Македонија

Собранието со 67 гласа „за" го утврди нацртот на амандманот XXXIII

Собранието на Република Македонија на продолжението на 64. седница со 67 гласа „за", четири „воздржан" и 23 „против" го утврди нацртот на амандманот XXXIII на Уставот на Република Македонија.

Со првиот амандман се предвидува во Уставот зборовите „Република Македонија" да се заменат со зборовите „Република Северна Македонија", а зборот „Македонија" се заменува со зборовите „Северна Македонија", освен во членот 36, кој има историски апсект и се однесува на "посебните социјални права на борците од Антифашистичката војна и од сите националноослободителни војни на Македонија".

Според пратениците од владејачкото мнозинство амандманот 33. се однесува на името на државата и со него конечно се дефинира името на нашата држава во поширок историски контекст и географската одредница Северна која се додава е практично реално, но и историско решение на дефинирање на модерна држава, која сака своето постоење да го гради на универзални принципи во глобализиран свет.

Пратеникот Панчо Минов, од ГРОМ, рече дека очекувал повеќе од расправата за амандаманот, бидејќи тој претставува суштина на државните и стратешки приоритети на Република Македонија и побара јасно да се дефинира дека промената на името ќе се однесува на насловот и текстот на уставот, односно нема да има промена на преамбулата, како и дека промената на името ќе биде условена и настапи по нашето членство во НАТО и ЕУ.

– Моето произнесување по овој амандман ќе зависи од произнесувањето по мојот предлог, рече Минов.

Фандил Зендели, од БЕСА, рече дека како опозициска партија го поддржале Преспанскиот договор, за кој ценеле дека е предуслов за нашите стратешки евроатлантски интеграции, иако имале забелешки и сугестии за договорот.

– Прашањето на референдумот согласно законските определби не се исполни. Сега сме во уставни измени, кои од Владата се предложени согласно Преспанскиот договор. Бидејќи уставот не се отвора секој ден, како политички субјект побаравме да се постават и други прашања, како што е јазичната рамноправност и кои ги засегаат меѓуетничките односи, рече Зендели.

Пратеничката Дафина Стојаноска, од ВМРО-ДПМНЕ рече дека договорот е капитулантски и дека со него проблемите нема да завршат, туку само ќе се отворат нови, бидејќи со договорот се става крај на Република Македонија.

– Ниту гласав за отворање на постапката за носење на уставните измени, ниту ќе гласам за носење на овие амндмани. Македонија без грам барут ќе ја снема, изјави Стојаноска.

Министерот за надворешни работи, Никола Димитров, во реплика кон опозициските пратеници, рече дека мисли како да живеат на различни планети.

– Кога влеговме во ОН, нашата куќа почнавме да ја градиме со обврска да го решиме проблемот со Грција. Со копањето назад по антиката, ги изгубивме пријателите. Дали е точно дека нашата држава не го опфаќа целиот регион Македонија, рече Димитров.

Собранието ја почна расправата по амандманот XXXIIII на Уставот на Република Македонија. /МИА

Шоу биз

Јелена Карлеуша најави што ќе објавува на „OnlyFans“: Тоа не е дозволено на „Instagram“

На „Instagram“  ја следат речиси два ипол милиони следбеници, но и покрај тоа, оваа социјална мрежа има многу ограничувања, кои се „проблем“ за Јелена Карлеуша.

Иако многумина се надеваа дека содржината на пејачката на „OnlyFans“ ќе биде многу поексплицитна, таа проговори на оваа тема и објасни за што всушност се работи.

„Instagram ги заостри правилата и ја санкционира секоја поексплицитна содржина, па дури и фотографии во бикини. Затоа сум на „OnlyFans“. Реакциите се како да најавив снимање на порно, секакви работи“, изјави Јелена Карлеуша за Информер. .

Извор: Аваз

Автомобилизам

Членките на ЕУ одобрија построги ограничувања за CO2 за камиони и автобуси

Земјите-членки на Европската унија денеска одобрија нов закон со кој ќе се заострат ограничувањата за емисиите на јаглерод диоксид (CO2) од тешките патни возила, како камиони и автобуси.

Како што пренесе ДПА, законот ќе ги прошири правилата согласно кои моментално се регулираат камионите со тешки товари за да ги опфатат урбаните автобуси, автобусите и приколките.

Просечните емисии на CO2 за големите патни возила треба да се намалат за 45 проценти до 2030 година, 65 отсто до 2035 година и 90 проценти до 2040 година, во споредба со нивоата од 2019 година. Урбаните автобуси не би требало воопшто да испуштаат CO2 до 2040 година и да ја исполнат целта за намалување од 90 отсто до 2030 година.

Ограничувањата беа привремено договорени во јануари од Белгија, дејствувајќи во име на земјите-членки на ЕУ и преговарачите за Европскиот парламент. Највисоките дипломати потоа му дадоа зелено светло на тој договор во февруари, отворајќи го патот за позитивно гласање во Европскиот парламент во април.

Денешната одлука на министрите од земјите-членки е последниот чекор. Се очекува Европската комисија да го разгледа влијанието на законот во 2027 година.

Во соопштението за печатот на ЕУ се вели дека тешките возила се одговорни за 25 отсто од емисиите на стакленички гасови од патниот транспорт во ЕУ. Првите ограничувања за такви возила беа поставени во 2019 година. /МИА

Свет

Британскиот крал Чарлс му предаде воена улога на принцот Вилијам

Британскиот крал Чарлс официјално му ја предаде улогата на врховен полковник на армискиот воздушен корпус на принцот Вилијам за време на посетата на аеродромот во Хемпшир.

Чарлс, кој е инаугуриран носител на оваа титула веќе 32 години, попладнево се сретна со својот најстар син во редок заеднички официјален ангажман во базата Мидл Валоп за да му ја пренесе улогата.

Воздухопловниот корпус на Армијата е старата единица на војводата од Сасекс, во која служеше како командант на хеликоптер Апачи и копилот-стрелец за време на неговата втора воена служба во Авганистан во 2012 година.

Одлуката на кралот да му ја предаде улогата на Вилијам се сметаше за удар за Хари кога беше објавена минатата година.

Кралот рече дека е „голема радост“ да се сретне со војниците, нивните семејства и ветерани при претходна посета на Музејот на военото воздухопловство, но додаде дека предавањето било „преплавено со голема тага“.

- Се надевам дека во иднина ќе бидете се поуспешни со принцот од Велс како ваш нов врховен полковник, рече крајот Чарлс.

- Одлична работа е што тој навистина е многу добар пилот – па тоа е охрабрувачки, додаде британскиот крал. /МИА

притисни ентер