Според Елад Пас, болничар од израелската служба за итни случаи Маген Давид Адом (MDA), починатиот маж им подлегнал на повредите на местото на настанот од „тешка убодна рана“,објави CNN. Меѓу повредените, една жена е во сериозна состојба, додека маж и тинејџер претрпеле полесни повреди.

Израелските одбранбени сили (IDF) објавија дека војниците на местото на нападот „елиминирале“ двајца „терористи“. „Неколку експлозивни материјали“ се пронајдени во автомобилот што го користеле напаѓачите, а експерти од израелската гранична полиција работат на нивна неутрализација, се додава во соопштението.

Реакции на нападот

Палестинската милитантна група Исламски џихад го поздрави нападот, опишувајќи го како „одговор на злосторствата извршени од доселеничките банди и окупаторската армија против нашиот народ“. Групата не ја презеде одговорноста, но изјави дека нападот ја потврдува „решителноста на нашиот народ да се спротивстави на политиките на угнетување и злоупотреба со сите расположиви средства“.

Израелскиот опозициски лидер Јаир Лапид го осуди нападот како „тежок“ и истакна дека тој „го одзел животот на млад израелски граѓанин“. „Им ја нудам мојата поддршка на Израелските одбранбени сили (ИДФ) и безбедносните сили во нивните напори за воспоставување безбедност и искоренување на тероризмот. Изразувам искрено сочувство до семејството на убиената жртва и им посакувам брзо закрепнување на повредените“, рече Лапид.

Зголемување на насилството на Западниот Брег

Нападите со ножеви и удирањето со возила на контролни пунктови и сообраќајни јазли во Израел, Ерусалим и Западниот Брег не се невообичаени, а овој инцидент се случува во време на зголемено насилство во областа.

Извештајот на Обединетите нации објавен претходно овој месец покажа дека израелските доселеници извршиле најмалку 264 напади во октомври, што е најголем број откако ОН почна да ги следи ваквите инциденти во 2006 година.

Во последните недели се пријавени неколку инциденти. Палестинците и активистите беа нападнати за време на мирна берба на маслинки, а минатата недела беше запалена џамија со графити. Во понеделник, десетици израелски доселеници запалија палестински возила и домови во едно село откако израелските сили срушија нелегално изградени објекти во блиската населба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.