Социјалните работници побараа итни мерки за нивна заштита во Неготино - Канал 5

Социјалните работници побараа итни мерки за нивна заштита во Неготино

 Социјални работници и денеска, како и вчера,  побараа итни мерки за нивна заштита во Неготино. 

Социјалните работници побараа итни мерки за нивна заштита во Неготино

Барањата ги насочија кон Министерството за социјална политика, демографија и млади. Рекоа дека се загрижени од зголемените случаи на насилство врз вработените во центрите за социјална работа и тоа посебно по најновиот случај со напад на нивна колешка во Прилеп.

На собирот во Неготино беше кажано дека итно се потребни системски промени за заштита на социјалните работници. Беше посочено дека се соочуваат со закани, вербални и физички напади додека ја вршат својата работа за заштита на најранливите категории граѓани.

- Недостатокот на безбедносни мерки во институциите каде што работиме сериозно го загрозува не само нашето физичко здравје и менталното здравје, туку и квалитетот на услугите што ги обезбедуваме, рече за МИА Павлинка Волканоска, водител на случај социјален работник.

Под итни законски мерки, бараат законска заштита, донесување законски измени со кои нападот врз социјален работник ќе се третира како напад врз службено лице (напад, психички и физички, од внатрешни и надворешни субјекти). Физичко обезбедување, задолжително присуство на обезбедување во сите центри за социјална работа. Психосоцијална поддршка, обезбедување бесплатна психолошка поддршка за вработените кои биле изложени на насилство. Унапредување на условите за работа, подобрување на работните услови и зголемување на платите без условување со минат труд. Построги санкции за насилниците, итно процесирање на сите случаи на напад врз социјални работници и соодветно санкционирање.

Беше изразено незадоволството и упатен повик на институционална одговорност.

- Очекуваме Министерството итно да реагира и да преземе конкретни мерки за заштита на социјалните работници, беше нагласено на собирот.

Судот во Стразбур им укажа на српските власти дека треба да спречат употреба на звучно оружје

Европскиот суд за човекови права и укажа на Владата на Србија дека треба да се спречи каква било употреба на звучни уреди за контрола врз граѓани кои се на собир, објавија белградските медиуми.

Судот во Стразбур им укажа на српските власти дека треба да спречат употреба на звучно оружје

Како што беше објавено денеска од Стразбур, Судот на 29 април одлучи делумно да ги прифати барањата на подносителите - да издаде привремена мерка во случајот поврзан со наводната употреба на звучно оружје за контрола на собраните граѓани од страна на властите на демонстрациите на 15 март во Белград и загриженоста дека истото би можело да се користи на идни демонстрации.

Во случајот Ѓоровиќ и други против Србија (апликација бр. 8904/25), подносителите побараа Судот да издаде привремена мерка со која ќе ги обврзе српските власти да спречат употреба на звучни оружја во такви околности; да се спречи гонење на оние што учествуваа на јавната расправа на 15 март 2025 година за употребата на сонично оружје и да се спроведе ефикасна истрага за наводите дека било употребено сонично оружје.

На 29 април 2025 година, судски совет од седум судии издаде привремена мерка. Во врска со барањето на подносителите на барањето Судот укажа дека државата треба да спречи употреба на звучни оружја или слични уреди на идните протести од страна на државата и/или недржавните актери, Судот и посочи на Владата дека, до понатамошно известување, секоја употреба на звучни уреди за контрола на собраните граѓани (освен за комуникациски цели) мора да се спречи во иднина.

Судот изјави дека употребата на такво оружје за контрола на собрани граѓани е нелегална во Србија и, особено, дека може да предизвика сериозни здравствени последици за голем број луѓе.

Судот нагласи дека одлуката не значи дека зазел каков било став за тоа дали такво оружје било употребено на 15 март 2025 година и дека не го прејудицира исходот од барањето што подносителите можат да го поднесат.

Подносителите на барањето имаат рок од еден месец да поднесат барање во согласност со член 34 од Конвенцијата (право на индивидуална барање).

Барањето го поднесоа 47 српски граѓани на 24 март, со кои се бара од Судот особено да им укаже на српските власти на потребата да се спречи употребата на такви средства против демонстрантите во идните протести.

На 15 март 2025 година, подносителите на барањето учествуваа на протест во Белград. Додека тие одржаа 15-минутно молчење во спомен на оние што загинаа по уривањето на настрешницата на железничката станица во Нови Сад во ноември 2024 година, околу 19 часот гласни звуци и воздушни бранови го прекинаа собирот.

Според извештаите, подносителите на барањето доживеале интензивен инстинктивен страв, паника, шок, забрзан срцев ритам, тремор, проблеми со слухот, повраќање, гадење, тахикардија и слични симптоми. Според извештаите, некои претрпеле физички повреди во паниката што настанала. Досега, околу 4.000 луѓе ги пријавиле своите искуства од инцидентот, се вели во соопштението на Судот. /МИА

Аксиос: Трамп му рекол на Зеленски во Ватикан дека САД, а не Украина, ќе го признаат Крим

Американскиот претседател Доналд Трамп му рекол на украинскиот претседател Володимир Зеленски во Ватикан дека САД, а не Украина, ќе го признаат Крим како дел од Русија, објави Аксиос.

Аксиос: Трамп му рекол на Зеленски во Ватикан дека САД, а не Украина, ќе го признаат Крим

„Според неименуваниот извор, Зеленски повторил за време на состанокот дека не го признава Крим како руски, а Трамп јасно ставил до знаење дека не го бара тоа од него. Планот е Соединетите Американски Држави да го сторат тоа, а не Украина“, според извештајот на американскиот портал.

Зеленски, исто така, му рекол на американскиот лидер дека не се плаши да прави отстапки за да го заврши конфликтот, но дека за тоа ќе му требаат прилично солидни безбедносни гаранции, објавува порталот.

Зеленски ги искористил своите 15 минути со Трамп во Ватикан за да го повика да заземе поцврст став кон Путин и повторно да му биде приоритет воспоставувањето прекин на огнот, изјавиле за Аксиос два извори запознаени со прашањето.

Покрај тоа, според еден од изворите, за време на разговорот, Трамп извршил притисок врз Зеленски што е можно поскоро да потпише договор за ретки минерали меѓу САД и Украина.

„Беше тoa одличен состанок и Зеленски не сакаше да ризикува“, рече неименуваниот извор.

Разговорите во Ватикан на денот на погребот на папата Франциск дојдоа откако САД се заканија дека ќе се откажат од своите напори за посредување за воспоставување мир во Украина и откако Трамп го осуди Зеленски поради неговите коментари дека Украина нема да ја признае руската контрола врз Крим./МИА

Турски суд осуди 18 вработени во општина Истанбул

Турскиот суд денеска осуди 18 вработени во општина Истанбул, кои ќе чекаат судење во затвор по обвинение за корупција, објавија локалните медиуми.

Турски суд осуди 18 вработени во општина Истанбул

Апсењето се случи во рамки на се поголемиот притисок врз опозицијата и градоначалникот на Истанбул, Екрем Имамоглу, кој е во затвор, пренесуваат агенциите.

Имамоглу, главниот политички ривал на турскиот претседател Реџеп Таип Ердоган, кој води на анкетите, е затворен во март и чека судење по обвинение за корупција.

Тој се соочува и со обвиненија за помагање на терористичка група.

Градоначалникот на Истанбул на судењето рече: Овие обвинувања се политички; јас сум претседателот во срцата на 86 милиони. Тој ги негираше сите обвиненија, а неговото апсење предизвика големи протести, економски проблеми и обвинувања дека судството е политизирано.

Владата ги отфрла тие тврдења и истакнува дека судството е независно.

Турската телевизија НТВ објави дека 34 од 52-те лица кои беа уапсени во текот на викендот во рамки на истрагата се пуштени со судски ограничувања.

Турските медиуми објавија во саботата дека властите уапсиле десетици вработени во општина Истанбул како дел од правните истраги кои се фокусираа на Имамоглу.

Меѓу уапсените беа генералниот секретар на општината, началникот на кабинетот на Имамоглу, претседателот и потпретседателот на општинската управа за водовод и канализација, како и раководител на оддел во управата. /МИА

притисни ентер