3Тричлена банда Бугари извршиле најголема измама во историјата на Британија, тешка 53 милиони фунти- депортирани се
Полицијата во Лондон го тестира системот за препознавање лица- ќе ги фотографираат луѓето без нивна дозвола
1Полицијата во Лондон го тестира системот за препознавање лица- ќе ги фотографираат луѓето без нивна дозвола
3БМВ го криел 21 година автомобилот што никогаш не го продал- има V12 мотор и е долг 5,5 метри (ВИДЕО)
ЗабаваСкопската Зоолошка чека пред ЕАЗА колку Македонија пред ЕУКоко се враќа во 2019 година. По една деценија. Од Холандија. Ќе живее во нова, посебна куќа со уште три шимпанза. Ќе бидат две машки и две женски. Во обејктот, кој интензивно се подготвува, има голема дневна соба. Нејзината подлога ќе биде од дробено дрво за да ги асоцира Коко и неговите другарчиња на Конго, на Централна Африка. Нема повеќе да лежат на бетон. Секој ќе има своја спална соба. И уште (многу) нешто. Аквариум, простор за савана-животните (антилопа, зебра, ној), лагуна за фламинго, површина за пингвини, „тропикариум" во поранешната „куќа за ѕверови" каде што беа сместени лавовите, тигрите, леопардот, црниот пантер и змиите, дом за папагали во доскорешната „мајмунарница", хранење мршојадци во живо, киносала за проекции, ново семејство волци, неколку лава, пар зебри од Чешка (напролет), антилопи од Палиќ, ноеви… Вакви се, накусо, плановите на Зоолошката градина во Скопје. Ја посетивме сред недела. Претпладне. Крај на ноември. Студено. Како што е редот, најпрво застанавме пред билетарницата. Таму, од прозорчето, ѕиркаше насмеаниот лик на чичко Трајко Костадиновски, еден од најстарите вработени. Нѐ поздрави и нѐ допрати до влезот. Во истиот момент пристигна нашиот домаќин Војо, познат љубител на влекачи и дел од поновиот тим на Зоолошката. Со фоторепортерката Фросина Насковиќ се израдувавме како деца (како впрочем при секое доаѓање во Зоолошката), но овој пат некако поинаку зашто први го сефтосавме новиот еколошки минибус на струја. Седиштата уште „неотпакувани", со најлони. Го донеле претходниот ден. Донација е, вели Војо, за ВИП-третман на посетителите, за посебно доживување. Бесшумно е, собира десетина лица, а наменето е за групи од школо, фирми… Билетите ќе бидат малку поскапи, но со нив се „добива" водич низ Зоолошката. Минибусот ќе застанува на одредени точки и ќе ги симнува „патниците" за да ги допрат, нахранат или бакнат животните. Тоа е и целта. Публиката да се доближи до животните, но и Зоолошката да обезбеди финансиска бенефиција за да може да се развива. Како да сме на сафари или во некоја зоолошка од европските метрополи. Такво беше чувството. Кратко ама преубаво. Се симнавме кај слониците Дуња и Даела. Од тука ја почнавме приказната. Или барем сакавме да ја почнеме. Намерата беше да се запознаеме одблизу со нивните карактери, со особините и дневните рутини на Кан, Инес, Гањо, Кристина, Флопи, Каспер, Тобого. Но, спонтано некако прво се осврнавме на слабостите и проблемите, на она што допрва треба да се направи. А ентузијазмот е голем. Тоа јасно се гледа и кај Војо, но и кај неговите колеги, кои постојано беа во движење. -Скопската зоолошка стана вид прибежиште за животни кои поминале трауми. Најчесто доаѓаат од циркуси, веќе „пензионирани". Практично, вишокот од Европа што не може да се вклопи во постојните групи завршува тука. И другарчињата на Коко, за жал, се или од лаборатории или од циркуси. Зошто е тоа така? Европската асоцијација на зоолошки и аквариуми (ЕАЗА), која е вид европска унија за зоолошките на нашиот континент, сѐ уште нѐ смета за недоволно созреани во однос на негата на животните, смета дека не сме од доверба зашто немаме докажано дека знаеме да се грижиме за животните. Затоа и речиси воопшто немаме репродуктивни парови. Голем дел од нашите животни се или од ист пол или се стерилизирани и кастрирани, со спирали. Не им е дозволено размножување. Жирафите се три машки, слоновите се две женки, има еден морски лав, три машки преживалски коњи…, раскажува Војо. Кадарноста за правилна нега, грижа и способност да ги чувате животните е нешто што треба да го докажете низ години, со труд и со работа. -Сакаме да бидеме членки на ЕАЗА. Но, засега во однос на оваа Асоцијација сме исто како што е Македонија во однос на ЕУ. Единаесет години сме кандидати за членство, чекаме пред вратата. Сепак, се трудиме многу. Целта на новиот директор е да направиме европска зоолошка градина што ќе докаже дека практикува етички пристап кон животните, не само од посетителски аспект (дека сме ги едуцирале посетителите) туку и дека е сменет односот на негувателите. Веќе имаме и војнички ритуал. Секој ден отвораме и затвораме во исто време. Ги учиме животните на дисциплина, ги мотивираме да соработуваат. Постојано ги тренираме ментално, ги анимираме. Не дозволуваме да им биде досадно. Многу голем дел од нив, со оглед дека се паметни, бараат некаква активност. Тука сме максимално ангажирани и посветени, нагласува Војо. Според него, модерниот негувател треба да биде поврзан со животното и да го чувствува за да оцени како најдобро да се однесува со/кон него. Слабости што мора да се надминат „Ехееееј, Трајкооооо", ваква е сѐ уште комуникацијата на вработените во Зоолошката градина. Без воки-токи, со довикување. Не е средена ниту депонијата. Целиот отпад (од кантите за посетителите, изметот на животните, гранките, лисјата) оди на едно место. Во ист куп. Без да се селектира. На пример, секој ден се фрла по една тракторска приколка измет од слоновите, што е од седум до осум ѕидарски колички, наместо да се компостира и реупотреби. Не се мелат ниту гранките за да се добие органски отпад, па кога треба нешто хортикултурно да се освежи, хумус се купува, наместо да се има свој. Ова го забележала и ЕАЗА во последниот менторшип на скопската Зоолошка пред 1,5 месец. Испорачала нови замерки, над 50. Укажала, меѓу другото, и дека дрвјата во живеалиштата на животните не се скратени, дека се „задушени" од бекатонски плочки. -Ова се навидум едноставни работи, но се одраз на цивилизациски, урбан однос. „Туууу, па за ова ли доаѓаа од Холандија? Добро, ќе смениме, не е ништо страшно", беше реакцијата на постарите колеги кога им ги презентиравме забелешките во извештајот на ЕАЗА, истакнува Војо. Живеалиштата, генерално, ги задоволуваат критериумите. Поранешните директори, вели нашиот соговорник, граделе по стандардите на ЕАЗА. Но, Зоолошката не е музеј, туку жива институција. – Тука мора да има „живот" 24 часа, а трета смена немаме. Можеби слонот ноќеска ќе има потреба од нас. Доаѓа Нова година, ќе се пукаат петарди, можеби ќе се исплаши, ќе се вознемири, може ќе се повреди, дополнува Војо. Дуња и Даела – атракција што привлече 10.000 – 12.000 посетители дневно Дуња забележа дека Војо зборува за неа. Се доближи полека и почна со сурлата суптилно да си ја удира устата, како да вели „дај ми да јадам". – Да одиме понатаму, почнува да бара храна. Всушност вели: „Дај ми храна, што ме гледаш", толкува Војо и се смее. Продолживме кон т.н. мека спална на Дуња и Даела, дел од слонарницата – затворениот објект веднаш зад дворот во кој шетаат. Дуња е азиски слон, еден од најстарите и најголемите во Европа од овој вид. Има над 50 години и е релативно „возрасна" со оглед дека слоновите живеат околу 60 години. Во добра здравствена состојба е, а и кондицијата не ѝ е лоша. Со Даела се последните слонови украдени од природата. Вкупно 30 години настапувале секоја вечер во циркуски претстави. Во 2015 година се пензионираат поради донесување закон со кој се забранува користење животни во циркуси. Од Северна Белгија, каде што живееја, се донесени тука. Даела е „Африканка". Помлада е, има околу 30 години. Со Дуња се два сосема различни света, иако посетителите тоа не го забележуваат. Физички се разликуваат. Даела е со многу погруба, порапава, набрана кожа и поголеми уши. Различно и мирисаат, а поинаков им е и карактерот. Веројатно ќе бидат една од последните двојки во светот што живеат заедно, а се различен вид, зашто постои закон кој вели дека зоолошките мора да чуваат само ист вид. Слониците генерално се дружат. Но, како и секој по дома, понекогаш се караат, иако сериозна „тепачка" меѓу нив немало никогаш. Ќе се клоцнат со нога, едната ќе ја удри со задникот другата малку посилно ако сака да ѝ ја земе храната, ќе си подвикнат. Се хранат трипати на ден. Имаат заедничка поилка, надворешна и внатрешна. Кога треба да си легнат, тоа и го манифестираат: стануваат понервозни, застануваат на една од вратите, почнуваат да чукаат… Една тракторска приколка свежи гранки или цело мало дрво, по околу четири бали сено или слама, 20-тина килограми моркови, десет килограми јаболка и банани, од три до пет килограми свежи кикиритки, тегла мед. Ова е приближно оброкот за еден ден на Дуња и Даела. -Утринскиот ритуал е хранење со тренинг. Околу 13 часот ваквиот ритуал го повторуваме, а потоа, приквечер, ги легнуваме да спијат. Тоа најмногу зависи од расположението на овие две дами, што многу се чувствува. Дуња особено знае, ако ѝ е досадано, да застане на една од вратите на слонарницата и да тропа со сурлата. Притоа, точно знае на која врата тропа. Во 13 часот ќе застане на металната врата и тропа. Всушност вика „ајде, отвори, време ми е да јадам" или „време ми е да се одморам". Пред спиење имаме уште еден краток тренинг, ги тераме да седнат, да легнат. Ќе добијат награда од банани и јаболка, малку леб и потоа во големата спална ги ставаме на мек песок на кој спијат, објаснува Војо. „Мека спална" и педикир Проблем за слоновите е да спијат на бетон, поради што во слонарницата е направена т.н. мека спална со која ретко која зоолошка на Балканот може да се пофали. Наскоро ќе се донесе и кварцен песок, кој е уште помек од овој, сегашниот. Објектот, пак, кој засега е затворен за посетители, ќе биде отворен. Во слонарницата, покрај „меката спална" што зафаќа околу 300 квадратни метри, има и т.н. груминг-соби. Во нив се прави педикирот, се средуваат ноктите на слониците. Во посебна одаја се поставени камери преку кои се следи движењето на Дуња и Даела надвор и внатре. -Веќе се држат кратко време надвор, по три часа, зашто е ладно. Потоа влегуваат внатре. Ги капеме ние со т.н. вап-машина, како за миење коли, но ги триеме и со четки на главата, лицето и нозете. Имаме бојлер со 400 литри топла вода и го трошиме цел на едно капење. Интересно е и тоа што никогаш не влегуваме слободни кај слоновите. Меѓу нас има бариера со струја зашто тоа се животни со претрпена траума и можат да нападнат. Секогаш ги храниме од дистанца, а така ги даваме и наредбите. Единствено ги допираме кога се прави педикир, во посебните т.н. груминг-соби или кога треба да им се земе крв, да им се намачка рана…, вели Војо. Африканска савана Зад слонарницата патот води кон поранешната „куќа на ѕверови". Сега тука се чува сено, а има и понекој транспортер за животни, останат од времето. Визијата на Зоолошката е овој објект да стане „тропска куќа", со палми, егзотични растенија, мали птички, мрзливци и понекој гуштер. Овде, ни покажува Војо, може да се „смести" и една киносала за проекции. Веднаш одзади се гледа парцелата која претходните власти ја имале замислено како ботаничка градина. Зоолошката ја доби пред десет години. Идеја на Војо е овој простор да стане африканската савана во која зебрата ќе се расправа со антилопата, а антилопата ќе го брка нојот. -Ова е одличен простор за т.н. мешано живеалиште за савана-животните. Моја идеја и голем ќеф е тука да овозможиме простор за животни од Африка, слободно да живеат, да се движат, да се бркаат, природно да се однесуваат, просторот да биде типичен репрезент на африканската савана. Екоавтобувчето ќе поминува оттука, доловувајќи им на посетителите сафари-искуство. Нивистина се надевам дека во 2019 година од оваа средина овде ќе направиме отворена савана. Не е потребно многу време за да ја реализираме оваа идеја, но ќе ни требаат одредени дозволи и документи, како и потврда од ЕАЗА дека идејата е добра. Конечно животните ќе имаат можност да го манифестираат своето природно однесување, да трчаат, а ќе направиме и штала, додава Војо. Движејќи се, поминавме покрај мршојадците. И тука се предвидени новини. Од идната година треба да стартува интерактивно шоу кое во живо ќе ги претставува овие животни. Ќе се влегува внатре, во нивното живеалиште, хранењето ќе биде пред публика. Целта е да се едуцираат луѓето и да се мотивира емпатија кај нив, да се натераат да размислат зошто се мршојадците загрозени. Притоа, секоја од презентациите ќе завршува со молба посетителите да сменат понекоја навика која се одрзува врз природата. Полека изминуваше вториот час од нашата прошетка, а муабетот како допрва да почнуваше. Време имавме сѐ помалку поради обврските. Сепак, решивме да ги ѕирнеме уште жирафите и да се поздравиме со Кан – морскиот лав со преубави очи. -Имаме речиси 30 лемури, сите се од Мадагаскар. Идната година ќе треба да намалиме дел од семејството. Обично групите на лемури се околу 20, а ние скоро достигнавме максимум. Само годинава имаме шест бебиња. Бремена е и една од двете женки од мајмуните гибони, поради што е изолирана во посебно живеалиште. Волците, хммм… Голем дел од нив се кастрирани и стерилизирани, не се размножуваат. Групата е одлична, но релативно стара. Во следните години, како што ќе ги губиме, ќе мора да набавиме ново семејство. Динго немаме. Имаме и четири европски кафеави мечки, но живеалиштата не се идеални. Не може ниту да се реновираат. Тоа во моментов е една од најлошите точки на Зоолошката. Нема ни каде да се стават сите четири мечки. Ако успееме да дадеме две, тогаш од постојните три пештери ќе направиме една убава, поголема, и едно добро живеалиште. Во Зоолошката има и два персиски леопарда. Досега еднаш имале бебиња, но последниве неколку години немале. Затоа се размислува да бидат префрлени во друго живеалиште, зашто каде што се сега можеби не им се допаѓа. Малечките се дадени, едното во Битола, едното во Белград. Има и три сибирски тигри. Мајка, татко и ќерката Ана. Планот е мајката и таткото повторно да се спојат. Засега се одвоени зашто и во природата не живеат заедно, туку се здружуваат само во период на парење. Тигрите живеат на простор од 2.000 квадратни метри. Лавовите, пак, вкупно четири, се во сосема друг дел од 1.200 квадратни метри. Три од нив се продукт на инцест поради што девијациите се веќе евидентни, иако не се многу возрасни. Едната лавица има метастазиран тумор на лицето и веројатно ќе мора да се евтаназира многу скоро, а другата се претпоставува дека има епилепсија. Многу тешко се движи, добива напади. И таа нема да има иднина. Братот на лавиците е добар, но не смее да се размножува зашто носи ризичен ген (од инцестот). Инес е јагуарот, женка од 17-18 години што до скоро беше со тетка ѝ Ксенија. Во Зоолошката има и пет павијани, сите машки. Нема зебри, антилопи и ноеви, сите се изумрени. Додека разговаравме со Војо, нѐ пресретна Маја, „чуварката" на морскиот лав Кан. Ни предложи да „скокнеме" и до кај крокодилите Гањо и Кристина. Во „нилски" услови, лежеа мирно, под инфрацрвена светлина. Најадени. Двајцата се по 12-13 години. Допрва ќе растат. Јадат три пати неделно, свежо телешко месо, пилешко и риба. Продолживме кај Флопи, Каспер и Тобого. Ги погаливме, им дадовме храна и се упативме накај Кан. Со него ја заокруживме посетата на Зоолошката. Кан е „Хрват", набавен од Зоолошката во Загреб. Го донеле кога имал само пет години. Денес има десет. Всушност, дошол со братчето, но тоа починало пред две години. -Останат е сам, но се надевам дека ќе му донесеме девојка и ќе го жениме, поради што сум прилично љубоморна. Само јас сум женско кое работи со него и имаме изградено убава врска. Се галиме, се гушкаме, се смее Маја. Кан се храни со морска риба, четири пати на ден. Лете јаде до 15 килограми, а зиме и над 20 за да создаде сало кое му служи како бунда и го штити од студ. Сака да живе надвор и покрај живеалиштето со парно греење, малото базенче и останатите услови. Социјално животно е, многу умно и сака да се дружи. Сака да учи и знае многу „финти". -Не дозволуваме да го фати депресија. Го тренираме од три до четири пати на ден, за викенд малку поедукативно, за посетителите. Имаме инсталирано звучници со микрофон, им објаснуваме што е морски лав, како живее, како се храни… Ги поздравува гледачите, скока, рипнува, се бакнува… Оваа зима ќе учи нешто ново, за да не им биде досаден на посетителите, рече Маја. Само за МИА таа се симна кај Кан и ни покажа што го има научено. Кога ја виде, пресреќен, Кан веднаш почна со егзибициите. Маја му фрлаше свежа морска риба, зборуваше со него, а тој возвраќаше на негов јазик. Бројни се плановите, идеите и желбите на Војо и неговите колеги за скопската Зоолошка да стане неодминливо место во градот. Воодушевува нивната посветеност и љубов кон животните. На заминување, уште еднаш се сретнавме со чичко Трајко, кој во Зоолошката е вработен од 1981 година. И со него кусо разменивме неколку реченици. Се присети на времето кога Македонија беше дел од поранешна Југославија и кога „Илинденска" и „Рузвелтова" беа преполни со автобуси. -Триесет и кусур години сум на билетарницата. Сум видел сѐ и сешто. Работите се многу променети, а посетители секогаш има. Тоа, секако, зависи најмногу од животните со кои располага Зоолошката. Колку поатрактивни и нови животни, толку повеќе посетители. Тоа го потврдија и последниве два месеца, септември и октомври. Откако сум тука, тие се рекорд со продадени 7.000 – 8.000 билети за викенд, истакна Костадиновски. Според него, има денови кога нема ниту еден посетител во Зоолошката. Тоа е обично зиме, ноември, декември или јануари, посебно кога е студено или кога врне снег. Се случува никој да не дојде и за викенд. Чичко Трајко понекогаш излегува од билетарницата, да прошета, да ги ѕирне, како што вели, животните, но за тоа има многу малку време. Нѐ испрати со една негова констатација: „Стопати е полесно да се работи со животни, отколку со луѓе, со народ. Животните повеќе ќе те сфатат од човекот". Скопската Зоолошка градина е од 1926 година. Зафаќа вкупно 13 хектари површина. За споредба, Зоолошката во Белград е на само шест хектари. Во текот на земјотресот, во 1963 година, дел од живеалиштата на животните се срушиле. Изградени се нови, по стандардите на ЕАЗА./МИАКрадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08
СудбинаСмртоносно количество кокаин е пронајден во бебешка цуцла- осудени се мајката и нејзиниот партнер Мајка е затворена, заедно со нејзиниот партнер, по смртта на нејзината двегодишна ќерка, во чие шише за млеко е пронајдено дека содржи „смртоносна количина“ кокаин!Итните служби биле повикани на адреса во Билингам во април 2024 година, по извештаите дека девојчето, Лајла Хеч, престанало да дише, објави Би-Би-Си. Нејзината мајка, 22-годишната Џоди Хеч, и нејзиниот партнер, 30-годишниот Дејли Матис, првично ги негираа двете обвиненија за злоупотреба на деца во кои биле вклучени Лајла и друго дете. Тие го сменија своето признание на вина на Крунскиот суд во Тиссајд и беа осудени во понеделник. Mom and drug-dealer boyfriend learn fate after toddler dies from drinking cocaine-laced milk https://t.co/QrE02BgFuI https://t.co/I5KLiG860C — New York Post (@nypost) November 17, 2026 Токсиколошкиот извештај покажал дека смртоносна количина кокаин е пронајдена во шишето за млеко на детето, а дрогата е пронајдена и во нејзината крв, желудочната содржина и прамените коса. Главниот детектив инспектор Крис Прингл од полицијата во Кливленд изјави дека во куќата е пронајдена голема количина дрога, како и канабис. Двојката се изјасни за виновна за поседување дрога од класа А со намера за дистрибуција. Џоди Хеч, исто така, се изјасни за виновна за вмешаност во дистрибуција на дрога од класа Б и беше осудена на пет години и четири месеци затвор. Матис, кој беше осуден и за посебно кривично дело насилно однесување во врска со нападот во септември, беше осуден на 13 години затвор. Прингл рече дека дрогата пронајдена во куќата била „лесно достапна за мали деца“, што ја прави „екстремно опасна средина“.Тагови: кокаин Мајката Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЕвропаСанчез е пред изборен пораз- европската левица останува без еден од најсилните адутиСè поверојатниот изборен пораз на шпанскиот премиер Педро Санчез на претстојните избори би претставувал нов удар за европската левица, која би останала без еден од своите најгласни претставници во Европскиот совет.Вонредните избори во Шпанија, закажани за 29 ноември, би можеле дополнително да ги променат политичките односи меѓу европските лидери, а со тоа и односот на силите на состаноците на кои се одлучува за идниот правец на Европската унија. Според резултатите од анкетите, победата на шпанските конзервативци е се поизвесна, што значи дека бројот на социјалистичките лидери во Европскиот совет би можел дополнително да се намали. Изборите во Италија, Франција и Полска во 2027 година би можеле дополнително да ја ослабат европската левица и да доведат до фактот дека проевропските прогресивни и либерално-левичарски партии во Европскиот совет остануваат во посебно малцинство. „Една од последните преостанати левичарски влади во Европската унија... Звучи како остаток од минатото“, му рече еден дипломат на ЕУ за известувачот. Кој останува меѓу европските социјалисти? Доколку Санчез загуби на изборите, меѓу социјалистичките и социјалдемократските лидери во Европскиот совет, главно ќе останат данската премиерка Мете Фредериксен и премиерот на Малта Роберт Абела. И двете доаѓаат од помалите земји-членки на ЕУ, а нивните политички ставови не мора да се совпаѓаат со разбирањето на Санчез за социјализмот. Социјалист е и претседателот на Европскиот совет, Антонио Кошта. Евроскептичната група на европски конзервативци и реформисти (ЕЦР) во моментов има двајца претставници во Европскиот совет - италијанската премиерка Џорџија Мелони и белгискиот премиер Барт Де Вевер. Летонскиот премиер Андрис Кулбергс е независен, но неговата владина коалиција вклучува и партии поврзани со ЕЦР. Поранешниот чешки премиер Петар Фијала, кој припаѓаше на ЕЦР, беше заменет со Андреј Бабиш, чија партија АНО е член на екстремно десничарската група Патриоти за Европа (PfE). Умерената, проевропска десница, собрана околу Европската народна партија (ЕПП), има 12 лидери во Европскиот совет, како и претседател на Европската комисија. „Јазот би бил огромен“, рече Хавиер Карбонел, политички аналитичар во Центарот за европска политика (EPC) со седиште во Брисел. „Фредериксен не се смета за водечка фигура меѓу социјалистите во остатокот од Европа на начин на кој, до одреден степен, беше Санчез“, додаде тој. Карбонел верува дека заминувањето на Санчез би можело да поттикне поширока дискусија меѓу европските социјалисти за насоката во која тие треба да се развиваат, особено затоа што ниту поумерен ниту изразито левичарски пристап во моментов не им носи изборен успех. Големи разлики околу миграцијата „Фредериксен, дали таа навистина е социјалист? праша друг дипломат на ЕУ, потсетувајќи на честите несогласувања меѓу Данска и Шпанија во Европскиот совет, особено кога станува збор за миграциската политика. Данската премиерка неодамна, заедно со италијанската премиерка Џорџија Мелони и полскиот премиер Доналд Туск, го критикуваа Санчез за неговата политика на легализирање на статусот на стотици илјади мигранти. Фредериксен се залага за многу построга миграциска политика од шпанскиот премиер. Неодамна ги поддржа плановите за формирање центри за мигранти кои не се членки на ЕУ во Руанда, со поддршка од Германија, Австрија, Грција и Холандија. Шпанија, заедно со Франција, постојано се спротивставуваа на ваквите предлози. „Не би го дефинирала Фредериксен како социјалдемократ“, изјави за порталот „Репортер“ Хана Јалул, истакната членка на шпанските социјалисти во Комисијата за надворешни работи на Европскиот парламент. „Ако можете да испратите кој било мигрант во Руанда, без да ги земете предвид нивните човекови права, нивната животна ситуација или нивните лични околности, тоа е целосно неприфатлив расизам“, додаде таа. Санчез често се судираше со Трамп Санчез и даде на европската левица препознатлив политички профил, особено со неговите ставови за Кина, Блискиот Исток и односите со Соединетите Американски Држави. Неговата влада беше поотворена за соработка со Кина и се спротивстави на одредени потези на администрацијата на американскиот претседател Доналд Трамп. Во април оваа година Санчез ја посети Кина по четврти пат во последните три години, со цел зајакнување на економските и дипломатските односи со Пекинг. Шпанија стана една од најотворените членки на ЕУ за соработка со Кина, а Санчез постојано ја повикува Европа да се вклучи во поинтензивен дијалог со Пекинг. Таквата политика не секогаш наидува на одобрување на другите европски лидери, а за време на неговиот втор мандат, Санчез постојано се судри со американската администрација. Тој се спротивстави на зголемувањето на средствата за војската на пет проценти од БДП, што го бара НАТО, им забрани на американските авиони да користат заеднички воени бази и шпански воздушен простор и отворено се спротивстави на, како што рече, „нелегалната и неправедна војна“ во Иран. Ова дополнително ја зацврсти неговата позиција како еден од најпрепознатливите претставници на меѓународната левица. Тагови: Левица Педро Санчез Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
СудбинаГо запрел автомобилот за да ѝ помогне на сопругата која се задушувала, па го казниле со 125 евра- но, тука не бил крајот на макитеПензиониран машиновозач бил бесен откако бил казнет затоа што го запрел својот автомобил пред железничката станица во Рочестер на двојна црвена линија. Тој тврди дека го сторил тоа за да ѝ помогне на сопругата која се давела. Иако се обидел да објасни зошто морал да застане, казната му била зголемена на 105 фунти (околу 125 евра), кои на крајот ги платил. „Не дојдов да земам никого“ Џејмс Брајс, 69, застанал пред железничката станица, која е во зона со ограничен сообраќај. Тој рекол дека морал да ѝ помогне на сопругата. Тврди дека застанал веднаш по 6 часот наутро, кога немало други возила на патот, и дека не вознемирувал никого. „Не дојдов да земам никого, а никој не излегол од вагонот - што мислеле, зошто застанав? Секој би го направил она што го направив јас во медицинска итна ситуација. 300 луѓе умираат од задушување секоја година. Бев таму три или четири минути, не повеќе“, рекол тој. Само три дена подоцна, на 5 август, тој доби казна од 70 фунти, со можност да плати намалена казна од 35 фунти ако го стори тоа во рок од две недели. Брајс очекуваше властите да ги разберат околностите на запирањето на неговиот автомобил. „Помислив: „Добро, не е важно, само ќе објаснам што се случило“, верувајќи дека ќе разберат“, рече тој. ‘I was fined £105 for stopping the car while my wife choked, but they ignored my appeal’ #Kent https://t.co/CuUpfDhmsB — KENT (@DailyKENT) November 17, 2026 Тој тврди дека немало одговор Сепак, обидот да се жали преку веб-страницата на локалната самоуправа Медвеј не успеа, па затоа испрати писмо по пошта, објаснувајќи што се случило. Тој тврди дека не добил одговор, но на крајот на август добил ново известување со кое казната се зголемила на 105 фунти. Затоа решил лично да достави друго писмо до локалната самоуправа во Чатам, Кент. Сепак, тој рече дека не добил одговор до 5 ноември. Плашејќи се од понатамошни дејствија, на крајот ја платил побараната сума. Потоа Брајс контактирал со KentOnline, каде што рекол дека се чувствувал „измамен“ бидејќи локалната самоуправа брзо ја издала казната, но не одговорила на неговите обиди да ја оспори. „Доколку ми рекоа: „Разбираме зошто го направивте тоа, но тоа не е доволно добра причина“, ќе ја прифатев и ќе ги платев 35-те фунти - но толку многу ја одолговлекуваа што казната достигна 105 фунти“, рече тој. Додаде дека се прашува колку луѓе се откажуваат од обидите да ја оспорат казната и едноставно ја плаќаат. Администрацијата му ги врати платените пари Откако медиумите контактираа со локалната самоуправа на Медвеј и побараа објаснување, се случи нов пресврт. Веќе следниот ден, Брајс повторно се јави во редакцијата и рече дека му се вратени сите 105 фунти. Сепак, како што изјави, не бил однапред информиран за плаќањето, ниту добил никакво објаснување зошто парите се вратени. Додаде дека би сакал да добие барем некаков одговор по сите негови обиди да контактира со властите. Како одговор на прашањата од новинарите, локалната самоуправа на Медвеј изјави дека го добиле првото писмо на Брајс на 11 август, но дека неговата жалба е одбиена поради „недостаток на докази и активности забележани околу возилото“. Како што објаснија, му испратиле одговор на 26 август, или 21 ден откако била издадена првичната казна. Претставници на администрацијата, исто така, изјавија дека има проблем со формулацијата во известувањето за отфрлање на жалбата, поради што казната била поништена.Тагови: автомобилот сопругата Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиМВР предупредува на опасна он-лајн група „764“- која таргетира деца и малолетници15:00Во 13 часот протест пред Владата против родово базирано насилство08:49Нови пријави за сексуално насилство врз деца: Дали казните и законските рокови ги штитат жртвите?15:08Кривични пријави за два слуачи поврзани со силување деца08:55На бебе му бил повреден прст на Гинекологија при вадење инфузија – ГАК отвора дисциплинска постапка15:08
Нови пријави за сексуално насилство врз деца: Дали казните и законските рокови ги штитат жртвите?15:08
На бебе му бил повреден прст на Гинекологија при вадење инфузија – ГАК отвора дисциплинска постапка15:08