Култура

Со „Архелаос“ од Плевнеш ќе започне фестивалот „Војдан Чернодрински“

Претседателот на собранието и уметнички директор Петар Темелковски денеска на прес - конференција ја соопшти програмата на годинашниов 48 по ред Македонски театарски фестивал „Војдан Чернодрински“ кој ќе се одржи од 7 до 14 јуни во Прилеп.

На 7. јуни Фестивалот ќе го отвори претставата на Драмски театар од Скопје „Архелаос“ од Јордан Плевнеш во режија на Слободан Унковски.

Во конкуренцијата за награди се 13 претстави на македонските театри. Во конкуренцијата за награди се: „Женидба“ од Гогољ во режија на Дејан Пројковски, а во изведба на Театар Комедија од Скопје, „Ноќите во бел сатен“ од Братислав Димитров во режија на Ненад Витанов а во изведба на театарот од велес „Јордан Хаџи Константинов Џинот“, „Шекспир во приказни“ на Драмат, Викторија Ангелова во режија и кореографија на Кренаре Невзати, а ќе ја изведе Турски театар од Скопје, „Змејовата невеста“ од Молеров во режија на Нела Витошевиќ, а во изведба на прилепскиот театар „Војдан Чернодрински“, „Травничка хроника“ од Иво Андриќ во режија на Бранко брезовац во изведба на Народен театар Битола, „Прст“ од Дорутина Баша во режија на Агон Мифтари во изведба на Албански театар Скопје, „Малограѓанска свадба“ од Брехт во режија на Дејан Пројковски а во продукција на Театар „Глигор Прличев“ од Охрид, „Гнида“ од Иво Брешан во режија на Сулејман Рушити, а во изведба на Тетовскиот театар, „Парови“ од Миро Гавран во режија на Љупчо Ѓорѓиевски а во продукција на театарот „Ацо Шопов“ од Штип, „Не чукај блиску до срцето“ од Митко Бојаџиски во режија на Синиша Евтимов, во изведба на театарот „Антон Панов“ од Струмица и претставата „Духот на слободата“ од Горан Стефановски во режија на Лука Кортини а вои изведба на театарот „Трајко Прокопиев“ од Куманово.

Годинашниов Фестивал донесува богата програма во официјалната конкуренција и во придружниот дел, теми за состојбите во театарот, промоции, изложби. Ги стимулира младите актери, па наместо една овој пат ќе се доделат две награди за најдобар млад актер – за машка и женска улога.

Оваа година единствена е и наградата за животно дело, а ќе ја понесе режисерот Љубиша Георгиевски.

Македонскиот театарски фестивал „Војдан Чернодрински“ на 14. јуни ќе ги додели наградите за најдобрите остварувања, а претставата во чест на наградените и која ќе го затвори фестивалот е „Декамерон“ во режија на Боњо Лунгов, во изведба на ансамблот на Театарот за деца и младинци од Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кој ќе биде следниот Џејмс Бонд- конкуренцијата е силна, се тркаат познати актери

Додека гласините за актер кој ќе биде избран за новиот Џејмс Бонд се загреваат, уште неколку ѕвезди од А-листата се вклучија во борбата: Роберт Патинсон и Николас Холт се меѓу оние кои се тестираа за улогата на новиот таен агент 007.

И двајцата британски актери сигурно имаат актерско педигре за да го играат учтивиот шпион и да ја преземат улогата по 15-годишниот престој на Даниел Крег, објави Варајети.

Тие се исто така добро свесни што е потребно за да се работи во голема франшиза: Патинсон го игра Бетмен за DC Studios и веќе беше дел од франшизите „Самрак“ и „Хари Потер“; Холт, во меѓувреме, го игра Лекс Лутор во филмовите за Супермен на DC и глумеше во трилогијата за приквелот на X-Men од 2010 година. Тој потоа глуми во филмот „Како да ограбиш банка“ на „Амазон МГМ Студиос“, кој ќе се појави во кината на 13 ноември. Патинсон го има и режисерот Денис Вилнев на своја страна, бидејќи глуми во неговиот претстоен епски филм „Дина: Дел 3“.

Минатата година, „Амазон МГМ“ го потпиша Вилнев како следен режисер на франшизата, додека креаторот на „Пики Блајндерс“, Стивен Најт, беше ангажиран да го напише сценариото. Започнувањето на „Бонд 26“ е врвен приоритет за новите шефови на франшизата, продуцентите Ејми Паскал и Дејвид Хејман.

Оттогаш, британскиот и американскиот печат зујат за името на речиси секој британски актер во триесеттите години, а се шпекулира дека Калум Тарнер, Џош О'Конор и Џек Лоуден се меѓу фаворитите. „Варајати“ дознава дека Хари Стајлс е исто така во преговори за да ја игра улогата, а Тео Џејмс, 41, сè уште не е исклучен од трката.

Пирс Броснан, кој го играше Бонд во 1990-тите, неодамна јавно го поддржа Тарнер, додека Гари Олдман го поддржа Лоуден, неговиот колега од „Бавни коњи“. (Олдман исто така рече дека следниот Џејмс Бонд веќе е избран, но официјалното соопштение за изборот сè уште не е објавено.)

Амазон одби да коментира за гласините.

Европа

Масакр во Краков: Деветмина загинати, три тела се пронајдени во куќата на напаѓачот, Полска прогласи дводневна жалост

По вчерашниот масакр во центарот на Краков, Полска, во кој беа убиени шест лица, а уште тројца беа пронајдени мртви во домот на напаѓачот, доаѓаат нови информации за повредените.

Меѓу жртвите се и возачите на кочии кои секојдневно превезуваат туристи на главниот градски плоштад. Двајца од нив се борат за живот, а неколку други се тешко повредени, објави нивното здружение, објавува „Полски Онет“.

Во пукотницата се повредени 15 лица, меѓу кои и двајца полицајци. Регионалниот гувернер Кшиштоф Јан Клечар изјави дека 12 лица се тешко повредени. Меѓу жртвите има и странски државјани.

Осомничениот бил совладан и префрлен во болница во Краков, каде што бил опериран поради повреди опасни по живот.

Според полициските информации, тој користел полуавтоматска пушка слична на АР-15. Со себе имал и пиштол, а во автомобилот е пронајдено дополнително оружје и муниција.

Полското Министерство за одбрана ги отфрли шпекулациите дека напаѓачот бил активен или поранешен член на армијата.

Потврдени се тројца пронајдени мртви во домот на напаѓачот

Полиш Факт објави дека обвинителот Томаш Вашчук, портпарол на Канцеларијата на окружниот обвинител во Краков, потврдил дека тројцата пронајдени мртви во домот на напаѓачот се неговите родители и сестра.

Нивните тела се пронајдени во Островјец Свјетокржиски, каде што живеел 24-годишниот напаѓач, Михал О.

🇵🇱 ❗️@PolskaPolicja weszła do mieszkania zamachowca. Materiał z działań funkcjonariuszy pojawił się na profilu FB Radia Ostrowiec. https://t.co/QpfMPmUH2m
— WarNewsPL (@WarNewsPL1) November 7, 2026

Поради стравувања дека можеби биле поставени експлозивни направи во зградата, полицијата прво употребила дрон за да ја провери зградата. Тие ги откриле телата на две жени и еден маж.

Околностите на нивната смрт сè уште се истражуваат.

Се истражува можен екстремистички мотив

Мотивот за масакрот сè уште е непознат. Министерот Киервински рече дека првичните наоди укажуваат дека напаѓачот имал „многу радикални ставови“. Исто така, постојат индикации дека бил фасциниран од крајно десничарските идеологии, но истражителите сè уште не утврдиле дали тие се поврзани со нападот.

Полицијата во моментов верува дека дејствувал сам и ги отфрли извештаите за можен соучесник.

Да ве потсетиме дека напаѓачот вчера влегол со автомобил на главниот плоштад во Краков малку по 15 часот и почнал да пука кон минувачите. Убиени се четири жени и двајца мажи. Меѓу загинатите е и еден британски државјанин.

Полскиот претседател Карол Навроцки прогласи дводневна национална жалост, која ќе трае денес и утре, додека жалоста во Краков ќе трае до среда.

Полициската истрага и собирањето докази продолжуваат, а истражителите ги повикуваат сведоците да се јават и да помогнат во расветлувањето на околностите на нападот.

Туск ги објави имињата на ранетите полицајци: „Тие се вистински херои“

Полскиот премиер Доналд Туск ги објави имињата на двајцата полицајци кои го запреа напаѓачот во Краков, каде што во пукањето беа убиени шест лица.

„Искусните полицајци Јакуб Кулик и Артур Морањски се вистински херои. Веројатно спасија животи на многу луѓе, без оглед на опасноста да ги изгубат своите. Нивната состојба е сериозна, но имаат многу добра медицинска нега. Цела Полска навива за вас“, рече Туск.

Еден од полицајците добил три прострелни рани и се бори за живот, додека другиот е исто така ранет.

Министерот за правда Валдемар Журек изјави дека полицајците го запреле напаѓачот со своите тела и спречиле уште поголема трагедија.

Полска официјално прогласи дводневна национална жалост

Полскиот претседател Карол Навроцки потпиша указ со кој прогласува национална жалост за масакрот во Краков.

Според соопштението за медиумите на портпаролот на претседателот Рафал Лешкевич, жалоста ќе трае на 8 и 9 ноември.

Македонија

Нема парно греење во Кисела вода- реагираат револтирани жители

Во нашата редакција се обрати Скендер Мехмет од Кисела вода, кој во име на станарите тврди дека во два влеза од нивната зграда нема парно греење.

Писмото ви го пренесуваме во целост:

„Ви се обраќаме како очајни, револтирани и крајно разочарани граѓани, кои повеќе од 24 часа се оставени без парно греење, без конкретно објаснување и без никаква информација кога проблемот ќе биде решен.

Од вчера, 07.11.2026 година, пред 09:00 часот, становите со броеви 17, 18, 19, 20 и 21 во влез 1 и истите станови во влез 2, на ул. Локов бр. 5 во Скопје, Кисела Вода, немаат парно греење.

Во зградата живеат мали деца, повозрасни и болни лица, семејства кои се принудени да престојуваат во студени станови. Дел од нас веќе се разболени, а ситуацијата станува сè понеподнослива.

ДАЛИ ВО 2026 ГОДИНА Е НОРМАЛНО СЕМЕЈСТВА ДА БИДАТ ОСТАВЕНИ БЕЗ ГРЕЕЊЕ СРЕДЕ ГРЕЈНА СЕЗОНА?!

Од вчера досега, станарите имаат направено повеќе од 20 телефонски пријави. На секоја пријава го добиваме истиот одговор:

„Ќе биде постапено во најбрз можен рок.“

Поминаа повеќе од 24 часа, а тој „најбрз можен рок“ очигледно нема крај!

Никој не ни кажува што е проблемот, дали воопшто некој работи на негово решавање и уште колку време треба да поминеме во студени домови.

Се чувствуваме целосно игнорирани и оставени сами на себе!

Токму затоа, во овој мејл ги вклучуваме и медиумите.

ПОЧИТУВАНИ ПРЕТСТАВНИЦИ НА МЕДИУМИТЕ, ВЕ МОЛИМЕ ЗА ПОМОШ!

Ве замолуваме да ја објавите нашата ситуација, да побарате одговори од надлежните и да ни помогнете нашиот глас конечно да биде слушнат.

Не бараме ништо повеќе од основни услови за нормален живот. Не бараме привилегии. Бараме греење во сопствените домови, услуга за која редовно плаќаме!

Жално е што сме доведени во ситуација да молиме медиуми за помош за нешто што треба да биде најнормална обврска на надлежните служби.

До надлежните: Колку пријави се потребни за конечно да реагирате? Колку часа треба да поминат? Дали треба нечија здравствена состојба сериозно да се влоши за да ја сфатите ситуацијата сериозно?

Бараме ИТНО воспоставување на греењето, јавно објаснување за прекинот и конкретен одговор кога проблемот ќе биде решен.

Апелираме до медиумите да не го игнорираат овој повик. Очајни сме, изморени од празни ветувања и немаме намера повеќе да молчиме!“

Загрижени станари од ул. Локов бр. 5, Скопје

Влез 1 и влез 2

Скендер Мехмет