СКОПСКО – 95 години креатор на домашната пивска култура - Канал 5

Забава

СКОПСКО – 95 години креатор на домашната пивска култура

Значаен јубилеј на водечкото пиво на пазарот

СКОПСКО – 95 години креатор на домашната пивска култура

Пивара Скопје лансираше нова комуникациска платформа со која започнува одбележувањето на 95- годишнината на носечкиот бренд во своето пивско портфолио. Со неа, СКОПСКО потсетува на својата автентична вредност која ја поседува уште од 1924 година - да биде еден вид специјална нитка која ги поврзува луѓето.

„СКОПСКО поседува особина да им помага на луѓето полесно да ги надминат разликите, да го пронајдат она што ги спојува и да креираат заеднички моменти на среќа и радост. Сметавме дека 95-годишнината е одлична можност одново да го истакнеме ваквиот уникатен карактер на СКОПСКО и неговата моќ да го поттикне заеднитвото и да ги потсети луѓето на најдоброто што го нуди животот“, објаснува Надица Николоска, бренд-менаџерка во Пивара Скопје.

Носечки елемент на новата комуникациска платформа е видео спотот кој на емотивен начин ја пренесува пораката за СКОПСКО како социјално врзивно ткиво кое продолжува да повикува на заедништво. Видео спотот го илустрира СКОПСКО како извор на инспирација на многу генерации, поттикнувач на оптимизмот и креатор на заеднички доживувања што го слават животот. Спотот се снимаше на локации во Скопје и Битола и е во домашна продукција.

„Да се создаде и развие идентитет на производ како СКОПСКО и тој да израсне до ниво на бренд-икона неопходни се обемни и континуирани вложувања во најсовремена технологија, како и големо знаење, вештини, креативност и многу љубов на генерации луѓе во Пивара Скопје кои со децении посветено работат да го одржат високиот и постојан квалитет, уникатен вкус, изглед и свежина на СКОПСКО. Истовремено, одржувањето на лидерската позиција, покрај почитување на трацицијата, се темели и на постојани иновации во согласност со глобалните трендови и вкусовите на потрошувачите. На овој начин СКОПСКО успева да ја одржи високата доверба што ја има кај потрошувачите и во заедницата“, вели Ламбро Патче, менаџер за односи со јавност и комуникации во Пивара Скопје.

СКОПСКО е без сомнение еден од најсилните македонски брендови. Преку континуираните вложувања и новините што ги воведе на пазарот во изминатите 95 години, СКОПСКО значајно придонесе за развојот на пивската култура и на домашната пивска индустрија во целина. Во изминатите неколку години, предводничката улога на СКОПСКО на домашниот пазар беше потврдена со појавувањето на неколку бренд-екстензии, како што се: СКОПСКО Радлер, СКОПКО Цреша, СКОПСКО Темно, СKОПСКО Smooth и СКОПСКО Нефилтрирано. Дополнително, за високата репутација што ја има СКОПСКО придонесува и поддршката што брендот со децении ја обезбедува за развојот на спотот, културата, уметноста и останатите значајни општествени сегменти.

Видео спотот за СКОПСКО 95 години е достапен на следниот линк.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 384 лица, вклучувајќи 291 странци, се водат како исчезнати по ненадејните поплави што ја погодија границата Непал-Тибет, соопшти туристичкиот одбор на земјата.

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 95 лица загинаа, објави Би-Би-Си, додавајќи дека меѓу 384 исчезнати се 105 Индијци и 12 Британци, како и 111 лица чии националности сè уште не се потврдени.

Ненадејните поплави во Непал сериозно оштетија села и патишта, покривајќи сè со дебел слој камења и кал. Властите повикаа спасувачи од Кина и Индија. Министерот за надворешни работи на Непал рече дека прелиминарните извештаи укажуваат дека ненадејните поплави можеби се предизвикани од земјотрес што предизвикал лавина.

Најмалку 95 мртви

Бројот на жртви од ненадејните поплави што го погодија хималајскиот пограничен регион помеѓу Непал и кинескиот Тибет се искачи на 95, соопшти полицијата, според Ројтерс.

Најмалку 55 тела се пронајдени во Непал откако лавина предизвика катастрофални ненадејни поплави, а стотици луѓе се водат како исчезнати. Информацијата ја објавија локалните медиуми, а Ројтерс објави дека сè уште не можел независно да ги потврди извештаите. Нови детали ќе бидат објавени штом ќе бидат достапни.

Дванаесет Британци исчезнати на екскурзија

Дванаесет британски државјани, кои се дел од поголема група од околу 400 исчезнати туристи, исчезнаа за време на екскурзија на границата меѓу Непал и Тибет. Информацијата ја потврди агенцијата за планинарење што го организираше патувањето.

Рам Кумар Адикари, раководител на агенцијата „Алпин Еко Трек“, даде изјава за Прес Асоцијацијата (ПА). „Во моментов немаме многу информации, но можам да потврдам дека 12 британски државјани требало да пристигнат на нивната дестинација утрово“, рече тој.

Записите за патување, што ги виде ПА, покажуваат дека возраста на исчезнатите Британци се движи од 13 до 65 години.

Адикари додаде дека на истото патување имало и двајца државјани на Ирска и четворица од Република Јужна Африка. Нивниот статус е исто така наведен како исчезнат.

Експертот предупредува на втор бран поплави, предизвикан од лизгање на глечерот

Непал е погоден од ненадејни поплави, а првите податоци од климатските организации сугерираат дека главната причина е лизгање на глечер.

Германскиот истражувачки центар за геолошки науки (GFZ) објави дека е регистриран земјотрес со магнитуда од 4,4 степени. Се случил околу седум минути пред надзорните камери во Ѓиронг да го снимат поројот, а снимките од 12:40 часот покажуваат како калта и водата уништуваат згради.

Ќианггонг Жанг од Меѓународниот центар за интегриран планински развој (ICIMOD) со седиште во Катманду се согласува со оваа проценка. Тој верува дека катастрофата е предизвикана од лавина од мраз и карпи во реката Лхенде Хола на непалската страна.

Жанг, исто така, предупредува на понатамошна опасност. „Сè уште има блокада низводно на граничната река помеѓу Непал и Кина, па затоа властите предупредуваат дека може да следи втор бран поплави“, рече тој.

Пилот за поплавата во Непал: Брановите беа високи до шест метри

Пилотот на хеликоптерот процени дека брановите во денешната смртоносна поплава на кинеско-непалската граница биле високи помеѓу пет и шест метри. Аман Будатоки бил во воздух во времето на катастрофата и разговарал со CNN за сцените што ги видел.

Пилотот рекол дека неговиот тим забележал облак од прашина над реката пет минути пред слетувањето, но на почетокот не разбрале што е тоа. „На почетокот изгледаше како лизгање на земјиштето. Дури мислевме дека војската користи експлозиви за изградба на патишта“, рекол Будатоки.

Сепак, набрзо станало јасно дека се сведоци на нешто многу полошо. Пилотот видел темен порој во кој, како што опишал, остатоци и отпад бурно се мешале со водата.

„Видовме бранови високи од пет до шест метри. Почнавме да кружиме над селото и гледавме како водата носи големи дрвја и неколку возила“, рекол тој. „Беше страшно. Ја следевме поплавата некое време за да ја процениме штетата.“

„Никогаш порано не сум видел моќта на природата прикажана на овој начин“, заклучил пилотот.

Тагови: Непал туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Поради смртта на Доли Партон, знамињата во САД една недела на половина копје

Американскиот претседател Доналд Трамп нареди во чест на американската кантри пејачка и актерка Доли Партон, која почина вчера, знамињата во САД да се спуштат на половина копје во текот една недела.

Трамп: Поради смртта на Доли Партон, знамињата во САД една недела на половина копје

Ова е вистинска загуба за милиони луѓе. Никогаш немало никој како неа, ниту некогаш ќе има. Почивај во мир, Доли. Светот те сака, напиша Трамп на социјалните мрежи. Легендарната американска пејачка, текстописец и икона на кантри музиката почина на 80-годишна возраст, а дел од медиумите објавија дека таа се борела со канцер. Партон освои 11 греми награди, меѓу кои и за животно дело. Со 160 милиони продедени албуми се сметаше за една од најуспепните кантри пејачки на сите времиња.

Тагови: Доли Партон Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неколку стотици исчезнати во ненадејни поплави и лизгање на земјиштето во Непал, на границата со Тибет

Стотици луѓе се водат за исчезнати, од кои околу 300 странски државјани и туристи, во ненадејните поплави кои го зафатија регионот на границата меѓу непал и тибет.

Неколку стотици исчезнати во ненадејни поплави и лизгање на земјиштето во Непал, на границата со Тибет

Непалските власти проценуваат дека загинале неколку десетици луѓе, а дека трагаат по речиси 400, повеќето странци. Министерот за надворешни работи на непал соопшти дека причина за поплавите бил земјотрес, кој предизвикал големи свлечишта и масивни лизагања на земјиштето. Би-Би-Си објави дека најголем дел од исчезнатите биле индиски државјани, но и 12-мина британски.

Тагови: Непал тибет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер