Сочувства за загинатите во трагичниот пожар во Кочани-книгата на жалост во амбасадата во Атина - Канал 5

Балкан

Сочувства за загинатите во трагичниот пожар во Кочани-книгата на жалост во амбасадата во Атина

Сочувства за загинатите во трагичниот пожар во Кочани ја исполнија книгата на жалост во амбасадата во Атина

Сочувства за загинатите во трагичниот пожар во Кочани-книгата на жалост во амбасадата во Атина

Букет цвеќе од непознат испраќач со пораката „RIP Kocani“ и нацртано срце, оставено пред портата на објектот на амбасадата во Атина, најдоа вработените во нашето дипломатско претставништво, каде што во изминатите денови беше отворена книга на жалост, јави дописничката на МИА од Атина.

Цвеќиња, свеќи и пораки на сочувство имаше пред низа наши амбасади низ светот каде што живеат Македонци, но во Атина, конкретниот потег остава впечаток со оглед на тоа што е многу мал бројот на нашинците во грчката метропола.

Книгата на жалост беше отворена во понеделникот, прва се потпиша амбасадорката Лидија Бошковска, а веќе страниците се исполнети со пораки на сочувство за трагично загинатите млади лица од дискотеката „Пулс“, но и со пораки на љубов и поддршка, како за повредените, така и за македонскиот народ.

Речиси целиот дипломатски кор во Грција или се потпиша во книгата или електронски испратија порака со сочувство, а вчера во амбасадата беше и заменик-министерот за надворешни работи на Грција Јанис Ловердос.

Како што вчера објави МИА, го пречека амбасадорката Бошковска, со која имаа кус разговор, по што се потпиша во книгата на жалост, а потоа пдржаа и тет-а-тет средба.

- Да знаете дека Владата и народот на Грција во овие моменти на голема тага, на жал ќе бидат секогаш покрај вас. Ние, Грците сме многу чувствителен народ, имаме и ние претрпено слични трагедии, истакна заменикот МНР и посочи дека „некогаш зборовите се непотребни“, но и дека „за жал, многу пати трагедиите ги приближуваат народите“, а паралелно нагласи дека грчкиот народ ја чувствува тагата и сочувствува со соседната земја.

Амбасадорката Бошковска му се заблагодари за поддршката и помошта од грчката Влада.

-Би сакала да изразам голема благодарност за брзата и одлична реакција од персоналот на Службата за итна помош, на персоналот во болниците и во Солун и во Атина, на одличната соработка со грчката амбасада во Скопје. Оваа трагедија ни влијаеше на сите, истакна амбасадорката.

Книга на жалост, освен во Атина, отворена беше и во конзулатот во Солун.

Грција беше меѓу првите земји што прими повредни со изгореници, тројца млади уште во неделата попладне беа префрлени во солунската болница „Папаниколау“, следеа уште двајца во воената болница во Солун, додека пак во понеделникот и вторникот со авиони Ц-27 на грчкото воено воздухопловство беа транспортирани уште вкупно седум лица.

Паралелно, официјална Атина, континуирано ја истакнува подготвеноста за помош на повредените, подготвеност што уште еднаш ја повтори портпаролот на грчката Влада Павлос Маринакис на вчерашниот редовен брифинг со новинарите

- Здравствениот оперативен центар на Националниот центар за итна помош во рамките на оперативното планирање за управување со транспортот и лекување на повредени со изгореници, продолжува да ги одржува во состојба на зголемена подготвеност Одделенијата за изгореници во соодветните здравствени установи во Солун и Атина, рече Маринакис.

Освен на официјално ниво, како што веќе има објавено МИА, понуди за помош од Грција пристигнаа и од низа организации, здруженија и слично, меѓу кои и Црвениот крст, Здружение на бизнис жени од Грција, Грчката асоцијација за лица со изгореници итн.

Иако во мал број, Македонците во Грција, преку социјалните мрежи експресно се организираа и се пријавија за евентуална помош на повредените кои се хоспитализирани во Солун и Атина и за нивните семејства, помош пријавена и до дипломатските претставништва, кои засега целосно се погрижија за роднините кои се во Грција.

Македонците во Солун, утре напладне на плоштадот Аристотел ќе одржат собир „Солун во молк за Кочани“ за да им оддадат почит на загинатите и да изразат поддршка.

Трагедијата во Кочани, уште од првиот момент континуирано ја следат медиумите во Грција, а вчера известуваа за погребите на загинатите, карактеризирајќи ги како сцени од „последниот чин од античка трагедија“.

Речиси сите грчки телевизии, од неделата испратија новинари во Кочани, кои секојдневно преку јавувања во живо ја информираат грчката јавност за градот завиен во жал и тага, но и за детали од истрагата за пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Работник загина при пад од височина на градилиште во Скопје

Педесет и двегодишен работник од Куманово загина при изведување градежни работи на објект во изградба во скопската населба Гази баба, соопшти Министерството за внатрешни работи.

Работник загина при пад од височина на градилиште во Скопје

Според информациите од МВР, несреќата била пријавена вчера попладнето на 10 јули околу 14:05 часот, кога тој паднал од височина додека работел на градилиштето. Лекар од Итната медицинска помош констатирал смрт на местото на настанот. Според здружението за заштита при работа, лани во земјава загинале 31 работник, што е речиси двојно повеќе во однос на 2024-та, кога биле регистирани 17 жртви.

Тагови: градилиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Оризот скапува по амбарите, Владата ги уништи оризопроизводителите

Филипче, денеска имаше средба со земјоделци оризопроизводители од регионот на Општина Чешиново-Облешево

Филипче: Оризот скапува по амбарите, Владата ги уништи оризопроизводителите

Претседателот на СДСМ, Венко Филипче, денеска имаше средба со земјоделци оризопроизводители од регионот на Општина Чешиново-Облешево, на која што се разговараше за состојбата со производството на ориз. Филипче на средбата посочи дека е трагична сликата на терен - оризопроизводителите се оставени без никаква поддршка, оризот скапува по амбарите, а Владата со својата незаинтересираност го доведува во прашање опстанокот на една од најзначајните земјоделски гранки во државата.

Земјоделците производители на ориз на средбата алармираа дека големи количини на ориз од ланската година стојат по амбарите, бидејќи нема откуп. Филипче посочи дека земјодеците немаат никаква информација ниту за откупните цени, ниту за субвенциите за новата сезона.

„Има заостанати количини од минатата година. Само половина од произведениот ориз е откупен од минатата година, 50% седи по амбарите, никој не е заинтересиран да го откупи, глувци има по амбарите, што ризик да се прошират болести во овој регион. Дополнително на сите овие проблеми, нема никаква насока ниту најава за откупни цени или субвенции за оризот којшто се произведува оваа сезона“, рече Филипче.

Притоа, Филипче додаде дека дополнителен удар за оризопроизводителите се најавите дека откупната цена ќе биде ниска и недоволна да ги покрие ниту основните трошоци за производство.

„Најавите се дека откупната цена ќе биде многу ниска. Додека во времето на нашите влади откупната цена беше над 40 денари, сега е по 20 денари за килограм. Неколкукратно трошоците за производство ги надминуваат откупните цени. Дополнително, нема откуп и нема доволна количина која се откупува од оризот“, рече Филипче.

На средбата, Филипче нагласи дека поради негрижата на Владата на ВМРО, земјоделците ја губат довербата во институциите, а состојбата во оризопроизводството е директна последица на негрижата и неспособноста на власт.

„Трагична, трагична незаинтересираност на власта. Огромна разочараност има кај земјоделците. Губат верба во државата поради лошата Влада, гледаат дека во производството на ориз практично немаат никаква иднина и луѓето стравуваат дека целиот овој сектор практично може да се соочи со прашањето дали воопшто ќе функционира во следниот период, во капацитетот во кој што тука бил со децении. Од овие плодни полиња коишто ја хранеле Македонија, кои што биле извор на репроматеријали, ориз и сѐ друго што се произведува тука, кое се извезувало од нашата земја, а тие сега се соочени сега со егзистенцијални проблеми“, рече Филипче.

YouTube video

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Надминат е проблемот со откупот на млекото

Сточарите од Пијанечко-Малешевскиот регион добиваат сигурен пласман.

Серафимовски: Надминат е проблемот со откупот на млекото

Државниот секретар и предлог кандидат за министер во Министерството за земјоделство, шумарство и водостопанство, Борче Серафимовски, оствари работна средба со сточарите од Пијанечко-Малешевскиот регион, при што беше потврдена најважната вест за сточарите од овој крај.

Надминат е проблемот со откупот на млекото и неговиот откуп продолжува, со што завршува периодот на неизвесност за голем број семејни земјоделски стопанства.

На средбата, на која присуствуваше и градоначалникот на Општина Делчево, Иван Гоцевски, беше истакнато дека обезбедувањето континуиран откуп претставува значаен чекор кон стабилизирање на сточарското производство во регионот. Покрај ова, се разговараше и за откупната цена на млекото, исплатата на субвенциите, како и за други прашања што се важни за унапредување на условите за работа на сточарите.

„Решавањето на проблемот со откупот на млекото беше наш приоритет, бидејќи македонските сточари заслужуваат сигурен пласман и извесност за својот труд. Ќе продолжиме да работиме на создавање фер услови за производство, економска стабилност и политики што произлегуваат од директните разговори со луѓето на терен“ истакна Серафимовски.

Движењето ЗНАМ за Наша Македонија ќе продолжи активно да се залага на решавање на проблемите со кои се соочуваат земјоделците, обезбедувајќи конкретни резултати и поддршка за домашното производство, со цел изградба на силен, конкурентен и одржлив аграр и сигурна иднина за македонските граѓани.

Центат за комуникции и аналитика

ЗНАМ

Тагови: Серафимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер