Македонија

Скандал:Во Брисел изложба каде македонската историја се преставува како бугарска

На еден од постерите на изложбата пишува дека „Охрид е бугарска територија, претставен како дел од територијата на Цар Самуил, исто и Битола со тврдината како дел од бугарското царство“.

Во Брисел не престануваат бугарските провокации кон Република Македонија и македонската историја и потекло, јавува дописникот на МИА од европската престолнина.

Откако минатата недела бугарска дипломатка на работната група на Советот на Европската унија за Западен Балкан побара негативна препорака во прогрес-извештајот за нашата земја, а изминативе месеци кружи бугарски “нон-пејпер” документ низ ЕУ-институциите каде се вели дека македонската нација е вештачка и дека нејзината историја и јазик се фалсификувани, деновиве во Европската комисија се одржува изложба организирана од бугарската комесарка Кристалина Георгиева, каде овојпат е на мета македонската историја и азбука.

На се уште актуелната изложба со наслов „Свети Кирил и Методиј и бугарската азбука“, која се одржува во официјалната зграда на Комисијата, „Берлемонт“, а посветена на 1.150-годишнината од Моравската мисија на светите солунски браќа, кои се претставени како Бугари, словенската азбука е претставена како извадок од старо-бугарскиот јазик. Иако е еврокомесар за хуманитарна помош и одговор на кризи, Бугарката Георгиева застанала зад оваа изложба направена со помош на Институтот за литература при Бугарската академија на науките и на Националната библиотека „Свети Кирил и Методиј“ од Софија. Таа пред шест месеци организираше претставување на балканските народни танци познати како „оро“, каде исто така, покрај сите земји од балканскиот регион, Македонија не беше спомената.

Георгиева има право како дел од неформалната Влада на Унијата да делува на овој начин, но зад ваква провокаторска и негаторска изложба, таа не смеела да го злоупотреби своето место во Комисијата и да застане во промоција на анти-македонската политика на официјална Софија, посебно злоупотребувајќи ја комисиската зграда што се наоѓа во срцето на Брисел.

Меѓу спорните наводи во оваа изложба се цитира извесен грчки професор Јанис Карајанопулос, чија област е византиската историја, според кого „државата на Цар Самуил била целосно опфатена од Бугари по род!“. Па, така на еден од постерите пишува дека „Охрид е бугарска територија, претставен како дел од територијата на Цар Самуил, исто и Битола со тврдината како дел од бугарското царство“.

Од канцеларијата на бугарската еврокомесарка Кристалина Георгиева, која стои зад оваа изложба во Европската комисија, велат дека таа не ја организирала, туку дека ја прифатила поканата од организаторите само да биде патрон, а тоа според нив е „Бугарската меморијална фондација“.

- Ова е вообичаена пракса од страна на комесарите и во тоа својство тие немаат одговорност за содржината на изложбата, ниту, пак, да вршат влијание, коментира Дејвид Шерок, портпарол на Георгиева.

Од друга страна, пак, од таборот на комесарката за мултилингвизам Андрула Василиу, воопшто не сакаа да коментираат дали како на заштитници на мултилингвизмот, дозволиле во Комисијата изложба на која целосно се извртува вистината за потеклото и корените на словенскиот јазик, како на еден од најстарите јазици во Европа.

Што се однесува, пак, до официјалната бугарска политика во Брисел, провокациите не престануваат и нејасно е како Софија очекува потпишување на договор за добрососедство со Македонија, откако само годинава се направија илјадници провокации, со директен атак на македонскиот идентитет, нација и јазик од нивна страна. /MИА

Живот

Американка живее во постојан страв од алигатори- буквално ја следат на секој чекор (ВИДЕО)

Кејти и нејзиниот сопруг живеат во изолација, опкружени со вода од сите страни, а друштво им прават чивава, птици и еден куп алигатори.

Таа е многу активна на социјалните мрежи каде открива детали од нејзиното секојдневие. Луѓето беа во неверување кога покажа како го фрла ѓубрето.

Кога е време да се фрли ѓубрето, Кејти прави посебни подготовки, бидејќи во реката Сатила во Џорџија демнат многу опасности.

Облекува специјални (водоотпорни) панталони, ги става кесите во кајакот и започнува ризична авантура.

Кејти се грижи да се движи низ матната вода, посветувајќи особено внимание на алигаторите кои демнат на сите страни. Кога ќе стигне до копното, се качува во мал теренец и вози до најблискиот контејнер.

„Денес портата беше заклучена, што е уште една пречка“, рече таа.

@southernadventurehunter Taking out the trash is a major event! ##trash #chores #dailylife #river #flooded #chorelist #satilla #kayak #4wheeler #thingstodo #gatorwaders #tuesday #tuesdayvibes #backwoods #getoutside #mosquitoes #southern #southeast #georgia #dirtroads #gators #snakes #stayhome ♬ original sound - Kayak Katie

И покрај изолацијата и секојдневните искушенија, Кејти ја наоѓа убавината во неверојатниот мир, пишува New York Post.

„Ваквите предизвици не се ништо во споредба со мојата психичка и физичка состојба. Бубачки, алигатори, змии... ништо не е важно кога имате ваков спокој и прекрасен живот“, додаде таа.

@southernadventurehunter Its come up so much since this morning! #movingwater #flooded #kayak #boat #highwater #daily #dailycommute #commute #groceryshopping #groceries #backroads #storm #rain #satillariver #riverlife #spring #springshowers #darkwater #fyp #gators #snakes #spiders #foryou #viral ♬ original sound - Kayak Katie

Кејти рекла дека куќата ја купила откако нејзините деца пораснале и почнале да живеат самостојно.

Свет

И на Јапонците им пречат туристи- ставија мрежа за да го спречат погледот на планината Фуџи

Властите во јапонскиот град Фуџикавагучико, во подножјето на планината Фуџи, поставуваат црна мрежа како екран на дел од тротоарот за да го блокираат погледот на планината и поради лошото однесување на странските туристи.

До средината на мај ќе биде завршена, мрежата ќе биде висока 2,5 метри и долга 20 метри и речиси целосно ќе ги блокира погледите на планината Фуџи, една од главните туристички атракции во Јапонија, соопштија официјални лица.

Откако беа укинати ограничувањата наметнати за време на пандемијата „Ковид-19“, странските туристи сочинуваат 80 отсто од посетителите во овој регион, делумно поради слабеењето на јенот, пренесува АП.

Локалните жители негодуваат кога посетителите го блокираат тесниот тротоар, фотографираат и зафаќаат премногу простор или навлегуваат во имотите во околните села.

Градот испробал други методи, вклучително и знаци кои ги повикуваат посетителите да не излегуваат на патот и да го користат назначениот пешачки премин на англиски, кинески, тајландски и корејски, како и ангажирање чувари.

Иако зголемувањето на туризмот ѝ помогна на индустријата, освен во Фуџикавагучико, жителите се пожалија на туристите и во Камакура и во Кјото, каде познатиот кварт на гејши неодамна одлучи да затвори некои улици за посетителите.

Свет

Европската Комисија отвори постапка против Инстаграм и Фејсбук во врска со изборите

Европската комисија денеска соопшти дека отворила формална постапка во врска со сомнежот дека компанијата Мета, сопственик на социјалните мрежи Инстаграм и Фејсбук, го прекршила Европскиот закон за дигитални услуги (ДСА) .

Европската комисија денеска соопшти дека отворила формална постапка во врска со сомнежот дека компанијата Мета, сопственик на социјалните мрежи Инстаграм и Фејсбук, го прекршила Европскиот закон за дигитални услуги (ДСА) со тоа што не ги контролирала дезинформациите и ги намалила ризиците поврзани со влијанието на овие мрежи врз „граѓанскиот дискурс и изборните процеси“.

„ЕК создаде средства за одбрана на европските граѓани од дезинформации и манипулации од трети земји. Ако се сомневаме дека се прекршуваат правилата, ние дејствуваме“, рече претседателката на ЕК Урсула фон дер Лајен, додавајќи дека овие правила се особено важни за време на демократски избори.

„Одбраната на нашите демократии е заедничка борба на земјите-членки на ЕУ“, рече Фон дер Лајен.

ЕК во соопштението наведе дека се сомнева дека Мета не ги почитува своите обврски во врска со погрешните реклами, кампањите за дезинформација и „координирано неавтентично однесување“, како и дека ширењето на таква содржина може да претставува ризик за „граѓанскиот дискурс, изборните процеси, основни права и заштита на потрошувачите“.

Предмет на истрагата ќе биде алгоритмот на Мета, кој на своите корисници им препорачува политичка содржина, како и недостапни алатки со кои Мета, со помош на трето лице, би извршил „ефективен мониторинг на граѓанскиот дискурс и изборите“.

Мета веќе има таква алатка „CrowdTangle“, која им овозможува на истражувачите, новинарите и граѓанското општество да ги следат изборите, но почна постепено да ја исклучува, што е спротивно на насоките на ЕК за големите интернет платформи, односно оние со повеќе од 45 милиони месечни корисници, а во соопштението се забележува дека во предизборието ваквите алатки треба да се зајакнат.

Се додава дека постои сомневање дека механизмот на Мета кој им овозможува на корисниците на Фејсбук и Инстаграм да пријавуваат нелегална содржина не е во согласност со DSA и дека компанијата нема ефикасен систем за проверка на жалбите на корисниците во врска со одлуките на платформите за уредување на содржината..

ЕК наведе дека бара Мета во рок од пет работни дена да одговори што ќе преземе во однос на барањето за целосна соработка и обезбедувањето „сите потребни информации“ потребни за спроведување на проценката, по што ќе следи истрага, која може да опфати барање дополнителни информации, спроведување интервјуа и инспекции.