Скокале во паника од зградите- над 150 лица завршиле во болница по земјотресите во Истанбул - Канал 5

Свет

Скокале во паника од зградите- над 150 лица завршиле во болница по земјотресите во Истанбул

Нема жртви во земјотресите што рано денеска ја погодија областа Истанбул во Турција, а 151 лице кои во паника скокнале од голема височина се хоспитализирани, соопшти Кабинетот на гувернерот на Истанбул, Давут Гил.

Скокале во паника од зградите- над 150 лица завршиле во болница по земјотресите во Истанбул

Тој рече дека нема негативни околности кои би влијаеле на општите услови за живот во енергетиката и инфраструктурата, снабдувањето со природен гас, водата за пиење и канализационата инфраструктура, пренесува турски Си-Ен-Ен.

Тој додаде дека една напуштена зграда се урнала во истанбулскиот кварт Фатих, но дека во инцидентот нема загинати или повредени, истакнувајќи дека единиците на итната помош продолжуваат со работа на терен.

Претходно турскиот претседател Реџеп Таип Ердоган изјави дека сите релевантни единици во Турција се во состојба на готовност откако подрачјето на Истанбул беше погодено од серија земјотреси, од кои најсилниот беше со јачина од 6,2 степени според Рихтеровата скала.

„Го следиме процесот многу внимателно. Засега се чини дека нема проблем“, рече Ердоган.

Потресите беа почувствувани и во околните провинции, како и во Анкара. Министерството за транспорт соопшти дека по првичните контроли на автопатите, аеродромите, возовите и метрото не е констатирана штета.

Претходно, земјотрес со јачина од 5,9 степени според Рихтеровата скала го погоди регионот на Истанбул во Турција, соопшти Европско-медитеранскиот сеизмолошки институт.

Епицентарот на земјотресот бил на длабочина од 12 километри, во Мраморното Море, западно од Босфорот. Според првичните информации, зградите во Истанбул се треселе, а граѓаните во паника истрчале на улиците.

Тагови: земјотрес паника

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

На сцената на НУЦК „Трајко Прокопиев“ – Куманово вчеравечер одекна силен и долг аплауз за екипата на НУ Народен театар Битола, која со својата изведба повторно ја воодушеви и ја насмеа до солзи публиката која ја исполни салата до последното столче.

Смеење до солзи со „Секстет“ на НУ Народен театар Битола на годинешното издание на фестивалот „Денови на комедијата“

„Секстет“ и овојпат покажа дека добрата комедија не познава граници – се игра, се чувствува и се споделува со публиката.

„Од срце му благодариме на организаторот на фестивалот „Денови на комедијата“ за поканата, прекрасното добредојде и гостопримството. До следната средба – со уште многу смеа, аплаузи и театарски моменти“, истакнуваат од Битолскиот театар.

Претставата „Секстет“ секогаш го полни гледалиштето до последното место, комедијата од Марк Камолети, во режија на Марјан Георгиевски, па така и овојпат салата беше исполнета со публика која ги награди актерите на Битолскиот театар со долготрајни аплаузи.

Недоразбирања, тајни, љубовни заплети и урнебесни пресврти секогаш ја тераат публиката да се смее од почеток до крај.

Зошто комедија? Затоа што премногу долго сме сериозни.

Живееме во време на прегласни информации и постојани кризи.

Научивме како да бидеме загрижени, заборавивме да се смееме. Во претставата играат: Бернар -Николче Пројчевски, Жаклина-Катерина Аневска Дранговска, Роберт -Александар Димитровски, Сузан-Сандра Грибовска Илиевска, Сузет -Анастасија Чипуровска, Џорџ-Борче Ѓаковски.

Костимографијата е на Андреј Георгиевски, сценографијата на Влатко Чачоровски, музика -Александар Димовски.

29.издание на Фестивалот оваа година се одржува од 23 септември до 5 октомври. Во текот на фестивалските денови, публиката има можност да проследи театарски претстави исполнети со хумор, квалитетна актерска игра и препознатлива фестивалска атмосфера преку изведба на театрите од Македонија и земјите од регионот. Фестивалот ќе биде затворен со претстава надвор од конкуренција, посветена на годинашниот лауреат Игор Џамбазов. Фестивалот е поддржан од Министерството за култура и туризам и од Општина Куманово.

Тагови: Денови на комедијата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер