Со што се занимаваше шпанската кралица Летиција пред да се омажи за шпанскиот крал Филип?

Кралицата Летиција Ортис Рокасолано е жена со префинет стил и софистицирана убавина, која привлекува внимание каде и да се појави.

Пред да се омажи за кралот Филип таа ѝ била позната на јавноста бидејќи често се појавувала на ТВ во улога на новинарка.

Нејзиниот татко Хесус Хосе Алварез бил новинар и покрај него Летиција ја засакала оваа професија, и била многу успешна. Кралицата Летиција е магистер по аудиовизуелни комуникации и прво работела во печатените медуими, а подоцна на ТВ, каде покажа дека новинарството ѝ е во крвта.

Работела за Ес-Ен-Ен, а подоцна и за националната телевизија. Клучен момент во нејзиниот живот се случил во 2002 г., кога известувала за потонатиот танкер Престиж на северот на Шпанија, кој претставувал закана за можна еколошка катастрофа. Новинарката Летиција тогаш го запознала престолонаследникот на Шпанија. На една од снимките што се појавија на ТикТок, тогашната новинарка Летиција срдечно се ракува со принцот Филип, со кого подоцна влезе во врска. Иако зад себе имаше неуспешен брак, таа тогаш заплови во романса со тогашниот принц Филип со кого подоцна се омажи.

На снимката што се појави на ТикТок, има и дел од венчавката на која кралицата Летиција изгледа префинето, како сите кралски дами.

@_europeanone_ Queen Letizia, a former Spanish journalist who became Queen of Spain #fyp #journalist #queenletizia #queenletiziaofspain #princessofasturias #felipevi #kingfelipevi #sofiaborbonyortiz #leonordeborbon #princessleonor #infantasofia #spanish #spain🇪🇸 #monarchy ♬ son original - Itsme

Приказната на Летиција Ортис Рокасалано многумина ја опишуваат како модерна верзија на бајката Пепелашка, каде наизглед „обична“ девојка се мажи за принц кој животот ѝ го претвора во бајка.

Кралицата Летиција, Шпанците посебно ја засакаа зашто е прва дама со шпанска крв, за разлика од мајката на кралот Филип, кралицата Софија, која по потекло е од Грција.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

притисни ентер