Македонија

Случајот со свлечиштето на градилиште кај католичка под „лупа“ на обвинителството

Најстроги санкции, одземање на лиценци и пријави до надлежните институции .

Ова се дел од мерките што ги презела о.Центар по инцидентот на булеварот „Теодосиј Гологанов“ во близина на Католичката црква, каде при ископ за изградба на зграда се појави свлечиште, што оштети дел од коловозот, тротоарот, канализациската мрежа и уличното осветлување. Ден по инцидентот, местото е обезбедено со предупредувачки ленти.

- Инцидентот се случил вчера при ископ со багер за изградба на зграда. Откако земјиштето под асфалтот пропадбало, багерот бил затрупан, но за среќа лицето кое го управувало успеало да се извлече навреме.

Низа неправилности при изведбата на објектот, покажал извршениот увид од инспекциските служби од о.Центар, МВР, Државниот градежен инспекторат и Секторот за урбанизам, по што градоначалникот Горан Герасимовски најави најстроги законски казни.

-Од страна на градежниот инспектор на Општина Центар ќе биде побарано одземање на лиценците на одговорните лица вклучени во изградбата, а Општина Центар ќе побара и утврдување одговорност од надзорот и изведувачот на објектот поради несоодветно и несовесно постапување, согласно законските прописи. За случајот ќе следуваат и соодветни пријави и постапки пред сите надлежни институции - велат од О.Центар и додаваат дека за слуачјот го информирале и ЈО кое ќе проверува дали има кривично дело.

На терен излегоа и професори од Градежниот факултет за да изготват стручна експертиза за состојбата и можните ризици. Деканот Јосиф Јосифовски предупреди дека постои опасност и за околните објекти и оцени дека случајот е краен сигнал за воведување построги стандарди и процедури во градежништвото.

-Постојат јасни правила и стандарди, но сепак и покрај тоа ни се случуваат вакви случки како неодамнешната, тоа е повторно затрупување на градежната јама што е краен сигнал дека мора нешто сериозно да се преземе. Неопходно е да се пропишат нови процедури и стандарди кои ќе обезбедат од појавување во иднина на слични настани. За среќа немаме човечки жртви овопат, но имаме опасност од проширување на тоа слекување и на соседните објекти,- Јосиф Јосифовски – декан на Градежен факултет .

Овој случај доаѓа неполн месец по сличниот инцидент во скопска Кисела Вода, каде при ископ за темел на зграда загина едно лице, а тројца беа повредени. За случајот истрага отвори ОЈО од каде велат дека се уште се работи на утврдување на фактиктите и околности и утврдување дали за случајот ќе има кривична одговорност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Предлог законот за соодветна и правична застапеност на седница на Собранието

Жестоки реплики и контра реплики на расправата за предлог законот за правична застапеност во Собранието.

Опозицијата бара се повлече законското решение, власта и реплицира да не прават политички фолклор. Игор Манасиевски ја следи седницата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Опожарени две дипломатски возила пред бугарската амбасада во Скопје

Делумно опожарени две дипломатски возила во сопственост на бугарската амбасада во Скопје.

Случајот бил пријавен и до МВР од каде велат дека полициски екипи го документирале настанот и работат на негово расчистување. Неофицијално се трага по непознатиот сторител, кој избегал од местото на настанот.

- Непознат сторител го полеал едното возило со запалива течност и го запалил. Меѓутоа од првото возило било зафатено и возилото кое било паркирано во непосредна близина на опожареното. И двете возила се со дипломатски регистарски таблички.

Опожарените возила за кратко време биле изгаснати од страна на скoпската против-пожарна бригада.

Настанот најсостро го осудија и од Влдата и од македонското МНР и го оценија како вандалскиот и недозволив чин.

- Ваквите постапки претставуваат напад врз принципите на безбедноста, дипломатските односи и меѓународното право и не смеат да имаат место во демократска држава. Како Влада сакаме да испратиме јасна порака дека секој обид за предизвикување тензии, ширење омраза или нарушување на безбедноста ќе биде максимално санкциониран. Нема да дозволиме поединци да ја нарушуваат репутацијата на Македонија, се наведува владиното соопштение.

Рекација и осуда прсистигна и од бугарското МНР. Според нив станувало збор чин на агресија и нов напад врз Бугарија и Бугарите и бараат навремено и праведно расчистување на случајот.

- Овој најнов напад врз Бугарија и Бугарите е резултат на агресивен политички говор, поттикнување омраза и недостаток на соодветен одговор од страна на институциите во претходни слични значајни случаи, што создава чувство на неказнивост за сторителите, наведуваат од бугарското МНР.

Во пожарот нема повредени лица и не се зафатени објекти во близна на бугасрската амбасада во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Безбедносен форум во Скопје - архитекти на стабилноста: безбедносен идентитет на Западен Балкан

Безбедносната криза по нападот на Русија врз Украина придонесе ЕУ да даде нов импулс на проширувањето – Украина ги отвори вратите преку кои Западен Балкан има можност да влезе.

Безбедносната криза по нападот на Русија врз Украина придонесе ЕУ да даде нов импулс на проширувањето – Украина ги отвори вратите преку кои Западен Балкан има можност да влезе, посочи поранешниот советник за надворешна политика и безбедност на претседателот и премиерот на Романија – Јулијан Чифу, на денешниот Скопски Безбедносен форрум.

-Прилично сум сигурен дека директните преговори плус нивото на флексибилност и вклученост на ЕУ можат да и помогнат на Македонија низ ова, под услов Македонија да го исполни својот дел од договорот, видете ја Молдавија на пример или Црна Гора. Прилично сум сигурен дека поддршката од Комисијата ќе ја игра улогата дури и ако станува збор за Бугарија. Да ја видиме новата бугарска влада и нивните пристапи кон регионот и Македонија. - Јулијан Чифу.

Македонската армија е досега најголемиот регионален добитник на средства од Европскиот мировен фонд за зајакнување на нејзините воени капацитети, што е дел од пристапот на ЕУ кон регионот наречен стабилизација преку интеграција, посочија од Европската делегација на форумот.

Преку Мировниот фонд на ЕУ, ЕУ започна директно финансирање на зајакнувањето на воените капацитети. Армиите на Албанија, Босна и Херцеговина, Црна Гора и особено на Македонија имаат корист од таквата помош, за која оваа земја во регионот е главен корисник. Целта беше да се постигнат одредени стандарди и да се постигне подготвеност на армиите за распоредување заедно со земјите-членки во рамките на иницијативите што ги спроведува ЕУ. ЕУ ќе продолжи да соработува и да ги поддржува нашите партнери и сојузници како што е Македонија - сојузник на НАТО денес, а утре земја-членка на ЕУ. - Бен Нупнау, заменик шеф на ЕУ делегација во Македонија.

Македонија ќе остане целосно усогласена со стратешките цели на НАТО и ЕУ во Европа и подалеку а членството во ЕУ за државава значи еден од најсилните гаранции за долгорочна безбедност и стабилност изјави министерот за европски –прашања Беким Сали на Безбедносниот форум во Скопје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.