Добро е што Македонија во континуитет добива поддршка во борбата против корупцијата, но и за евроинтегративниот пат на земјава – вака поранешниот амабсадор во САД Васко Наумовски ја оценува посетата на заменик помошникот државен секретар задолжен за западен Балкан, Александар Касаноф. Според него, САД имаат стратешки интерес да го интегрираат регионот, а како земја која има добри односи и со Скопје, но и со Софија, можат активно да помогнат во деблокада на македонските евроинтеграции.

-Секако дека проблемот и пречката што ние ја имаме во процесот на проширување не е во директна надлежност на САД. Но, тие како земја која има добри билатерални односи и со нас и со Бугарија може да го искористат своето влијание и да го постават процвесот на проширување како врвен приоритет и заштитата на заедничктите интереси на ЕУ и на НАТО наспроти индивидуалните интереси на државите,- - Васко Наумовски – Поранешен амбасадор во САД .

Касаноф по средбата со премиерот Мицкоски порача дека македонската влада е искрено посветена на патот кон ЕУ, а САД ќе останат силен поддржувач во рефомскиот процес за целосна интеграција во Унијата.

-Ја гледаме искреноста, не само во тоа што го говори владата, туку и во тоа што го прави и ова е посветеност за европската интеграцијата и реформите кои се потребни за тоа. Ова е нешто што САД го поддржува и ќе продолжи да го поддржува,- - Александар Касаноф – Заменик помошник државен секретар на САД за западен Балкан.

Касаноф сепак, не сакаше да коментира дали ќе има некаква промена на американската политика со промената на администрацијата во САД, но изрази уверување дека до крајот на мандатот на актуелниот претседател Бајден, ќе продолжат со силна поддршка за земјава. Поранешниот амбасадор Наумовски пак, смета дека иако во фокусот на Трамп ќе бидат Украина и Блискиот исток, сепак, се она што го попречува обединувањето на Европскиот континент може да се најде како приоритет.

-Знаеме дека во првиот мандат, претедателот Трамп се посвети на прашањето за Белград и Приштина и верувам дека ако продолжи таа политика за решавање на сите билатерални прашања кои стојат на патот на обединување на ЕУ ќе се најдат како приоритет за САД,- - Васко Наумовски – Поранешен амбасадор во САД.

Покрај евроинтеграциите, во фокусот на средбата Касаноф – Мицкоски биле и владеењето на правото и економскиот развој на земјава. Касаноф потоа на посочи Соединетите Држави борбата против корупцијата ја сфаќаат многу сериозно, но не откри дали ќе има проширување на американската црна листа со нови лица од земјава.

Не сакаше да ги коменира најавите на премиерот Мицкоски за робусна акција во судството и обвинителството. Димитриеска уверува дека Советот на ЈО работи успешно и согласно закон што било нотирано во домашните и меѓународни извештаи, и нема да го следи потегот на Весна Дамева која пред една недела поднесе оставка од функцијата Претседател на Судскиот совет.

-Не, не размислувам. Сметам дека нашата работа ја вршиме согласно законот, согласно нашите законски надлежности, непристрасно, објективно и така ќе продолжиме. Во однос на вашето прашање јас не можам да коментирам изјави на политичари, не би сакала, секој во рамките на своите надлежности ги дава своите изјави. Јас лично сметам дека институцијата, Советот на ЈО како самостоен државен орган којшто ја обезбедува и гарантира самостојноста на јавните обвинители во нивното работење, работи успешно и согласно закон,- изјави – Душица Димитриеска – Претседател на Совет на ЈО .

На денешната седница членовите на Советот на ЈО ја номинираше обвинителката од Организиран Енѓелуше Кадриу Леши за заменик член во УО на Академијата за судии и јавни обвинители. Но Димитриеска останува член на УП. Едногласен став на сите членови на Советот е дека неизвршна е одлуката на Антикорупциска со која поради судир на интереси бараше Судскиот и Советот на ЈО да ги повлечат своите членови,

-Беше анализирана одлуката на ДКСК и едногласно од сите членови на Советот беше заземен став дека одлуката е неподобна за извршување со оглед на тоа што во изреката на истата е наведено дека постапката за членувањето на членовите на Советот на ЈО во УП се запира, а запирањето е донесено врз основа на одредбата од Деловникот за работа на ДКСК, чл.40 ст.3 во кој се наведува дека постапката се запира во случај кога нема да биде утврдена повреда на законот,- изјави – Душица Димитриеска – Претседател на Совет на ЈО .

Советот на ЈО заклучи и дека државниот обвинител Љупчо Коцевски не извршил влијание врз суспендираниот шеф на ВЈО Скопје Мустафа Хајрулахи и обвинителот Јован Цветановски притисок во врска со преметот за бонусите на поранешното СЈО.

Според информациите на Канал 5, судот ова може да го смета за целосно легитимен потег бидејќи во заклучоците усвоени пред две години, формулацијата „полн состав за сложени прашања“ се толкува како избрани деветмина судии, а не присуство на седница на сите девет судии. Но официјална потврда од судот нема, оттаму велат дека до седницата нема да коментираат.

Иако Уставниот суд одлучува со мнозинство од пет гласа, судијата Осман Кадриу за Канал 5 вели дека во случајот за Законот за јазиците се работи за надгласување и мајоризација за етнички права на Албанците кои се гарантирани со Устав. Затоа тој и неговиот колега Насер Ајдари одлучиле да не присуствуваат на седницата.

Во последно време кога се одлучува за конкретни предмети од национална природа, а одлуките се донесуваат со надгласување, навистина паѓа во очи дека станува збор за одлуки со кои се укинуваат правата на другите немнозински заедници.

- Нели сметате дека со неприсуството на оваа седница ќе постапите според чувство како етнички Албанец, а не според правни и уставни аргументи кои ги носите кога одлучувате во Уставниот суд?

- Не, исклучиво врз правни аргументи засновани врз Уставот на земјата како највисок правен акт. - Осман Кадриу – уставен судија

Во пресрет на седницата на Уставен, пристигнуваат и политички пораки. Од ДУИ велат дека доколку судиите одлучат да поништат постигнати права, последиците ќе бидат непоправливи, а тие не можеле да преземат одговорност за тоа што може да се случи потоа. Премиерот Мицкоски вели дека и покрај овие закани, Владата нема да дозволи да се создадат безбедносни проблеми.

-Судиите избрани од ДУИ и СДСМ сега се напаѓани од истата таа ДУИ, а кога станува збор за заштита на криминалците кои правеле криминал тогаш истите овие обвинители и судии се во нивна одбрана. Малку чудно е ова ама ќе видиме, времето ќе покаже. Ние сме свесни дека тие елементи сакаат да нè влечат назад во политичкото мочуриште и во минатото, но граѓаните да бидат сигурни дека многу анализираме и работиме со нашите стратешки партнери. Ниту тие ние, ниту Владата ќе дозволи да има какви било безбедносни проблеми. - Христијан Мицкоски – претседател на Влада

Вицепремиерот Изет Меџити пак темата за Законот за јазиците ја смета и за политичко прашање, важно за соживотот во Македонија.

„ Ако не присуствуваат судиите Албанци, таква одлука е нелигитимна и нецелосна. Нема да навлезам во таа работа на Уставниот суд. Јас само повикувам дека ова не е правно прашање, туку и политичко прашање што ја тангира и стабилноста на државата. “-Изет Меџити – вицепремиер

Инаку освен укинување и поништување, според најавите од претседателот на судот Дарко Костадиновски, за овој предмет е опција и судот да му даде рок од 6 месеци на Собранието да ги промени одредбите што би биле спорни, а можно е да повикаат и експерти од Венцијанската комисија.