Македонија

Спасовски: Се трага по Груевски, судот да размисли зошто не одредил притвор

Поранешниот премиер Никола Груевски, за кого е издадена национална потерница за отслужување двегодишна затворска казна за случајот „Тенк",  вчера бил баран во неговиот дом, а потрагата ќе продолжи на уште неколку локации. 

Се спроведуваат и други мерки, како прегледи на возила, а зајакнато е полициското присуство на излезот од Скопје и на граничните премини.

Ова го изјави денеска министерот за внатрешни работи Оливер Спасовски во изјава за медиумите, по регионалната конференција „Справување со антисемитизмот и адресирање на безбедносните потреби на Еврејските заедници" одговарајќи на новинарски прашања за тоа каде е поранешниот премиер, дали е во државата и каде ја гледа одговорноста поради тоа што тој е во бегство

Има безбедносни проценки кои ги користат службите, рече Спасовски, и додаде дека полицијата работи на анализирање на сите информации со кои располага.

– Не очекувајте дека ќе поставиме еден линк на плоштадот и заедно со полицијата и медиумите да ја спроведуваме целата акција. Сите информации кои ги имаме ги анализираме и работиме во однос на обезбедувањето на лицето, но тоа не можеме слободно во јавноста да го споделуваме и сите заедно да го следиме, рече министерот за внатрешни работи.

Во врска со тоа дали ќе влезат во седиштето на ВМРО-ДПМНЕ, Спасовски рече дека доколку полицијата има налог ќе влезе во која било зграда и додаде дека вчера немале намера да влезат во партијата, ниту имале налог за тоа.

Тој напомена дека вчера немало никаква опсада на политичка партија, ниту на кој било друг објект и додаде дека полицијата постапувала врз основа на наредба дадена според проценките за можните локации. Додаде дека имало контроли во близина на седиштето на партијата.

Како дезинформации ги оцени тврдењата дека Груевски со недели го чуваат пред неговиот стан.

-Груевски до вчера до 16:30 часот, додека Судот ја издаде наредбата и потерницата беше слободен. Тој има лично обезбедување, кое го користи на повик, но тоа не е обезбедување кое 24 часа е со него пред станот или кај и да се движи. Дваесет и четиричасовното обезбедување кое го има лично го користи на негов повик и последен пат неговото обезбедување го оставило дома на 8 ноември, некаде околу 23 часот, според изјавите на припадниците на обезбедувањето, истакна Спасовски.

За тоа што Груевски во моментов е бегалец смета дека одговорноста треба да ја преземат оние што одредуваат мерка притвор.

–Размислувам во однос на одговорноста на оние на кои им одредуваат притвор на лицата за кои постои опасност да избегаат. Ги пуштаат слободно да се движат низ државата, слободно да ги обавуваат сите работи кои ги обавуваат и на крај кога се носи пресудата тие не се во притвор за да можат да бидат обезбедни, иако се со повеќе кривични дела. Притвор се одредува за случаи на разбојништво и тешки кражби, а за потешки случаи не се одредува. Полицијата работи исклучиво по наредбите кои ги издава судот и таа без наредба не може да следи кого било и постојано да биде присутна со него, околу него само заради тоа што се води судска постапка против него, рече Спасовски.

Истакна не е законски полицијата да следи такви лица. -Спротивно на законот е ако продолжиме да следиме како што следеа порано, тогаш ќе имаме сериозен проблем. Следењето треба да биде врз основа на закон, рече Спасовски и додаде дека во однос на можноста за распишување меѓународна потерница тоа е работа на судот.

Живот

Познат богаташ открива кои се петте најлоши совети што детето може да ги добие

Со овие совети сигурно нема да стане милионер...

Милионерот Мет Хигинс е автор на бестселери, извршен директор и инвеститор, тој за CNBC.com напиша колумна за тоа колку ризикувал во животот, како и за предизвиците и тешкотиите со кои се соочувал додека растел во сиромаштија грижејќи се за својата неподвижна мајка. Овој милионер тврди дека воспитувањето има големо влијание врз нечија финансиска судбина и наведе кои се најлошите совети што младите може да ги добијат.

„Треба да имате резервен план“

Една студија покажа дека имањето резервен план, значително ја намалува веројатноста да се случи планот А, а ја намалува и мотивацијата да се преземе нешто во врска со првобитниот план. Наместо тоа, Хигинс порачува дека мора да се има верба во успехот. Ако планот А не успее, подобро е да верувате во својот капацитет и волја, отколку да имате резервен план.

„Намалете го времето поминато пред екранот“

Користењето на телефонот и компјутерот за бесмислени работи како играње игри 10 часа дневно секако е непожелно, меѓутоа, постојат разни корисни вештини на мрежите, како што се креирање на веб-страници, пишување бизнис-план, пласирање на услуги и производи. Иднината и ресурсите се токму таму, и тоа за мали трошоци, но треба да знаете како да го користите Интернетот рационално и смислено.

„Не грижете се за малите нешта“

Не секоја анксиозност е проблематична, а студиите покажуваат дека и најуспешните претприемачи ја контролираат својата анксиозност и ѝ се препуштаат. Тие ја одржуваат т.н „состојба на оптимална анксиозност“, односно ја користат анксиозноста за да го подобрат својот фокус и перформанси, но не дозволуваат таа да ја намали или забави нивната ефикасност.

„Вработи се во голема и стабилна компанија“

Порано најдобриот совет што можевте да го добиете е да се вработите во големите и престижни компании како Фејсбук, Гугл, Нетфликс. Иако таквите компании нудеа 30-годишна кариера, сега и тие се соочуваат со масовни отпуштања. Наместо да трчајте по големите имиња, подобро е да започнете во мала или средна компанија, онаму каде би имале јасна визија што работите, на која позиција и каде би биле уверени дека вашите интереси и вештини одговараат со работното место. Подобра опција е да започнете сопствен бизнис. Користејќи ја вештачката интелигенција, можете да започнете бизнис со кој ќе заработувате и до 10.000 долари месечно, а притоа нема да размислувате за отказ.

„Купи куќа и пресели се“

Готовината е најдоброто нешто што некој може да си го дозволи. Ако можете да заштедите, тоа ќе ве спаси од банкрот и долгови. Пазарот на недвижности постојано се менува, а таму каде што инфлацијата е висока, готовината е секако подобра од долгот. Долгот на кредитните картички кај младите на возраст од 18 до 25 години во споредба со другите генерациски групи е со највисока стапка, така што особено младите треба да внимаваат на прекумерното трошење.

Здравје

Ова природно средство што го имате во вашата кујна ги штити вашите билки од инсекти!

Разни мушички, полжави, црви може да ја уништат вашата градина, предизвикувајќи оштетување на разни култури, нивно гниење и венење. Ако вашите билки изгледаат нездраво, тоа може да биде резултат на наезда од штетници.

Жолти и струткани лисја, појава на мувла или дупчиња по листовите на вашата билка, обично значи дека вашето растение има проблем со штетници. Повеќето луѓе во вакви ситуации веднаш одлучуваат да користат хемиски пестициди за да се ослободат од паразитите, меѓутоа, факт е дека хемикалиите можат да бидат токсични за многу други организми, на пример, птиците и корисните инсекти.

Како што пренесува Експрес, Лора Харнет од една компанија за еко-чистење, споделила едноставен совет за борба против штетниците без изложување на растенијата на штетни хемикалии. Иако повеќето домаќинки по употребата или кога расчистуваат, многу кујнски производи ги фрлаат во ѓубре, Лора Харнет предупредува дека со нив мора да се внимава бидејќи некои од нив се јаки пестициди.

- Следниот пат, кога ќе користите чили во готвењето, не фрлајте ги семките што не ги користите. Едноставно, во шише со распскувач наполнете вода и ставете ги семките од лутата пиперка, или остатокот од чилито, и оставете ги да откиснат 24 часа. Така ќе направите јак пестицид што ќе ги заштити билките од бубачки и мушички без да користите штетни хемикалии – истакнала Харнет.

Чилито се покажало како добар природен пестицид бидејќи содржи капсаицин (супстанца што ја дава лутината на пиперките, а со својата миризба ги одбива инсектите). Овој домашен пестицид може да се користи на лисјата на погодените билки без страв дека ќе ги оштети. Чилито во прав може да се користи и како пестицид така што со него ќе се попрска околу коренот на растението. Ова ќе ги избрка мравките, црвите и полжавите од вашето растение.

Како алтернатива, стручњаците од областа на градинарството посочуваат дека чилито може да се сади покрај други растенија, така исто ќе ги одврати штетниците. Покрај овој домашен пестицид може да се додаде и лук како антибактериски елемент, што дава дополнителна корист.

Производите од лута пиперка исто така се покажаа како ефикасни во одбивањето на верверичките, кои честопати ги копаат растенија и јадат од хранилката за птици. Тие имаат ниска толеранција на капсаицинот, па ќе им биде непријатно додека бараат извори на храна.

Живот

Висока е над 2 метра, сопругот е далеку понизок и ги шокираат сите: Тој ми е сродна душа(ВИДЕО)

Од десетгодишна возраст, Елисана Силва почнала да забележува дека е многу повисока од нејзините соученици, па дури и од семејството.

Во таа фаза таа веќе била висока 175 сантиметри, но продолжила да расте, а сега како 26-годишна е висока повеќе од 2 метра. Како што пренесува Метро, ​​нејзината мајка Ана Марија Рамос е висока само 162 сантиметри, додека нејзиниот татко Луис Хорхе е висок 170 сантиметри, па не мислеле дека тоа е поради генетика.

„Уште како десетгодишно дете забележав дека нешто не е во ред, бидејќи јас бев единствена во семејството и класот кој беше висок неверојатни 175 сантиметри. Тоа беше шок за целото наше семејство бидејќи бев највисокиот член на толку млада возраст“, ​​рече Елисана. „Почнав да чувствувам силна болка во коските и голем притисок во главата поради брзиот раст, па решивме да посетиме лекар. Предложија да се направат некои рутински тестови за да дознаат зошто сум толку висока, но бидејќи моето семејство не можеше да ги плати медицинските трошоци, тоа не беше можно“, продолжила таа.

Сепак, една бразилска телевизија ја слушнала нејзината приказна и решиле да ги покријат сите трошоци за нејзините тестови. Кога ги добила резултатите, лекарите откриле дека во нејзината хипофиза расте бениген тумор, кој предизвикува хиперпродукција на хормонот за раст и е причина за нејзината состојба.

Растењето не ѝ било лесно на Елисана и често била малтретирана, а луѓето ја нарекувале со погрдни имиња како жирафа, светилка и џин. Коментарите имале значително влијание врз нејзиното ментално здравје и таа на крајот го напуштила училиштето.

„Се сеќавам дека се затворив дома затоа што ми се гадеше од навредливите коментари и зборовите што луѓето постојано ми ги кажуваа“, рече Елисана, „Решив да се откажам и тоа беше најтешката одлука што некогаш морав да ја донесам бидејќи сакав да продолжам со образованието, но знаев дека повеќе нема да издржам во таа средина“.

Потоа, во 2011 година, таа го запознала Франчиналдо и брзо се заљубиле и покрај висинската разлика. Една година подоцна, Франсиналдо ја запросил, а парот се венчал во 2015 година. „Почувствував инстант поврзаност во моментот кога го запознав, не ја ни забележав неговата висина. Франсиналдо е висок само 162 сантиметри, што е над 40 сантиметри понизок од мене, но не ми е грижа. Иако беше љубопитен за мојата висина и состојба, не даваше лоши коментари и не ме осудуваше поради мојот изглед“, рече таа.

"Тој беше првиот човек кој ме третираше како човек, а не како некој изрод. Иако има очигледна разлика во висината, ние не го гледаме тоа како проблем бидејќи се сакаме такви какви што сме и не би сакале ништо да се промени“, рече таа.

Иако поминала многу години чувствувајќи се несигурна за нејзината височина, таа вели дека нејзиното семејство ѝ помогнало да научи да сака да биде таква. „Научив да се сакам себеси поради мојата единствена висина, бидејќи нема никој друг како мене и мислам дека тоа е прилично посебно. Најдов добар човек кого го сакам, имам прекрасен син, прекрасно семејство и благодарна сум што Бог ме научи да ги надминам овие пречки во животот. Не дозволувајте лошите коментари на луѓето да се мешаат во вашиот живот, бидејќи не е нивно место да ве осудуваат врз основа на тоа како изгледате или кого сакате. Останете верни на себе и ќе живеете среќно“, заклучила таа.

притисни ентер