Следниот повеќегодишен Буџет на ЕУ, американските царини и Украина меѓу темите на сесија на ЕП - Канал 5

Свет

Следниот повеќегодишен Буџет на ЕУ, американските царини и Украина меѓу темите на сесија на ЕП

Следниот повеќегодишен Буџет на ЕУ, американските царини и Украина меѓу темите на мајската сесија на ЕП

Следниот повеќегодишен Буџет на ЕУ, американските царини и Украина меѓу темите на сесија на ЕП

Повеќегодишната буџетска рамка на ЕУ 2028-2034, одговорот на Унијата на американските царини, случувањата поврзани со Украина, состојбите со емисиите на јаглерод диоксид, снабдувањето со гас и извештаите за Турција, Србија и Косово ќе бидат меѓу главните теми за расправа на овонеделното заседание на Европскиот парламент во Стразбур.

Сесијата ќе започне доцна попладнево со комеморација за неодамна починатиот папа Франциск, по што ќе следата дебати за подготовките на Самитот ЕУ-Велика Британија, како и за годишните извештаи за борбата против финансиски измами и за финансиските активности на Европската инвестициска банка за 2023 година, по кои ќе се гласа утре.

Утре заседанието ќе продолжи со дебата меѓу европратениците со претставници на Европската комисијата и на Советот на ЕУ посветена на одговорот на Унијата на царините и трговските мерки воведени од страна на администрацијата на САД, како и на можностите на блокот за развој на глобалните трговски односи.

По оваа ќе следи дебата за стандардите за емисиите на штетни гасови од страна на новите автомобили и лесни комерцијални возила во пресрет на гласањето за измените на Регулативата на дозволените емисии на јаглерод диоксид на овие возила, кое е предвидено за в четврток.

Во терминот за гласање на денешното заседание на Парламентот, европратениците, меѓу другото, ќе треба да се изјаснат за Инструмент за развој и раст на пограничните региони и за амандманите за европските регулативи согласно измените на меѓународните здравствени прописи.

Попладневното продолжение на заседанието ќе започне со дебата за барањата и приоритетите на европратениците за следната Повеќегодишна буџетска рамка на ЕУ за периодот 2028-2034 година. Од оваа дебата треба да произлезе резолуција по која ќе се гласа в среда.

По ова европратениците ќе расправаат и за „заштитата на правото на Гренланд да одлучува за својата иднина“, за соработката на ЕУ со Куба и за Европска стратегија за отпорност на водата.

За крајот на сесијата во вторник предвидени се дебати по извештаите за Европскиот парламент за Турција, Србија и Косово за 2023 и 2024 година, за чие усвојување европратениците треба да се изјаснат в среда.

Клучната дебата на овонеделната сесија на ЕП насловена „Поддршката од ЕУ за праведен, одржлив и сеопфатен мир во Украина“ е предвидена за в среда претпладне, кога европратениците ќе расправаат со претставници на Европскиот совет и на Еврокомисијата за можностите на Унијата за постигнување мировен договор за Украина.

По дебатата, ќе се одржи пленарна церемонија на одбележување на 80-годишнината од завршувањето на Втората светска војна, на која ќе присуствуваат и воени ветерани.

За попладневното продолжени на сесијата е предвидена тематска дебата за поттикнување и финансирањето на иновациите и за политиката на ЕУ за конкурентност.

По ова европратениците, меѓу другото, ќе расправаат за отпорноста на енергетската инфраструктура на ЕУ по неодамнешниот прекин на електричната енергија на Иберискиот Полуостров, за високите малопродажни цени на храната и нивното влијание врз европските потрошувачи, за снабдувањето со гас пред следната зимска сезона, за враќањето на украинските деца насилно префрлени и депортирани од Русија, како и за состојбата со човековите права во Танзанија и на Тибет.

В четврток заседанието ќе започне со дебатата „80 години по завршувањето на Втората светска војна: Слободата, демократијата и безбедноста како наследство на Европа“, по што ќе следи расправа за комерцијалните практики на внатрешниот пазар на ЕУ.

За крај на овонеделната сесија на Европарламентот е предвидена дебата за мерките на ЕУ за превенција и спречување на ракот, кардиоваскуларни и невролошки заболувања и мали сипаници.

Тагови: ЕП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Адетокумбо: „Ќе доминирам сезонава“

Грчката НБА ѕвезда,  Јанис Адетокумбо не ги крие своите амбиции пред новата сезона во НБА.

Адетокумбо: „Ќе доминирам сезонава“

Адетокумбо ја дочекува новата сезона во НБА со големи амбиции, откако му се приклучи на тимот на Мајами Хит.

Очекувањата од тимот од Флорида дополнително пораснаа, а Јанис јасно стави до знаење дека сака да биде еден од најдобрите играчи во лигата и да се бори за највисоките цели.

Во видео објавено на официјалните канали на НБА, Адетокумбо одговараше на прашања со кратки изјави, а неговите пораки пред почетокот на сезоната беа многу конкретни.

„Оваа сезона ќе доминирам. Сакам да докажам дека сум еден од најдобрите играчи во НБА. Сакам да им порачам на навивачите дека ќе ја вратиме – жештината (heat)“, рече Адетокумбо, алудирајќи на значењето на името на тимот Мајами Хит.

Зборувајќи за европската кошарка, тој истакна дека таа моментално минува низ еден од најдобрите периоди во својата историја. Што се однесува до неговиот пристап кон новата сезона, пораката е јасна – победувањето е приоритет. „Мојата филозофија за новата сезона е победувањето. Кога ќе се укаже можност, ќе доминирам. Мајами, подгответе се за возбудлива сезона“, изјави Адетокумбо.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Бројот на загинати во земјотресот Индонезија се искачи на најмалку 47

Бројот на загинати во земјотресот со јачина од 7,7 степени што ја погоди Индонезија во саботата се искачи на најмалку 47, додека десетици луѓе се повредени, а стотици згради се урнаа, соопштија индонезиските власти.

Бројот на загинати во земјотресот Индонезија се искачи на најмалку 47

Бројот на загинати во земјотресот со јачина од 7,7 степени што ја погоди Индонезија во саботата се искачи на најмалку 47, додека десетици луѓе се повредени, а стотици згради се урнаа, соопштија индонезиските власти, предупредувајќи дека бројот на жртвите би можел да се зголеми.

Според претходните извештаи, бројот на жртви изнесувал 38. Шефот на Националната агенција за управување со катастрофи, Сухарјанто, изјави дека спасувачките екипи извлекле најмалку 47 тела, главно во областите Сика, Мангарај и Источен Мангарај, додека најмалку 50 лица биле пренесени во болници.

Според него, земјотресот целосно уништил најмалку 157 куќи и оштетил уште речиси 200, поради што околу 2.000 жители морале да ги напуштат своите домови и да се преселат во привремени засолништа.

Оштетени се и многу јавни објекти, вклучително 87 образовни установи, 18 здравствени установи, пет верски објекти, шест владини канцеларии и друга јавна инфраструктура.

Земјотресот, како што пренесува АП, го погоди подрачјето на островот Флорес во 5:58 часот наутро по локално време, на длабочина од 10 километри, соопшти Американскиот геолошки институт (USGS).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Владата останува партнер на работниците

Владата останува партнер на работниците и преку заеднички дијалог и договор се создаваат долгорочни и одржливи решенија за раст на платите.

ВМРО-ДПМНЕ: Владата останува партнер на работниците

Преку институционални решенија и колективно договарање, Владата предводена од ВМРО-ДПМНЕ создава услови и долгорочни решенија за зголемување на платите на работниците и го унапредува социјалниот дијалог, а резултати се видливи и мерливи.

Во периодт од две години преку колективни договори со важност до 2028 година се регулираа повеќе од 95 проценти од односите со вработените во јавниот сектор, со што се обезбедуваат стабилност, предвидливост и сигурност за илјадници вработени.

Историски чекор е направен и во администрацијата, така што за првпат по долг период е постигнат договор со синдикатите УПОЗ и САДУ за повисоки плати на административните службеници, кон кој се приклучија и други синдикални организации, со што се создава основа за системско подобрување на статусот и материјалната положба на вработените во администрацијата.

Образованието е еден од сектори каде што има значителен раст на платите, така што од преземањето на обврската Владата да ја предводи ВМРО-ДПМНЕ, платите на просветните работници и на сите вработени во образованието се зголемени за 20 проценти. А, согласно колективниот договор, до крајот на мандатот ќе имаат од 46 до 60 проценти повисоки плати, додека платите на универзитетските професори се зголемени за 14 проценти.

Значително зголемување во здравството се постигна со потпишувањето на анексот на колективниот договор со што се обезбеди повисока плата за сите вработени во македонското здравство така што платите на здравствените работници се зголемени за 4.815 денари нето, додека кај медицинските сестри зголемувањето достигнува 6.200 денари. До крајот на мандатот, согласно договорената динамика, растот на платите треба да достигне до 50 проценти.

Во соработка и дијалог со синдикалните организации за прв пат се постигна колективен договор и во Министерството за земјоделство, шумарство и водостопанство, кој предвидува зголемување на надоместоците и подобрување на работниот статус на вработените, а поголеми плати се обезбедени и за вработените во безбедносните структури, со јасен план за нивно натамошно зголемување.

Овие резултати се потврда дека Владата предводена од ВМРО-ДПМНЕ останува партнер на работниците и дека преку дијалог и договор се создаваат долгорочни и одржливи решенија, затоа што само со задоволни, сигурни и почитувани вработени можеме да градиме просперитетна и сигурна иднина.

Владата продолжува да работи во интерес на граѓаните, со политики што обезбедуваат раст на платите, сигурни работни места, унапредување на работничките права и стабилен економски развој.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер