Технологија

Со мисијата Crew-1, SpaceX постави нов рекорд во вселената

Со својата мисија Crew-1, SpaceX постави нов рекорд кога станува збор за должината на мисијата на американските вселенски летала.

Американската вселенска агенција НАСА потврдила дека мисијата Кру-1, чиј екипаж се врати од Меѓународната вселенска станица за време на викендот, постави нов рекорд кога станува збор за мисијата на американско вселенско летало, пишува engadget.com, повеќејазична технолошка блогерска мрежа.

Мисијата на капсулата Crew Dragon Resilience во орбитата траела 168 дена и се вратија на Земјата за време на викендот, слетувајќи во морето крај брегот на Флорида.

Претходниот рекорд бил поставен во февруари 1974 година од екипажот на Skylab, чија мисија траела 84 дена.

НАСА посочува дека ова е прво ноќно слетување на американско вселенско летало откако Аполо 8 слета во океанот во декември 1968 година.

Постигнувањето не е сосема неочекувано со оглед на тоа што екипажот Crew-1 требало да помине околу шест месеци на ISS, спроведувајќи разни експерименти, прошетки во вселената и други активности на Меѓународната вселенска станица.

Мисијата на екипажот Crew-2, која неодамна започна, треба да трае приближно исто време.

Треба да се напомене дека штотуку завршената мисија претставува значајна пресвртница. Тоа го покажува степенот до кој еволуирале вселенските летови за половина век и докажува дека приватните вселенски летала излегле со некои посериозни задачи.

Шоу биз

Бразилка ќе оди во затвор, зашто на познат пејач за еден месец му испратила 8.000 писма

Бразилката Мира Карваљо (35) е толку опседната со британскиот пејач, Хари Стајлс (поранешен член на групата „One Direction“) што го оставила партнерот дома и го пропатувала целиот пат до Лондон.

Но, тоа не е сѐ, Мира му испраќала на Хари писма, свадбени честитки, а бидејќи за само еден месец испратила дури повеќе од 8.000 писма, Бразилката завршила во затвор, пишува „The Sun“.

Таа е осудена на 14 недели затвор и се изјаснила за виновна за следење.

- Хари беше навистина потресен. Тој само сака да продолжи нормално, но секако дека е загрижувачки за него, неговото семејство и неговиот тим“, изјави извор близок до Стајлс.

Нејзе ѝ е забрането да се приближува до Стајлс дури 10 години и да присуствува на кој било настан, односно концерт, каде што е тој.

Да потсетиме, фановите на споменатата група некогаш беа познати по претерувањето кое се граничело со демнење, па еднаш ги хакираа и безбедносните камери на лондонскиот аеродром за да ги видат своите идоли.

Македонија

Пендаровски: Понудата на Мицкоски за коалицирање е знак на слабост

Кандидатот за претседател Стево Пендаровски вечерва од Бутел рече дека е легитимно и дека е демократски избор секој да коалицира со кого сака. 

Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.

„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски, соопштуваат од неговиот тим.

Македонија

Портокалова велосипедска тура, изложба на карикатури и холандски пазар на Деновите на Холандија

По повод националниот ден на Холандија – Денот на Кралот, Амбасадата заедно со своите партнери го отвори второто издание на „Денови на Холандија“ во Ист Гејт Мол во Скопје. 

Амбасадорот Дирк Јан Коп и извршниот директор на Ист Гејт Мол Игор Давков ги пречекаа посетителите со посебно искуство кое вклучуваше портокалова велосипедска тура, изложба на декорирани велосипеди, филмови во виртуелна реалност и холандски пазар.

Настанот започна со симболична портокалова велосипедска тура и изложба на велосипеди декорирани од средношколци од Скопје во организација на Гоу грин – Биди зелен. Покрај автентичните холандски производи во понудата на холандскиот пазар беа вклучени и локални продукти произведени со холандска технологија.

Во рамките на отворањето амбасадорот Коп ги објави и победниците на регионалниот натпревар за карикатури организиран од холандското Министерство за надворешни работи и организацијата Картун мувмент. Независно жири составено од претставници од сите шест држави од Западен Балкан ја додели првата награда на Душан Перишиќ од Србија а втората награда на Арменд Ајредини од Македонија.

Холандскиот пазар ќе биде отворен овој викенд (19-21 април) од 12:00 до 18:00 часот. Изложбата на карикатури може да се посети до крајот на април.

притисни ентер