Свет

Словачкиот премиер Фицо тврди дека преживеал уште еден обид за атентат

Словачкиот премиер Роберт Фицо, кој беше тешко повреден во обид за атентат на 15 мај, откри дека оттогаш имал уште една блиска средба со смртта.

„Обидите за напад на мојот живот продолжуваат“, рече премиерот, пренесува News.Az повикувајќи се на странски медиуми.

На почетокот на октомври, на јавен настан по повод 80-годишнината од офанзивната операција на Црвената армија во Карпати-Дукла во источна Словачка, каде што бил и Фицо, бил уапсен вооружен маж.

Фицо зборувал за инцидентот во интервју за чешки Стандард, во кое рече дека бил мета поради неговите ставови за војната во Украина, додавајќи дека обезбедувањето открило оружје при рутинска проверка додека човекот се обидувал да влезе на настанот.

Нападот на 15 мај го изврши 71-годишниот писател Јурај Цинтула, кој неколкупати го застрела Фицо во градот Хандлова во западна Словачка. Премиерот беше опериран и се врати на работа во јули.

Како одговор на обидот за атентат, Словачка ги засили безбедносните мерки за владини претставници, политичари и големи медиумски куќи. Напаѓачот е обвинет за обид за убиство, моментално е во притвор и го чека судењето, а обвинителството се залага нападот да се квалификува како терористички акт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторна расправа за Законот за јавни набавки во Собранието

Во Собранието денеска исто така ќе се расправа и за законот за јавните набавки откако претседателката Гордана Сиљановска-Давкова претходно не го потпиша указот за негово прогласување.

Со тоа што пратениците на 10 ноември го усвоија амандманот со кој се смени начинот на именување на претседателот и членовите на Државната комисија за јавни набавки, претседателката оцени дека ваквата измена отвора простор за неограничен број мандати и отвора прашања за владеењето на правото и концентрацијата на моќта во одлучувањето за јавните средства.

Со спорниот член се предвидуваше можност за повторно именување без јасно ограничување на бројот на мандати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од недела задолжителна зимска опрема за сите возила

Од недела, 15 ноември, стапува на сила обврската за задолжително поседување зимска опрема во возилата, вклучително и зимски гуми, која ќе важи до 15 март 2027 година.

Обврската важи за сите моторни возила што учествуваат во јавниот сообраќај, без разлика на временските услови и дали на коловозите има снег или мраз.

Возачите кои нема да ги исполнуваат пропишаните услови ризикуваат да добијат казна од 45 евра а целта на мерката е поголема безбедност во сообраќајот во текот на зимските месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пица вафли

Во петок (06.11.2026) во емисијата гостин ни бeше Стојне Карадакоски - Баба Ружа

Состојки за денешниот рецепт:

120 гр. брашно

100 мл. млеко

1 јајце

2 лажици доматно пире

100 гр. кашкавал

1 прашок за пециво

1 лажиче италјански зачин или оригано

100 - 200 гр. шунка или салама

100 гр. кечап

100 гр. мајонез

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.