Јаневска изврши увид во реконструкцијата на студентскиот дом „Кузман Јосифовски – Питу“, објектот ќе биде отворен во јануари 2026
1Јаневска изврши увид во реконструкцијата на студентскиот дом „Кузман Јосифовски – Питу“, објектот ќе биде отворен во јануари 2026
3Конески со порака по повод Меѓународниот ден на студентите: Младите треба да бидат активни учесници во создавање на политиките наменети за нив
Опасен ТикТок предизвик се шири меѓу младите- скокаат пред возило за да го тестираат трпението на возачите
2Опасен ТикТок предизвик се шири меѓу младите- скокаат пред возило за да го тестираат трпението на возачите
МакедонијаСослушани сведоци на судењето за случајот „Онкологија“Со сослушување на сведоци предложени од Обвинителството, денеска во Основниот кривичен суд Скопје, продолжи судењето против поранешниот директор на Клиниката за онкологија Нино Васев.Со сослушување на сведоци предложени од Обвинителството, денеска во Основниот кривичен суд Скопје, продолжи судењето против поранешниот директор на Клиниката за онкологија Нино Васев, кој заедно со уште двајца онколози е обвинет за несовесно лекување пациенти. Пред Судот беа сослушани тројца оштетени сведоци, законски застапници на починати пациенти, кои зборуваа за лекувањето и конкретната терапија на Клиниката за онкологија. Двајца денеска сослушани сведоци во случајот „Онкологија“ најавија отштетено побарување и се приклучија на кривичниот прогон, додека еден рече дека ниту бара отштета, ниту се се приклучува кон кривичниот прогон, нагласувајќи дека дури е благодарен на доктор Нино Васев. Првиот сведок, чија сопруга била пациент на Нино Васев на Онкологија, одговарајќи на прашања од обвинителката Ана Гоговска Јакимовска, рече дека во 2013 била оперирана во приватна болница и девет години била добра, но повторно се појавил проблем за кој требало да се вршат испитувања во Турција или Словенија. - Се одлучивме за болницата Коч, во Турција. Закажавме преглед, кажаа дека е во прогрес и дека треба што поскоро да почне со хемотерапија. Ни рекоа да чекаме шест месеци, и бевме во дилема. Се вратиме во Македонија со целата дијагноза и терапија што требаше да се прима. Дојдовме до врска до доктор Нино, не прими, рече дека може таа терапија и кај нас да ја давам, што не се турски. Рече дека може веднаш да се почне со терапија, изјави сведокот. Сведокот рече дека на 21 ден ја носел да прими хемотерапија, како и неколку зрачења и витамински терапии. - Првото зрачење требаше да биде четири дена, но по првото рекоа дека нема потреба. Не викнаа во канцеларија докторот Васев и Мери беше, рекоа во ред е не се плашете, таква е терапијата, појасни сведокот. Но, како што рече сведокот, состојбата се влошувала и правеле и други консултации, дури биле повторно и во Турција, но немало ефект. Другиот сведок, чија сопруга, исто така, била пациент на Онкологија, кај Нино Васев од 2007-8 година. -Во 2005 година и беше констатиран рак на дојка. Иако беше свесна, не сакаше да прима терапии. Некоја година подоцна, јас инсистирав нешто да се преземе, меѓутоа не можеше да се најде, па се насочивме повеќе на храна и алтернативни методи. Користевме разни методи, но немаше некое посебно влошување поради што сметавме дека сме на вистински пат, изјави сведокот. Тој рече дека барал доктор кај кого можел да се лекува, па го упатиле кај Нино Васев. - До 2017 немаше никакви влошување дури и смалување. Мислевме дека готово, се заврши работата, меѓутоа есента 2017 ја скрши раката. За кратко време се зголеми многу туморот и требаше да се направи операција. Се оперираше во приватна болница, по што беше на хемотерапија и сите анализи покажаа дека нема веќе ништо, се е исчистено, рече сведокот. Кон 2020 година, сведокот рече дека повторно почнала да чувствува рекации и по предлог на доктор Нино Васев, направиле снимање на глава, бидејќи почнал да и се менува говорот. - На магнетна резонанца се покажа некое топче во главата. Во 2021 беше оперирана на тумор на главата. Операцијата не беше многу успешна и за кратко време се повтори. За цело време примаше терапија, но ништо не и помагаше. Имаше и зрачење и ништо, изјави сведокот. Сведокот рече дека е многу благодарен на доктор Нино Васев, што со неговата терапија и помош, неговата сопруга успеала да дочека дипломирање на синот и дури да прошетаат низ Европа. - Мое лично мислење е дека многу пократко ќе завршеше нејзиниот живот ако останеше да се лекува како претходно. Не се приклучувам на кривичен прогон, напротив, изјави сведокот. Последниот сведок, чиј татко бил пациент кај Нино Васев на Клиниката за онкологија во 2021 година, кажа дека цело време бил со него и знае за терапијата што ја примал. - Кога почна со терапијата во октомври, почна со хемотерапија и имунотерапија. Тоа траеше до декември, потоа во јануари отиде на зрачење, по што продолжи да прима терапија до јуни-јули 2022 година. Како што минуваа месеците, тој беше се послаб и послаб. Освен кога имаше зрачење на мозокот и примање на инфузија за мозокот имаше подобрување, можеше да движи и збори. Без таа терапија манитол немаше ориентација, беше поспан и му се вртеше, изјави сведокот. Случајот се наоѓа во доказна постапка и го води судијката Снежана Марковска. Следното рочиште е на 9 февруари, за кога, како што е најавено, ќе треба да се почне со сослушување на вешти лица од Словенија, кои ги работеле медицинските вештачења за Обвинителството. За сослушување на вештите лица од Словенија се закажани повеќе рочишта во февруари. Согласно најавената динамика, кон крајот на март, ќе треба да се почне со сослушување на вешти лице од Србија, кое, исто така, работеле медицински вештачења на Обвинителството. Поранешниот директор на Клиниката за онкологија Нино Васев, заедно со уште двајца онколози Симонида Црвенкова и Драган Јакимовски, вработени на Клиниката за радиотерапија и онкологија Скопје, се обвинети за несовесно лекување пациенти. Постапката започна против уште еден онколог, второобвинетата Мери Пешевска, која призна вина пред Судот, по што Судот ја осуди на две години условна казна затвор. Обвинението ги товари лекарите за продолжени „тешки дела против здравјето на луѓето“ и „несовесно лекување“, при што кај 29 пациенти биле применети неподобни терапии, со отстапувања во дозирањето и без соодветна проценка на здравствената состојба. Покрај ова, против Васев и поранешниот економски директор на Клиниката е поднесено уште едно обвинение за злоупотреба на службена положба и проневера, со штета од над 2,2 милијарди денари на државниот буџет. Тагови: Клиниката за онкологија Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизТаа има три деца со Илон Маск, а сега е во врска со помлад продуцентКанадската музичарка Грајмс (38), чие вистинско име е Клер Буше, повторно пронајде љубов.Поранешната партнерка на Илон Маск се појави на премиерата на серијата „Blade Runner 2099“ во Лос Анџелес во четвртокот, придружувана од музичкиот продуцент Елајџа Вајнкауф, со што го привлече вниманието на јавноста. Извор близок до пејачката потврди за списанието „People“ дека двајцата се во врска веќе некое време, и дека нивното пријателство и професионална соработка со текот на времето прераснале во романса. Се заљубиле додека работеле на албум Вајнкауф, кој е во средината на своите дваесетти години, е музички продуцент познат под уметничкото име „VADAKIN“. Тој соработува со Грајмс веќе неколку години, а работел и на продукцијата на нејзиниот претстоен албум, „PSYOPERA“. Токму додека заедно работеле на нови песни, меѓу нив се родиле чувства. „Тие веќе неколку години заедно продуцираат и пишуваат песни. Се заљубиле додека работеле на новиот албум. Тој буквално ѝ помогна повторно да го пронајде својот креативен ритам“, откри извор близок до парот. Според изворот, нивната соработка се покажала како исклучително успешна, а првичните реакции за новиот албум во музичката индустрија се крајно позитивни. „Сите во музичката индустрија што ги слушнале раните снимки од албумот „PSYOPERA“ се воодушевени. Ова е нејзиниот најдобар албум уште од „Visions“ во 2012 година“, додаде изворот. Новиот дечко е целосна спротивност на нејзините поранешни партнери Изворот тврди дека Вајнкауф ѝ е голема поддршка на музичарката, опишувајќи го како смирена, внимателна и стабилна личност. „Тој е многу приземјен и се однесува кон неа со почит, што е целосна спротивност на мажите со кои таа била во минатото“, вели изворот. Изворот додава дека младиот продуцент е згоден, талентиран и љубезен, и дека Грајмс се чувствува убаво кога е со него. View this post on Instagram A post shared by ☘︎𝔊𝔯𝔦𝔪𝔢𝔰࿎ (@grimes) Иако не се знае многу за приватниот живот на Вајнкауф, познато е дека тој работи во музичка продукција и создава електронска музика. Нејзината врска со Грајмс сега го стави во центарот на вниманието на светските медиуми. Таа има три деца со Илон Маск Покрај нејзината музичка кариера, Грајмс е позната во јавноста и по својата бурна врска со американскиот милијардер Илон Маск, претприемачот кој стои зад „Tesla“ и „SpaceX“. Нивната врска започна во 2018 година, а во текот на годините што следеа, тие неколку пати раскинуваа и повторно се смируваа. Заедно имаат три деца: синовите Екс Еш Еј-Твелв (X Æ A-Xii) и Техно Механикус (Techno Mechanicus), како и ќерката Екса Дарк Сајдераел (Exa Dark Sideræl). Со години, нивната врска привлекуваше големо внимание во јавноста – не само поради необичните имиња на нивните деца, туку и поради честите промени во статусот на нивната врска. По нивното раскинување, настанаа правни спорови околу старателството и родителските права. Во 2023 година, Грајмс покрена постапка за утврдување на родителските права, а подоцна јавно зборуваше за тешкотиите со кои се соочила за време на споровите околу децата. И покрај сè, музичарката се труди да ја заштити приватноста на своите деца, нагласувајќи во неколку наврати дека не сака многу да зборува за нив во јавноста. По Маск, таа беше во врска со италијански музичар По врската со Маск, Грајмс пронајде љубов со италијанскиот музичар и диџеј Матео Милери, попознат под уметничкото име „Анима“ (Anyma). Нивната врска траеше повеќе од една година, а раскинаа во август 2025 година. Грајмс сега повторно е фокусирана на својата музичка кариера и на подготовката на нов албум, на кој соработува со својот нов партнер. Таа објасни дека нејзина главна инспирација е вештачката интелигенција – тема што со години ја истражува во своето музичко творештво. Таа планира да го издаде албумот во два дела, иако точниот датум на објавување сè уште не е познат. Извор: Индекс.хрТагови: Грајмс Илон Маск Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
МакедонијаЈаневска изврши увид во реконструкцијата на студентскиот дом „Кузман Јосифовски – Питу“, објектот ќе биде отворен во јануари 2026Привршуваат активностите за темелна и енергетски ефикасна рехабилитација на студентскиот дом „Кузман Јосифовски – Питу“ во центарот на Скопје.Објектот ќе биде отворен пред почетокот на вториот семестар од тековната академска година, односно во јануари 2027. Увид во градежните работи за реализација на инвестицијата вредна 10 милиони евра, денес изврши министерката за образование и наука проф. д-р Весна Јаневска, која рече дека актуелната Влада го реализира тоа што го ветува. „Овој објект ќе биде вториот модерен студентски дом што ќе го отвориме со поддршка на Европската унија и Германската развојна банка – KFW со кои заедно започнавме и ќе го завршиме процесот на темелна обнова на 9 државни студентски домови и 6 државни училишта со ресурсни центри. Ова се значајни инвестиции во студентскиот стандард и во инклузијата на образовниот систем“, рече Јаневска, додавајќи дека за нивна реализација се обезбедени 86 милиони евра, од кои 60 милиони евра од KFW, 22 милиони евра се неповратни грантови од ЕУ и 4 милиони евра се буџетски средства. Потсети и дека пред два месеца беше отворен реновираниот „Стив Наумов“ со можност за сместување на 1150 студенти, а сега капацитетите се прошируваат и со овој дом, каде ќе можат да се сместат 280 лица. „Веќе видовте дека се работи за навистина одлични услови, високи стандарди за ваков тип на градби и очекувам студентите што ќе го користат овој дом да бидат задоволни, но и одговорни, за да можат што повеќе генерации да ги почувствуваат придобивките од ова јавно добро“, нагласи Јаневска. Додаде дека денот на посетата е одбран симболично, 17 ноември е Меѓународен ден на студентите, а тие се во фокусот на владините политики. „Грижата за студентскиот стандард е многу подигната во период од неколку години – практично буџетот за оваа намена е двојно зголемен ако ги споредиме 2022 и 2026 година. Продолжуваме посветено да работиме за младите да бидат задоволни од вниманието од државата, да ги надминуваме предизвиците со кои се соочуваат и да ги задржиме тука во сопствената земја да го реализираат својот потенцијал“, порача министерката за образование и наука. Министерство за образование и наукаТагови: Весна Јаневска Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветСАД нудат награда од 20 милиони долари за информации за двајца нарко- терористи Стејт департментот нуди до 20 милиони долари за информации што ќе доведат до апсење или осуда на двајца гватемалски државјани.Стејт департментот нуди до 20 милиони долари за информации што ќе доведат до апсење или осуда на двајца гватемалски државјани осомничени за трговија со дрога и други сериозни кривични дела долж границата меѓу Гватемала и Мексико. Се нудат до 10 милиони долари за информации за секој од нив. Станува збор за Аксел Бладимир Монтехо Сенс, познат како „Мош“ и Валфре Доналд Калдерон-Калдерон, познат како „Ел Тениенте Џуниор“, се вели во соопштението на Бирото за меѓународни наркотици и спроведување на законот на Стејт департментот. Двајцата осомничени се бараат за трговија со дрога, изнуда, трговија со оружје и луѓе и убиство, според соопштението. Стејт департментот вели дека тие работат заедно со мексиканскиот нарко-картел „Нова генерација Халиско“ (CJNG), кој американската администрација го означи како странска терористичка организација минатата година. Монтехо Сенс беше обвинет на 1 ноември 2018 година во Окружниот суд на САД за Јужниот округ на Калифорнија, за заговор за меѓународна дистрибуција на кокаин. Калдерон-Калдерон беше обвинет по истото обвинение во истиот суд на 31 мај 2019 година. Наградите беа доделени во рамките на Програмата за награди за наркотици на САД (NRP), која ги поддржува меѓународните напори за борба против трговијата со дрога и изведување на бегалците пред лицето на правдата.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиКристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Михаилова ја разбранува и Бугарија – на снимка тврди дека тајните служби ѝ се заканувале дека ќе остане без помош15:00