Случај „Двојник“: Три години затвор за Фарук Буки, изречени и две условни казни

Казната на Буки е најдолгата изречена од судот за овој случај.

Службеникот задолжен за фотографирање во пасошкото одделение на МВР Фарук Буки е осуден на три години затвор, а службеничките Весна Колевска и Бранислава Шпишиќ се осудени условно на една година затвор за случајот „Двојник“ кој се однесува на нелегално издавање на лажни македонски пасоши. Тројцата се осудени за злоупотреба на службената положба и овластувања, а со нивните дејствија, според судијката Оља Ристова ја изневериле довербата на граѓаните во системот.

Казната на Буки е најдолгата изречена од судот за овој случај. Тој е обвинет дека примил 71 барање за издавање на пасоши, иако знаел дека истите се од лица кои не се македонски државјани. Со ова, според судијката Ристова, тој овозможил луѓе со криминално досие да добијат македонски пасоши, а за тоа прибавил материјална корист..

- Судот утврди дека обвинетиот вршел услуиги за фотографирање без закажан термин кои лица ги употребуваат зборовите, ќе частиме нешто, јас ќе му речам господине дај пари се кажуваат различни износи за услуги 50 евра, 1000 денари, во повеќе разговори на Фарук му се нуди Кока Кола, Гиро, хамбурегер. Јавувањата се секој ден минимум пет пати во денот, се јавуваат роднини и пријатели кои бараат услуги, рече Оља Ристова, судија.

Овој судски процес почна со единаесет обвинети, а денешните пресуди беа за единствените кои останаа до крај и се изјаснуваа за невини.

Претходните казни кои беа изречени за обвинетите во случајот се движат од условни до две години и седум месеци, како и забрана за вршење дејност и должност од десет години. За да ги издадат пасошите, според обвинителството, обвинетите употребиле идентитети на македонски државјани што досега не ваделе македонски пасоши, а се иселени од земјава или од раѓање живеат во странство и никогаш не оствариле влез во Македонија.

Истрагата на Обвинителството покажала дека биле издадени пасоши на 214 странски и на еден македонски држвјанин од средината на јуни 2017 година до крајот на 2020 година. Но, дали ќе има проширување на истрагата засега останува непознато, обвинителката Спасенка Андонова вели се работи на случајот, и доколку има нови детали јавноста ќе биде навремено информирана.

Османи се сретна со амбасадорите на Португалија и Белгија, Пиња и Мерис

Министерот Бујар Османи се сретна со амбасадорите на Кралството Белгија, Фредерик Мерис, со седиште во Софија, а во текот на денот имаше средба и со Амбасадорот на Португалската Република, со седиште во Белград, Марија Вирџинија Мендес да Силва Пина.

На средбите беше дискутирано за европската перспектива на Македонија и можностите за нејзино унапредување во периодот што следи, имајќи ги во предвид јунските Самити на ЕУ.

На средбата со Пиња, беа разгледавме досега преземените ангажмани и напори на Македонија и Португалија, како актуелен претседавач со Советот на Европската унија, на планот на европската интеграција на нашата држава. Беше истакнато дека во изминатиот период билатералните односи се градат врз основа на блиски пријателски односи и солидно ниво на меѓусебна соработка во повеќе области.

Во разговорот со амбасадорот Мерис беше нагласено дека во периодот кој следи ја очекуваме и поддршката од Кралството Белгија, како една од земјите основачи на Европската Унија, со цел одржување на Меѓувладината конференција и формално да ги започнеме пристапните преговори за полноправно членство со Унијата. Во врска со билатералните односи, беа оценети како одлични и изградени врз основа на споделени стратешки интереси.

Средбите беа искористени да се разменат мислења и за актуелните регионални и глобални случувања и други видови на соработка, особено на полето на мултилатералата, соопшти МНР.

Џафери во Анталија се сретна со црногорскиот колега, Бечиќ

Претседателот на Собранието Талат Џафери, на маргините на Осмата пленарна сесија на ПС на ПСЈИЕ што се одржува од 21 до 23 јуни 2021 година во Анталија, оствари билатерална средба со  Алекса Бечиќ, претседател на Собранието на Црна Гора.

На средбата Џафери истакна дека земјите во регионот делат заеднички погледи во однос на потребата од зачувување на мирот и стабилноста во регионот, преку градење на добрососедски односи и унапредување на регионалната соработка. Македонија и Црна Гора ги врзува традиционално пријателство како и добри политички, културни и економски врски. Членството во НАТО и заедничката европска иднина на двете држави, дополнително ги зајакнуваат меѓусебните односи. Тој го поздрави напредокот на Црна Гора во процесот на интеграција во Европската Унија и ангажираноста на Владата на Црна Гора посветено да работи на ЕУ агендата. Во однос на интеграцијата на Македонија во ЕУ, тој укажа дека очекуваме отпочнување на пристапни преговори со Унијата. Подвлече дека остануваме посветени на Договорот за пријателство, добрососедство и соработка со Бугарија од 2017 година како добра основа за надминување на разликите. Претседателот Џафери изрази надеж дека во наредниот период ќе се интензивираат контактите и заеднички со рационален пристап ќе се успее да се врати довербата со што ќе се отворат вратите за почеток на пристапниот процес.

Претседателот на Собранието на Црна Гора, Алекса Бечиќ истакна дека односите меѓу двете држави се на високо ниво, со одржување на редовни политички консултации. Во однос на економската соработка изрази надеж дека ќе продолжат да се продлабочуваат регионалните односи како основа за поинтензивна економска соработка и пред се подобро инфраструктурно поврзување меѓу Македонија и Црна Гора.

Соговорниците разменија информации и искуства за процесот на унапредување на парламентарното работење како и подобрување на транспарентноста и одговорноста во двата парламенти со цел подобро спроведување на нивната надзорна и контролна улогата над владите, се наведува во соопштението од Собранието..

УХМР: Попладне нестабилно со пороен дожд и грмежи

Летото на северната хемисфера официјално започна утрово во 5 часот и 32 минути, додека на јужната хемисфера во исто време започна зимата.

Првата недела од летото е со најава за високи температури и до 40 степен.

притисни ентер