Живот

Со 142 пати дарување крв тетовецот Разија Саловски се вбројува во крводарителите рекордери

Прво, за да биде човек хуман, треба да биде крводарител, а за да биде крводарител треба да биде здрав!

Вака тетовецот Разија Саловски, пензионер, хуманист, поранешен крим техничар, а сега билкар, кој речиси половина век дарува крв и досега тоа го сторил 142 пати, раскажува за крводарителството, скапоцениот лек кој живот значи... Со овој скромен човек, кому природата му е прибежиште, се сретнавме далеку над белите облаци од маглата и загадувањето, на рид, близу Шар планина, која тој ја опишува како приказ на рајот. Тука се сретнавме, за, како што ни рече, да не избави од пеколниот градски хаос.

За стресот избегнувајте лудаци, тоа е првата работа, избегнувајте гужви, а кога имате време избегнувајте ги и градовите, како Скопје, Тетово. Дојдете горе, горе планината е полна со стрес, кој не се шири.Кога одиме ние ѝ го оставаме, а се враќаме назад весели и здрави.

Вели, првпат дарувал крв како средношколец во далечната 1976 година, но не за да биде ослободен од часови, туку го фасцинирало предавањето на професорите за тоа како со дарувањето крв се активира коскената срж која почнува засилено да произведува бели крвни зрнца, а тоа е војската што го чува организмот.

-Се пријавивме неколку души од нашите класови, немаше никаква опасност. По шест месеци се јавив во центарот во Дебар, бидејќи повторно сакав да дарувам, па ни кажаа дека на три месеци можеме слободно тоа да го правиме. Така тоа започна,-Разија Саловски.

Со смиреност во гласот, кој на моменти е како шепот, ни раскажа и оти никогаш не знаел за кого ја дарувал својата крв, а и не сакал да знае. Секогаш кога ќе му јавеле дека е потребна крв 0 негатив, итал кон болница.

-Никогаш не сум сакал да знам каде оти мојата крв, за кого.Секогаш, апсолутно секогаш сум прифаќал. Се случуваше, пак, и од Транфузиологија да ме одбијат кога ќе отидам сам, бидејќи сум нулта негатив, која е една од најретките крвни групи. Па ме чуваа, за да дојдам кога нема да можат да најдат.--Разија Саловски.

Она што дополнително го поттикнало да остане крводарител, било неговата професија. Како крим техничар ни кажа дека посведочил на мрачни сцени, како убиства и незгоди, па, да се помогне кога сè може, му станало мото, оти многу пати видел како животот исчезнува за миг поради недостаток на крв.

Секој што еднаш ќе дарува, ќе остане крводарител, така мисли чичко Разија кој при нашата средба не ни спомена буквално ништо за признанијата што ги има за неговата хуманост... туку, со срамежлив поглед и насмевка на лицето, кога се разделивме ни посака многу здравје, ама не не остави да си заминеме додека не му ветиме оти еден ден ќе дојдеме на Шара на по еден чај, а и по една ракија со мед, негов специјалитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Авион се урна и се запали на автопат во Германија, нема преживеани

Според најновите информации, две лица загинаа во падот на мал авион во Германија, кој се урна на автопатот А2 помеѓу Бург и Кринберг, на североистокот од земјата, соопшти полицијата.

„Авионот се запали за време на падот. Според сегашните информации, спасувачите пронајдоа две мртви лица во авионот“, изјави за „Билд“ портпаролот на локалната полиција Стефан Бродтрук.

Причината и околностите на несреќата, која се случи непосредно пред 15 часот во покраината Саксонија-Анхалт, сè уште се истражуваат.

At least two dead as plane crashes onto German motorway and bursts into flames https://t.co/8KIzzR6Obu https://t.co/wTuAn8D6gK
— Mirror Breaking News (@MirrorBreaking_) November 6, 2026

Полициската и спасувачката операција траеја неколку часа, а автопатот кон Хановер беше затворен во тој период.

Според порталот „Флајтрадар“, авионот што се урна бил двосед регистриран на воздухопловниот спортски клуб во Кроп, и полетал од нивниот аеродром во Шлезвиг во 12:33 часот, објави Мирор.

Тагови: авион автопат

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Филипче шири паника за домино ефект во банкарскиот систем

Миле Лефков, пратеник на ВМРО-ДПМНЕ, во емисијата „Само вистина“ на Канал 5 телевизија, ја коментираше темата за Алта банка и случувањата во земјава.

Миле Лефков, пратеник на ВМРО-ДПМНЕ, во емисијата „Само вистина“ на Канал 5 телевизија, ја коментираше темата за Алта банка и случувањата во земјава, за што кажа дека Народната банка веќе најавила сет мерки и како независно регулаторно тело работи да го заштити интересот на граѓаните, додека како што вели, лидерот на СДС повторно се обидува да создаде паника од случување на домино ефект.

„Народната банка претставува една посебна независно регулаторно тело коешто практично е независно и така треба да биде третирано. Банкарскиот сектор исто така спаѓа во она што се нарекува стратешки сектор, економски сектор во државата и кога се пристапува во вакви кризи, треба да се пристапува многу внимателно, имајќи на ум неколку принципи, а тоа е заштита на депозитот и заштедата на граѓаните, меѓутоа и заштита на самиот банкарски сектор. Гледаме дека Народната банка како регулатор, настапува во моментот во насока на заштита на депозитите на граѓаните. Видовме мерки на прес-конференцијата денес во три насоки, зголемување нели на обемот, на местата за пристапност за подигање на готовина“, рече Лефков.

Лефков го посочи и односот на опозицијата и прес-конференциите на лидерот на СДС, каде тој се обидува да создаде паника и како што вели бомбастично најавува некој домино ефект, односно ефект на други банки, за што кажа дека не е точно.

„Апелирам дека политиката и прстите на политиката треба да бидат особено внимателни кога станува збор за банкарскиот сектор и не треба на овој начин да се обидуваат да креираат хистерија. Важно е институциите да го дадат својот одговор, а ние како Собрание на Комисијата за финансирање и буџет да се разгледаат сите оние аспекти во коишто институциите требало да постапат не постапиле или како постапувале“, истакна Лефков и додаде:

„Во дадениот момент се заштитуваат депозитите на граѓаните и се работи активно на мерки и начини за подигање на платите, социјалните придонеси, другите плаќање. Се настојува да се преброди ова и да не се создаде она што Венко го најави како домино ефект во другите банки. Важно е банкарскиот систем да биде стабилен и многу е важно неодговорни политичари да не постапуваат неодговорно, обидувајќи се да добијат некој политички поен“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Организиран е превоз за клиентите на „АЛТА банка“ од Прилеп, Охрид и Ресен до Битола

Народната банка ги известува граѓаните од Прилеп, Охрид и Ресен, кои имаат платежна сметка во „АЛТА банка“ АД Битола, а не располагаат со платежна картичка, дека утре, сабота, 7 ноември, ќе биде организиран превоз .

Народната банка ги известува граѓаните од Прилеп, Охрид и Ресен, кои имаат платежна сметка во „АЛТА банка“ АД Битола, а не располагаат со платежна картичка, дека утре, сабота, 7 ноември, ќе биде организиран превоз од овие градови до филијалата на Банката во Битола и назад. На овој начин ќе им се овозможи полесно да пристапат до средствата на своите сметки и да подигнат готовина.

Враќањето до местото на живеење ќе биде откако сите клиенти на банката ќе си ги подигнат своите средства.

Распоредот и местата на поаѓање се следниве:

Прилеп: Плоштад „Методија Антонов-Ченто“ (пред „Реклами“), во 10 часот;

Охрид: градската автобуска станица, во 11 часот;

Ресен: кај маркетот „Кипер“, во 12 часот.

Народната банка потсетува дека од понеделник, 9 ноември, ќе бидат отворени и шалтерите во Тетово и Струмица, каде што граѓаните кои немаат платежни картички ќе можат да подигнат до 20.000 денари, соопштуваат од НБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.