Со кои реченици киднаперите ги мамат децата - Канал 5

Живот

Со кои реченици киднаперите ги мамат децата

Во 99% од случаите децата тргнуваат доброволно и за нив почнува пекол!

Со кои реченици киднаперите ги мамат децата

Најважно е родителите на своите деца да им објаснат како треба да се однесуваат, а еве кои малолетници се најзагрозени.

Сè почесто на вестите слушаме информации за грабнување на дете, па важно е секој родител да го запознае своето дете со опасностите на кои се изложени од разни страни.

Според стручните лица, киднапирањето по правило скоро секогаш се случува по слично сценарио, при што најважно за грабнувачот е во најкраток можен рок да стекне доверба кај децата за тие доброволно да тргнат со нив. Киднаперите имаат разработена техника која се сведува на доброто познавање на детската психологија, при што во најголем број случаи се покажала ефикасна.

Правила на кои родителите мора да ги научат своите деца:

Научи да кажеш „не“!

Да умее да каже јасно и гласно „не“, да разговара за своите проблеми со некој кој навистина може да помогне – тоа се вештини од животна важност кои треба да му се влеат на детето за да ги користи во која било ситуација што ја загрозува неговата безбедност. Детето може да ги избегне неволјите ако точно знае што треба да направи кога ќе се најде во опасна ситуација.

Не разговарај со непознати!

Криминалците честопати ја користат детската доверба. Научете го детето дека не смее да разговара со непознати и никако да не ги прифаќа нивните понуди и повици (на пример, да види некое животно, да ја игра омилената игра, да оди во продавница за слатки, сладолед, или играчки, или да тргне со непознато лице кај мајка си, кај својот татко, баба... ). Објаснете им на децата дека криминалците се преправаат дека се љубезни, нежни и сочувствителни.

Сети се што ти кажаа мама и тато

Научете го детето да ја препознае опасната ситуација и како да се извлече од неа.

Прво: треба да сфати дека педофилите не ги фаќаат децата за рака и не ги одвлекуваат на сила на места каде што нема луѓе. Во 99% од случаите детето доброволно тргнува со педофилот, одушевено со некоја примамлива понуда.

Второ: на детето можете да му закачите од глава до пети антени, но тоа нема да го спаси од злосторот (само ќе помогне да се најде виновникот). Можете, во најразбирлива форма за него, да му објасните да постојат лоши луѓе кои крадат деца...

Трето: Нема ништо поефикасно од обичното информирање на детето за можните опасности. Нашите родители го правеа токму тоа.

Објаснете му детално на детето дека нормален возрасен човек нема што да бара од него, бидејќи на возрасен нормален човек не му треба ништо од дете. Ако непознат чичко или тетка го повикаат да тргне со нив – тие 100% се киднапери на деца.

Киднапирањето на деца е сè поприсутно. Еве примери на дијалог што ги смислуваат киднаперите на деца според еден портал:

-Девојче, во една кутија има мачиња без мајка. Сакам да ти ги покажам колку се слатки. Може да земеш едно ако сакаш.

-Здраво деца! Сакате да ви покажам слика од моето зајаче? Видете, вистинско зајаче. Дојдете со мене, ќе ви дозволам да си поиграте.

-Сакаш сладолед? Имам полн фрижидер. Ми беа на гости внуците, но мораа да заминат, а сладоледот ќе им се стопеше во торбата ако го земеа. И сега не знам што да правам, жал ми е да го фрлам. Сакаш да ти го дадам?

- Девојче (дечко) – довикува непознат човек од автомобил – како да дојдам до таа и таа улица? Вртам овде два часа и сите ми покажуваат дека е натаму. Одам таму, ми кажуваат друг правец. Како да си играат мајтап. Може да влезеш и да ми покажеш, те молам! Ќе ти дадам 1000 денари и ќе те вратам назад. Не плаши се, влези...

А, еве еден потенцијален пример со кој киднаперите се служат:

-Момче, како се викаш? – му се обраќа непознат човек од автомобил.

-Јас? Марко. Зошто?

- Конечно те најдов! Лутам неколку часа. Комшиите ме замолија итно да те најдам и да те однесам во болница. На мајка ти не ѝ е добро. Влези, ќе одиме кај неа.

-Тато веќе е во болница? – детето може да постави разни прашања кои би требало да ја прецизираат ситуацијата, но тоа не го прави од недоверба, туку механички.

-Марко, не знам. Не ги познавам твоите. Јас сум пријател на вашите комшии од петти кат. Чичко Петар и тетка Марија, сигурно ги познаваш. Тие ме испратија мене и други луѓе да помогнат. Те бараме низ цело маало. Нема многу време, влези, ќе ти објаснам по пат.

Ефикасноста на последнава техника се заснова на основните својства на човечката психологија – во стресни ситуации човекот не може правилно да ја оцени ситуацијата и не е способен да размислува логично. Киднаперите може да смислат многу варијанти на овие разговори, но во основа секогаш се работи за маче, куче, сладолед, брзи пари или „ги познавам твоите родители“. Наведете му ги сите овие примери на детето, детално објаснете му дека нема причина да наседнува на провокацијата.

Како треба да се однесува детето?

Во ситуациите кога киднаперот ќе му пријде на детето, тоа веднаш треба да се тргне и да се оддалечи од лицето и да отиде таму каде што има луѓе.

Само преку детален разговор со вашето дете, го намалувате ризикот за неколку десетици пати детето да биде грабнато и да ги сноси последиците. Имајте предвид една работа, во случај на деца до 3 години, во принцип е подобро да се исклучи секаква веројатност за средба еден на еден со непознато лице. На оваа возраст кај децата се формира основна доверба во луѓето, а опозицијата „добро-лошо“ сè уште не постои. Кај деца на возраст од 3 до 5 години може врз основа на бајки да им се каже дека е опасно да разговараат со непознати. Типичен пример е приказната за „Волкот и седумте јариња“.

Од 5-тата година децата веќе може да разграничат круг на познаници и семејни пријатели. Познаници се колеги од работа на мама и тато, соседи. За детето тие треба да се исто што и непознати - со нив не се оди никаде. За на детето да му биде појасно, наведете му конкретни луѓе со кои тоа може да оди каде било. Тоа се баби, дедовци, тетки, вујковци, стриковци и останати блиски роднини.

Исто така, корисно е да му објасните на детето дека во светот постојат разни луѓе – и добри и лоши. А, понекогаш на прв поглед не е јасно каков е човекот пред вас. Наведете му пример на ликови од бајките.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер