Автомобилизам

Смарт е првиот автомобилски бренд целосно на електричен погон

Производителот на автомобили Дајмлер најави дека неговиот градски автомобил Смарт со новиот модел целосно ќе прејде на електричен погон.

Со тоа Смарт стана прв автомобилски бренд што ќе се произведува исклучиво во електрична верзија.

На Саемот за автомобили во Франкфурт, што се одржува од 11 до 21 септември, градскиот минијатурен автомобил ќе се појави со подобрен дизајн и намален опсег на мотори.

Ова е затоа што Smart Fortwo што постои во купе и кабриолет и Forfour ќе доаѓа исклучиво со електричен мотор од 80 КС, батерии 17,6kWh и опсег од 159км.

Старите мотори со согорување ќе завршат во музејот, објавува производителот.

Новата генерација на два мали модели ќе биде различна од постарите во однос на променетиот распоред на предните фарови и новата решетка на ладилникот.

Внатрешноста ќе биде модернизирана со нов инфозабавен систем со безжична интеграција со паметен телефон и повеќе простор за багаж.

Дајмлер не објави кога новите модели на Смарт ќе се најдат на пазарот ниту нивната цена.

Регион

Европскиот парламент одобри визна либерализација за Србите од Косово

За безвижен режим за патување во ЕУ гласаа 406 од 597 европратеници.

Европскиот парламент денеска изгласа либерализација на визите за имателите на српски пасоши од Косово, кои ги издава Координативната администрација на Србија, на предлог на европратеникот и известувач за укинување на тие визи, Матјаж Немец.

За безвижен режим за патување во ЕУ гласаа 406 од 597 европратеници - до 90 дена за имателите на пасоши издадени од Координативната управа на Србија, 97 беа против, а 94 беа воздржани.

Германецот, обраќајќи им се на членовите на ЕП пред гласањето, рече дека тоа е важно гласање и одлука која ќе го подобри животот на 18.000 српски државјани на Косово, кои се носители на специјални пасоши. /МИА

Регион

Вучиќ: Со кампањата во Македонија, Курти ја поткопува регионалната стабилност

Предизборната кампања во Македонија најде место и на седницата на Советот за безбедност на Обединетите нации, каде синоќа се расправаше за извештајот за работата на УМНИК на Косово.

Српскиот претседател Вучиќ во своето обраќање рече дека косовскиот премиер Курти се мешал во внатрешните работи на Македонија и дека бил вклучен во предизборната кампања во земјава. Косовската претсеателка Вјоса Османи, пак, обвини дека Белград со терористички тактики го поткопувал уставниот поредок во Косово.

Свет

Швајцарија замрзна руски имот во вредност од 5,8 милијарди франци

 Швајцарија замрзна руски имот во вредност од 5,8 милијарди швајцарски франци или 5,95 милијарди евра, соопшти денеска Државниот секретаријат за економски прашања на земјата (СЕКО).

Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.

Вредноста на замрзнатите руски средства во Швајцарија е помала отколку на крајот на 2022 година, кога изнесуваше 7,5 милијарди швајцарски франци.

„Вредноста на финансиските средства замрзнати во врска со санкциите против Русија изнесуваше 5,8 милијарди швајцарски франци на 31 декември 2023 година. Ова е за 1,7 милијарди швајцарски франци помалку од бројката пријавена за декември 2022 година. Покрај тоа, сега се блокирани 17 имоти во 7 кантони“ се вели во соопштението на СЕКО. /МИА

притисни ентер