Свет

Сопственикот на Порше гради приватен тунел од неговиот замок до центарот на Салцбург- граѓаните бесни

Во Салцбург, градот на Волфганг Амадеус Моцарт и град проткаен со историја, плановите на автомобилскиот магнат Волфганг Порше предизвикаа вистински бес.

Порше има намера да ископа приватен тунел под ридот Капуцинерберг за директно да го поврзе центарот на градот со неговата вила. Проектот предизвика петиција и обвинувања за фаворизирање на супербогатите, објавува Кориере.

Романтичното засолниште на Стефан Цвајг

Вилата позната како „Пашингер Шлосл“ на ридот Капуцинерберг стана сопственост на австрискиот писател Стефан Цвајг во 1917 година. Му се допадна затоа што беше „романтична, недостапна“ и, најважно, „недостапна за автомобили“. Во ова засолниште, до кое се стигнува со искачување на повеќе од сто скали, тој ги напишал своите најпознати дела. Сепак, во 1934 година, под притисок на антисемитизмот, тој бил принуден да ја продаде куќата и да оди во егзил.

Визијата на Порше и гаража за осум автомобили

Сто години подоцна, новиот сопственик има сосема различни планови. Волфганг Порше (82), шеф на автомобилска династија и сопственик на брендовите Фолксваген и Порше, ја купи вилата во 2019 година за 9 милиони евра. Тој веднаш започна радикална реконструкција за да можат тој и неговата сопруга, принцезата Габриела цу Лајнинген, да уживаат во својот нов дом. Работата вклучувала и изградба на подземна гаража за осум автомобили, што не е изненадувачки, бидејќи магнатот е познат по својата страст за брзо возење по планински патишта.

Бунт на граѓаните поради „приватниот тунел“

Контроверзноста ескалираше кога Порше побара и доби дозвола од градот Салцбург да ископа приватен тунел што ќе ја поврзе гаражата на вилата директно со центарот на градот. Официјалната причина беше „тешкиот пристап до вилата преку тесниот пат, особено во зима“.

Но, дури и за Салцбург, навикнат на богатите и славните, овој проект беше последната капка. Додека работите за ископување веќе започнаа, 20.000 жители потпишаа петиција со која се осудува „преференцијалниот третман на супербогатите, симбол на социјална неправда“.

Потписниците велат:

„Не сакаме милијардерот на Порше да копа дупка во рид за да пристапи до својата приватна гаража користејќи јавен имот.“

Фактот дека платил само 48.000 евра за користење на јавно земјиште во заштитен природен резерват дополнително го разгневи.

Политички игри и судир на интереси

Проектот првпат доби зелено светло на почетокот на 2024 година, со гласовите на Социјалдемократите, Народната партија и Националните либерали, и покрај противењето на Зелените и Комунистичката партија, втората по големина партија во Салцбург.

Прашањето за тунелот, исто така, го подели владејачкото мнозинство. Градоначалникот Бернхард Ојингер (SPÖ) се наоѓа во незгодна позиција - пред својата политичка кариера, работел во Порше како синдикален претставник 27 години. Тој се брани тврдејќи дека не може ништо да направи против проектот што го наследил од претходната влада.

„Постојат огромни правни и технички прашања кои сè уште остануваат неодговорени. Но, ÖVP (Австриска народна партија), SPÖ (Социјалдемократите) и FPÖ (Партија на слободата) одбија да поканат експерти и да отворат јавна дебата. Од што се плашат?“, рече советникот на Комунистичката партија, Клаудиус Меј. Проектот моментално чека конечно одобрување од покраината Салцбург.

Тагови: Порше тунел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

АХВ: Нештетно уништени над 27,5 тони небезбедно УХТ млеко поради зголемено присуство на афлатоксин

Инспекциските служби на Агенцијата за храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми.

Инспекциските служби на Агенцијата за храна и ветеринарство (АХВ) на граничниот премин Блаце, минатата недела спречија увоз од Република Косово на две пратки УХТ млеко, со вкупна тежина од 27 520 килограми, поради утврдено присуство на афлатоксин над максимално дозволените концентрации дефинирани со позитивните законски прописи.

Небезбедните количини млеко кои биле наменети за пласман во синџир маркети во земјава, минатата недела под надзор на официјален ветеринар, нештетно се уништени на депонијата Дрисла.

Мострите за лабораториско тестирање на двете небезбедни пратки УХТ млеко, земени се во рамки на Мониторинг програмата која инспекциските служби на АХВ на граничен премин ја реализираат за пратките со храна од животинко потекло кои се увезуваат во земјава.

На 17 јули годинава Агенцијата донесе и Решение за воведување на посебни безбедносни мерки при увоз на млеко, производи од млеко, како и производи кои содржат згуснато млеко и млеко во прав со кои ги засили официјалните контроли при увоз на овој тип производи од животинско потекло преку вршење на задолжителни лабораториски испитувања и проверки на усогласеноста со барањата за квалитет, со цел на домашниот пазар да се пласираат исклучиво безбедни и квалитетни производи и да се обезбеди фер конкуренција и заштита на домашните производители и потрошувачите, стои во соопштението од Агенцијата за храна и ветеринарство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Детска работилница за најмладите и рап забава со „Жабата“ за тинејџерите во Карпош

Неделното карпошово културно лето, започна на плоштадот „Фонтана“, во Карпош 3,.

Неделното карпошово културно лето, започна на плоштадот „Фонтана“, во Карпош 3, каде што во рамки на проектот „Нашето Маало-детска интерактивна просторна инсталација“, организирана од архитектот Ружица Ивановиќ, дечињата заедно со своите родители учествуваа во боење и цртање на претходно изработената макета од архитектката. На тој начин, на детската работилница најмладите карпошани освен што се дружеа помеѓу себе , тие и го развиваа својот креативен и уметнички потенцијал.

Во училишниот двор на ООУ „Петар Поп Арсов“, со почеток од 20:00, часот, во една пријатна, релаксирана и маалска атмосфера беше прикажан филмскиот класик од Димитрие Османли - „Мирно лето“, каде што меѓу присутните карпошани беше и претседателот на Советот на Општина Карпош, Христо Саракинов. Филмските проекции во рамки на културното лето ќе траат до 27-ми овој месец, каде што љубителите на добриот филм, заедно со своите соседи, роднини и пријатели, во предвидениот термин на истата локација, ќе можaт да уживаат во селектираните филмски остварувања од домашната македонска кинематографија.

Вечерта кулминираше со рап изведбата на „Стефан Трајковски- Жабата“, кој со своите авторски изведби ја крена публиката на нозе и направи одлична забава пред своите маалски другари, соседи и пријатели. На настапот на „Жабата“, на фонтана во Карпош 3 беше присутен и заедно со жителите на Карпош 3 се забавуваше и дружеше првиот човек на Општината, Сотир Лукровски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бензините поскапи за 1,5 , дизелот за 3,5 денари

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62%

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши зголемување на малопродажните цени на нафтените деривати во просек за 2,62% во однос на одлуката од 17.8.2026 година.

Референтните цени на нафтените деривати на светскиот пазар во споредба со претходната пресметка бележат зголемување и тоа во просек: кај бензините за 3,795%, кај дизелот за 4,842%, кај екстра лесното масло за 3,958% и кај мазутот зголемувањето е за 6,467%.

Курсот на денарот во однос на доларот во изминатиот период по кој беа формирани цените со претходната пресметка е понизок за 0,5340%.

Од 25.8.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 93,00 (денари/литар)

Моторен бензин ЕУРОСУПЕР БС - 98 95,00 (денари/литар)

Дизел гориво ЕУРОДИЗЕЛ БС (Д-Е V) 101,50 (денари/литар)

Масло за горење Екстра лесно 1 (ЕЛ-1) 100,50 (денари/литар)

Мазут М-1 НС 45,576 (денари/килограм)

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/лит.

Малопродажната цена на ЕУРОДИЗЕЛ (Д-Е V) се зголемува за 3,50 ден/лит.

Малопродажната цена на Екстра лесното масло за домаќинство (ЕЛ-1) се зголемува за 2,00 ден/лит.

Малопродажната цена на Мазутот М-1 НС се зголемува за 1,850 ден/кг. и сега ќе изнесува 45,576 ден/кг.

Напоменуваме дека ова се максималните цени на нафтените деривати од 00:01 часот на 25.8.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.