремена е со греење на седиштето и шофершајбната, дополнителни зимски стакла за дожд и Bluetooth звучници. Со почетна цена од 4.900 евра, нуди сè што ви е потребно за практично и економично возење во град.

Возилото доаѓа и со дополнително купени зимски стакла за дожд, како и Bluetooth звучници. Twizy има и мал простор за багаж, а дополнителното задно седиште овозможува превоз на уште едно лице.

Голема предност - бесплатен паркинг

Една од најголемите предности на ова електрично возило е ниската цена на користење. Благодарение на категоријата мопед, можно е бесплатно да се паркира во градот, што може да донесе значителни заштеди за возачите кои го користат автомобилот секој ден.

Додадете на тоа минимални трошоци за електрична енергија и лесно паркирање, и јасно е зошто Twizy е интересен избор за оние кои го поминуваат поголемиот дел од времето во урбани средини.

Тагови: Рено

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.