Се бираше помеѓу осуммина, откако вишите обвинители Артан Ајро и Трајче Пеливанов, ги повлекоа своите кандидатури.. Доволен број гласови добија тројца обвинители од скопското обвинителство Ана Гоговска Јакимовска, која ги води предметите за случајот - „Онкологија“, Александар Марковски, познат по предметот против Васил Јованов, кој смртно ја прегази Фросина Кулакова и Ана Стојковиќ Димитровска, која го водеше предметот за убиството на малата Вања Ѓорчевска. Со работа во ОЈО ГОКК и во трет мандат продолжува Енѓелуше Кадриу – Леши, за, како што беше образложено, да се испочитува правичната застапеност на заедниците.

Најголемо изненадување е што поддршка од советот и нов мандат во ова обвинителствот не доби обвинителката Ивана Трајчева, која ги заврши истрагите и ги поднесе трите обвиненија за полицајците кои се товарат за трагедјата Кочани – таа од први април се враќа во ОЈО Скопје, а нејзините предметите, како и на останатите кои преминаа, ќе бидат распределени на друг обвинители..

Советот денеска одлучуваше и за шеф на скопското вишо обвинителството, откако беше разрешен Мустафа Хајрулахи, но ниту еден од петмината кандидати не доби поддршка, па со обвинителството и натаму приверемно ќе раководи Наташа Крстевска – Цалева...

За шеф на оваа институција конкурираа четворица виши обвинители - Фатиме Фетаи, Артан Ајро и Владимир Милошевски кој лани беше унапреден во ВЈО, како и Јасмина Крстевска – Здравевска, од ОЈО Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.