Автомобилизам

Со БМВ „исчистил“ сѐ пред себе, полицаец едвај останал жив (ВИДЕО)

Да се каже дека полицаецот имал среќа, е потценување.

Кога велиме дека работата на полицаец е крајно опасна, не кажуваме ништо ново, но ако го погледнете ова видео работите ќе ви станат јасни. Просто е неверојатно што полицаецот излегол од оваа несреќа без сериозни повреди, спасувајќи ја главата со брза реакција, но и од чиста среќа.

Надзорното видео од полициско возило ја покажува стандардната полициска работа на рутинско застанување со автомобил на автопатот Ферфакс, Вирџинија. Полицаецот разговара со возачот на BMW Серија 7 кој стои на совозачката страна и не знае дека неколку секунди подоцна кон него неконтролирано ќе влета BMW M3. Спортското BMW влезе во свиокот со несоодветна брзина, што резултира со губење на контролата и силно лизгање во спротивната лента. Иако поминало другото БМВ, М3 удрил во 7-ката на страна, поминал покрај полицаецот и застанал на другата страна.

Среќата во несреќата е што при разговорот со возачот на серијата 7, полицаецот веројатно слушнал шкрипење на гумите и го подигнал погледот за да го види М3, кој со голема брзина му се приближувал. Некои проценуваат дека се движел со брзина од речиси 200 km/h. Сè што можеше да направи полицаецот е да трча наназад и да се обиде да го избегне нападот на возилата. А во тоа успеа само со ситни гребнатинки.

Возачот на серијата 7 завршил со полесни повреди, а со полесни повреди се здобиле и останатите учесници во несреќата, 17-годишниот возач на БМВ М3 и сопатниците во автомобилот.

„Ослободени сме што оваа несреќа не резултираше со трагедија. Ова е важен потсетник дека животот може да се промени за миг. Одговорност на возачот е безбедно да вози и безбедно да пристигне“, соопшти локалната полиција. А за да не се повтори, 17-годишникот добил пријава за несовесно возење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Алексеј Покушевски се сели во Русија

Репрезенативецот на Србија, Алексеј Покушевски има нов клуб.

24 годишниот Алексеј Покушевски е нов кошаркар на Локомотив Кубан, соопшти клубот.

Србинот се раздели со Партизан и му се приклучи на тимот на Локомотив Кубан предводен од Томислав Томовиќ, поранешен стратег на Звезда и помошник-тренер во националниот тим на Србија.

На 14-годишна возраст, како еден од најголемите европски таленти на своја возраст Покушевски се пресели во системот на атински Олимпијакос.

На само 17 години, популарниот Поко дебитираше во Евролигата и влезе во историјата на грчкиот гигант како најмлад играч што зачекорил на теренот во оваа елитна европска конкуренција.

Неговиот потенцијал беше забележан и од НБА-скаутите, па во 2020 година беше избран како 17-ти пик на драфтот.

Во најсилната лига во светот, тој мина четири сезони играјќи за Оклахома Сити Тандер и Шарлот Хорнетс. Во европската кошарка се врати во 2024 година, кога го облече дресот на белградски Партизан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова фитнес зона во ООУ „Мирче Ацев“ во Општина Ѓорче Петров

Општина Ѓорче Петров продолжува со континуирани инвестиции во спортската инфраструктура, создавајќи современи услови за спорт, рекреација и здрав развој на децата и младите.

Во ООУ „Мирче Ацев“ е изградена нова современа фитнес зона, како дел од проектот што се реализира со поддршка на Министерството за транспорт и врски.

Новата фитнес зона е една од вкупно трите фитнес зони што се реализираат во рамки на проектот, со што дополнително се унапредува и збогатува спортската инфраструктура на територијата на Општина Ѓорче Петров.

Со поставувањето на современите фитнес реквизити, учениците и младите добиваат функционален простор за физичка активност, вежбање и рекреација, кој ќе биде од корист и за останатите жители на општината.

-Во изминатиот период инвестиравме во нови и реконструирани спортски терени, фитнес и калистеника зони, како и во унапредување на училишната спортска инфраструктура. Нашата цел е спортот да биде достапен за сите, а особено за нашите деца и млади. Оваа инвестиција е уште еден чекор во тој континуитет. Благодарност до Министерството за транспорт и врски за поддршката во реализацијата на проектот - истакна градоначалникот на Општина Ѓорче Петров, Александар Стојкоски.

Од Општина Ѓорче Петров најавуваат дека инвестициите во спортот продолжуваат и во наредниот период, со реализација на нови проекти во училиштата, населбите и постојните спортско-рекреативни комплекси.

Инвестицијата во спортот е инвестиција во здрави генерации, активни млади и силна заедница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Овој викенд- бесплатно кино на отворено во Драчево

Општина Кисела Вода, во соработка со Кинотека на Македонија, овој викенд организира бесплатни филмски проекции на отворено во Амфитеатарот на Домот на културата во Драчево.

На програмата се две познати македонски остварувања во режија на Дарко Митревски:

На 08.08.2026 (сабота), од 20 часот, ќе се прикажува филмот „Бал-Кан-Кан“. Публиката ќе има можност да ја погледне оваа комедија со актерските остварувања на Раде Шербеџија, Ерол Кадиќ и Салаетин Билал.

На 09.08.2026 (недела), од 20 часот, на репертоарот е „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и Раде Шербеџија.

Влезот за двете проекции е слободен.

Ги покануваме сите љубители на филмот да ни се придружат со своите семејства и пријатели на оваа викенд-дружба посветена на македонската кинематографија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Да се ​​каже дека полицаецот имал среќа, е потценување.

Репрезенативецот на Србија, Алексеј Покушевски има нов клуб.

Да се каже дека полицаецот имал среќа, е потценување.